[ . . . عبث . . . ] !
مدخل :
أنت يالي تناديني عداك الملام ،
............. لاتفكر سكوتي / جاهل ، وماعرف
والله اني اعرفك قبل تبدا الكلام
.............. تكفي انفاس صدرك سابقه بالشرف
الدمع والذكرى ، ورجوى المقابيل
............... ونفس الرصيف / الي يلملم كياني .. !
اخذت لـ احلام الاماني معاميل
............... وقندت عبث الملهمه ، بالاغانـي
احاول انسى مامضى لكن الليل
............... ينده جبين الذكريات / وعصاني
نفحة تعب ، هدت مع حملي الحيل
............... ودروب شوك / ولا لقيت المكاني
ارخيت لـ خطام اللقا ، والمواصيل
............... وغرتني الايام ، ثم جيت عاني
قالوا مفارق / قلت فرقا الهوى ويل
............... قالوا تحب ، وقلت هـ الحب ثاني
انا عسفت الذاهبه ، لكن الميل
............... كتف يديني دون ماعرف وكاني
اجمع بقايا أنسان / في بعثرة سيل
............... واحاول اوقف غصب لوي اعاني
الحظ / والدنيا / وسود الغرابيل
............... صارت جماعه وجاد معها زماني
يالملهمه / شوفي يديني محابيل
............... وهذه الشوائب دون كل الاماني
اعاتب ايام الرخا ، والمراسيل
............... واعاتب اللي كان وسط المحاني
ماكنت غير انسان حلمه بتقبيل
............... فم الفرح ، واثر الفرح ماغشاني
رجعت وعيون الموادع هماليل
............... يم الرصيف الي حظنت وعطاني
مل صدر الكتابه / والقلم . والشعور
............... وضاق حلم الوسيع / وزاد حمل الجمل .. !
وطال ليل / المواجع / والغثا والدبور
............... ومال غصن اليباس ، ومات ورد الحقل
ياقديم العطايا / وش بقى بالصدور
............... وكل عرقً سكنته / بالحشا اضحمل
يالمعزب ترانا ، في حساب النفور
............... جيت طرقي مشاعر / رحت راعي محل
شدو البدو / لكن فالمرابع جذور
............... ولو تموت الخواطر / شامخه كالنخل
ليت حمل الليالي حملها مايجور
............... وش بقى للعزايم / فوق ظهر الفحل
طارت اسراب / حلمي واستحشت الطيور
............... ليت بعض النوارس للمواني تفل
نعرة الطيب فيني / وانت فيك القصور
............... لين شرهة عتابي / سار فيها الزمل
والله اني عطيتك يابعيد الشبور
............... قلب ابيض دفنته في يدين الجهل
ياكريم الخناجر / استبحت النحور
............... والله انك صعيب وكنت احسبك سهل
جيت كلي مشاعر / صدق قلبي غيور
............... اعتريت العدامه / فوق راس الجبل
ماذخرتك طريقً ينتهيبي فتور
............... لكن الجوع منك ماترك لي عمل
ياطريق التمني / وش بقى للسفور
............... وش بقى للخواطر والغلا والامل
ليتك الي رحلت ولا جمعت الكسور
............... وليتك الي عزفت / ولا جمعت الشمل
اقتحمت الاجابه في عيون الصبور
............... لين بحت الكنينه / ومابقى لك تحل
كل لغزً دفنته في طروش العبور
............... وكل خاطر كسرته ياقوي الحمل
لكن الوقت داير والليالي تدور
............... وكل انسان يعرف وش خسر وش حصل
تزهر يدين حلمي / والنوايا زهور
............... رغم نفحة شتاتك / رغم كل الزعل
وكل حلقً غلبه الصمت ماهو جهور
............... لازم يفج صوته بالصحيح ويـدل
كل شمسً تغُيب لازم يطل نور
............... يفضح الغيم لامن قد كساها عذل
وخل هرج العواذل ينفعك بالظهور
............... لاتسمر وجودك بين ظلم وجدل
المتألق
مشعل الشوق
