أعيش في عينه وأنا ميت فيه
مشتاق أنا
أسمع منه اليوم [ لبيه]
............... ودي أعيش بجوها لو ثواني ~
بس أتلهف كلمته يوم أناديه
............... وَ ليا نطق لبيه طحت بمكاني ،
أعيش في عينه وأنا ميت فيه
............. في وسط عينه كون من نوع ثاني
فديت خصلة قذلته يوم تذيه
............... حتى جبينه صار منها يعاني !
الموت لاجاه الهوى وصار مشقيه
.............. ثم انشغل فيها وَ أنا الموت جاني ~
وَ يَ ويل قلبي لا بكى يوم ألاقيه
............... عقب آلبطا لا شفت زوله لفاني
يقول انا لبيه وَ الشوق يعنيه
.............. وَ أقول أنا اللي فيك ربي بلاني
وَ قمنآ نسولف عن هوى عاش ماضيه
.............. وَ بعض الكلام إن قيل زلزل كياني
وَ قام يتمنى قلت أحقق أمانيه
............... وَ أثره تمنى الموت كانه نساني
يَ زين هرجه لا تكلم يغنيه
............... حتى كلامه صار مثل الاغاني
وَ إذا أنتهى وقت اللقى قمت أهديه
.............. وَ أقول لا تعجل ترى العمر فاني
يقول أنا ما أقدر وأعاند وأسليه
.............. من عقبها يضحك ويجلس ثواني
وَ أزعله وَ يفز وَ أرجع وَ أراضيه
............... وَ يقول أحبك وَ المصيبة أناني
كان اللقى عشرة دقايق وَ أخليه
............ وَ صار اللقى ساعة وَ ساوت زماني
وَ راح يتمشى ماخذٍ قلب غاليه
................ بس يتلفت وبعيونه معاني
فزيت له مجنون ثم صحت أناديه
............. ثم قالها [لبيه ] وَ طحت بمكاني
