اقسم قسم .. باللي خلقني من الطين
يـامـن غـرامـك ،، غـيـر كــل المحبـيـن
ياسيد .. الأحساس .. والملح .. والذوق
اشتـاق لـك شـوق" .. يـهـز الشرايـيـن
ياسـارق" (غفـوة )منامـي مـن المـوق
حبـك .. زرعتـه وسـط قلبـي مـن سنيـن
يسقيـه شريانـي وتنبـض بـه .. عــروق
عذّب خفوقـي واسهـر افراقـك .. العيـن
اشتـاق لـك / واحـن / واخـاف / واتـوق
كـلـي عـلـى بعـضـي لحـبـك .. بـراهـيـن
يامـن محلّـك بيـن الاضـلاع .. مـرمـوق
مهمـا اشـوف مـن الرجال .. المزايـيـن
ماغيـرك اللـي فـي سمـا ..خافقـي فـوق
خـذيـت قـلـبـي ديـــن،، يـاجـاحـد الـديــن
مـتــى تـــرده لـــي .. وتـحــن وتــــروق
حـالــي بـعــد فـرقــاك .. يـاقــرة الـعـيـن
حـال الجريـح اللـي بـه الـدم .. مـدفـوق
وبيـن الحـزن والحـب والشعـر والبـيـن
عجزت اعبر عن مـدى .. قمـة الشـوق
اشتـاق لأهــل (...) .. واشـتـاق للعـيـن
شوق" يخلي صاحـي العقـل .. مطفـوق
لو ينشكى حبك علـى .. king ..برليـن
كان اجتمعنا .. لو غدى الطـاق مطبـوق
غـبـت وغيـابـك .. تشتـكـيـه الشـرايـيـن
وماعاد فيّ احسـاس وضلـوع وعـروق
واللـي بقولـه بيـت قلتـه مـن .. سنـيـن:
وكملّـت لعيـونـك بــه الـيـوم .. طــاروق
اقسم قسـم .. باللـي خلقنـي مـن الطيـن
ماشاقني غيـرك مـن النـاس .. مخلـوق
