التليفونات في المدارس

السلام عليكم ورحمة الله وبركاته

اليوم باتناقش معاكم في موضوع اللي يأخذون تلفوناتهم المدرسة ..


وفي الحقيقه الموضوع شفته بأحد المنتديات وعجبني وحبيت اتناقش فيه معاكم.

الصراحة هالايام نلاحظ طلاب وطالبات يأخذون تلفونات لاسباب متعددة منها(

المغازل - الكشخه- التصوير للفضايح- وغيرها)

وطبعا النتايج تكون سلبية جداً وتسبب الكثير من المشاكل و الفصل والتعهدات !

اذا كان شي ممنوع وتعرفون انه بيكون له عقاب وخيم ليش تسوونه !

هذي كله بيرجع عليكم .. !!

فحبيت اسئلكم هذه الاسئله

شرايكم في اللي يأخذون جولاتهم للمدرسه؟

هل فعلاً هم بحاجه له بالمدارس؟

وهل للولد الاحقيه بأخذ الجوال أكثر من البنت ؟

وشنو برايكم العقاب اللي لازم يتخذ للطالب/ة اللي عندهم تلفونات؟؟




مما راقت لي

هناك كثير من الاسر العمانية للأسف الشديد تسلم ابنائها وبناتها الهواتف وهم ما زالوا ربما اقل من الصف العاشر
بعض منهم في الصف الخامس الكثير منهم يحملونه وهم في الصفوف من السادس الى الثاني عشر ..


العواقب يتحملها الآباء والامهات
انحراف الابناء واستخدام الهواتف للجوانب التي ذكرتيها يتحملها الوالدين
كل ما يؤثر سلبا على الابناء يتحمله الوالدين
لأن ابناؤهم امانه في اعناقهم الى يوم القيامه



الف شكر

اعرف عائلة عطت ولد تقريباَ بصف الثالث تلفون لان اخوه اللي بصف الخامس عنده فون
بالنسبة لي بعد مايتخرج من المدرسة يعطى اما قبل لا
احس نصف الضياع منه
http://www.majaless.com/up/get-1-2012-c1lfd55x.jpg

•#




الاهل بروحهم يدمروا اولادهم
و غياب الرقابةة منهم ايضا ..
عيل رايح يدرس شو يريد ف التلفون !!
و يوم يضيع الولد
يقولوا ربعه مخربينه ..

الله يهدي الجميع

في بعض الاسر تسلم اولادها وبناتها الهواتف لمجرد فشره لا غير و للأسف يتجاهلون العواقب وفي غياب الرقابه

الهواتف جعلت للإتصال في العاده
ولكن اولاد وبنات اليوم للأسف جعلوها لمضيعة الوقت ولتبادل الافكار الفاسده


اصحوا يا من تسلمون ابناؤكم وبناتكم الهواتف بحجة انكم ربما تتواصلون معهم بعد انتهاء الدوام وغيره .... اصحوا من غفلتكم فهم امانه في اعناقكم الى يوم الدين

اذا الاساس سمح لهم انهم ياخذو تلفونات معاهم للمدارس

يتحملون غلطة عيالهم

لانه ماراح يجي من ورى هالتلفونات غير المشاكل

حتى لو كان الشخص محافظ لابد من انه بيجيه غلط

حتى لو الغلط مو منه

بس بيكون عليه

عندنا في العمل ممنوع نتكلم وايد في موبايلات

لا لشي فقط عشان النظام

مانقول غير الله يهدينا وياهم

آلسلآم عليكم ،
مب لآزم يكون اللي يآخذ معه فون للمدرسه للأسباب اللي ذكرتونهآ ،
اخوآنيه يآخذون فون عسب لما يخلصون يتصلون بحد يآخذهم !
لأن مرات يطلعون من وقت و جيه ، يعني في اسباب ثانيه '

اننززين عاادي ترا الا فوون !!
م ششال قننابل ..\
اناا متعوودهه اشلهه بششكل ششبهه يوومي .

لو الأهل يربوا اولادهم صح و يوثقوا فيهم كان م يصير اللي تقوله (:

عآدي شفيهآ .. أخويهه و أختي يآخذوآ فونآتهم آلمدرسهه و آلامور طيبة
آحنآ وآثقين منهم و بعدين آلمدآرس الخآصة عآدي عندهم يعني مب ممنوع
و إذآ جلسنآ على كلآم آلنآسس مآ بنخلص ... و كل شخص آدرى بمصلحتهه
و ترى مب شرط عندهم فونآت يعني مآ عندهم أدي ... ودروا هآلآفكار من رآسكم!


و شكرا ��!

الولد اوك يآخذ الفون وياه
اما البنت لا عاد وين تبا ؟
عادي بنات ابليسَ يقصن عليها ولاشي
ماعندنا بنات يشلن فونات فالمدارس
ش هالمنكرَ :/
من جذاا البنات ضايعات

وشكراً

بشكل عام للمدارس. ...ما مناسب ﻷن كذا طالب بيضيع ف دراسته

السلام عليكم
طرح موووفق بارك الله فيك...

عمومآ ستختلف وجهات النظر بالامر ع الارجح فبين مؤيد ومعااارض لهذه الظاهره....قبول الامر يكمن في ان بعض الطلبه يحملونه بغرض الاتصال بذويهم عند انتهاء الدوام وهذا ينطبق ع من لم تقله حافلات الحكومه...وع الارجح ارى ان سلبياته تطغى فالبعض يستخدمه لضياااع الوقت والتسليه واستخدام مختلف البرامج الامر الذي ينتج عنه شرود ذهني من الحصص الدراسيه وعدم التركيز والانتباه ...ايضآ البعض منهم به من الجرأه مايتعدى حدود الادب حيث يقومون بتصوير معلميهم واصدقائهم""الاناث والذكور""ولايكتفون الا بوضعها ونشرها في برامج التواصل وهنا تكمن هذه خطورة حملها الى المدارس....

كذلك ان المدارس الخاصه والحكوميه توفر نقل للطلبه وليس عذرآ يجب ان يتخذ فعند انتهاء الدوام باكرآ سيتتصل الاداره بالسائقين لحمل الطلبه...وايضآ تتيح الفرصه للطلبه للأتصال بأهاليهم ليأتون اليهم...

ع كلا يجب ع الاهل ان يكونوا اشد حذرآ وحرصآ ف بقولي هذا لا اعمم ع الجميع ممن يحملون هذه الاجهزة للمدارس....

وحفظ الله ابناااء المسلمين من الفتن...

المشكله ليس في حملها
المشكلة لا يعرفون كيف يستخدمونها

هالزمن صار كله عادي معهم
واذ سمعوك معارض بيبروو انتو ماتعرفو نحن نحتاجه ووووو
مهما كانت الثقه وبعده طالب او طالبة ف المدرسه ابدا ما اايد فكرة الفونات سواء بالمدرسه او بالبيت
اذ طلعو من وقت ما اظن ادارة المدرسه تمانع انهم يتصلو باهاليهم عشان ياخذونهم
غير عن كذا وهم في نطاق المدرسه مايحتاجونه ابدا

http://www.7obcafe.com/wp-content/up...184681a1a3.gif