المدينة في غيابك .. يابعد عمري .. حزينة ..
................... وكلّ خطواتي بـ اثرها .. تنْبت هموم وجراح ..!!
شارعك مظلم وبيتك صار ..[ للذكرى ].. رهينة !
................... والشجر ذابل .. تبعثر ضيقته .. يدّ الرياح ..
عند بابك .. ماتت الأحلام .. شابت ياسمينة ..
................... كانت تغنّي احبّك .. كلّ مايصحى صباح ..!!
كانت تقول العمر .. لو يمضي بدونك غبينة ..!!
................... كانت تقول الأمل .. شمع وإذا سافرت ساح ..
كانت بضحكتك تزرع .. وسط صدر الليل .. تينة ..!!
................... كانت لدمعتك تقطف ..[ تينة الصدر ].. انشراح !!
صاح بي شبّاكك المخنوق .. هلّت دمعتينه ..
................... وانكسر هالماضي بعيني .. تخيّل يوم صاح ..!!
يبكي غيابك ويبكي .. كلّ عصفورهـ سجينة ..
................... طاحت بصدرهـ .. تضم الآآهـ .. مكسورة جناح !
ذابلة مثلي .. وانا اشكي لطيفك .. اوجاعٍ دفينة ..!!
................... من حنين بكلّ ليله .. يلبس ضلوعي وشاح ..!!
من زمان وكل ماطيفك .. تجي عيني .. بعينه ..!
................... اطلبه ..[ ارجع دخيلك ].. شوف حزني كيف فاح .!
ارجع الله يرحم احلامي .. ويرحم هالمدينـــة ..!!
................... قبل ماتصبح بدونك .. غابة ..[ هموم .. وجراح ]..!
لـ المبدعه: نجآح الحربي
