لا تسألوني عن سبب دمعة العين
لا تسألوني عن سبب دمعة العين
والله مدري دمعتي وش سببهـــا
يجوز تبكي من بعد ناس غالــــين
ويجوز تبكي حين ساعـــة غضبها
واحيان تبكي من سبب كثرة الدين
واحيان تبكي سبة اللي نكبــــها
دنيا غريبه ما عرفنا لها زيـــــــن
محدن على طيبه بيــومن كسبها
لو هي صفت لك يوم ولا بيومين
بالثالثه عينــــك تبلل هــــدبها
لا واهنيــــك يا دمــــوع البزارين
من قبـل لا تنزل ملبي طلبهـــا
وانا حيـــاتي كلهــــا بين نارين
والنار ويل اللي يطــــاول لهبها
ٲبكي من الحيره وٲبكي من البين
وإلا من هموم الزمان وتعبهـــــا
الدمع وايد والمشــــاكل ملايين
لا عاد تسأل دمعتي وش سببها..
