ماتباطيـت القصـيـد الا تباطيـتـك
يسعد صباحكم / مساكم
هلا بالجميع ..
ولقاء آخر متجدد يجمعنا احبتي وأتمنى ماراق لي يروق لكم ..
ماتباطيـت القصـيـد الا تباطيـتـك
والشعر في جيتك شكل وطعـم ثانـي
دامك اقبلت ولمحتك في شطر بيتـك
فكره مجنونه تسـلا بضيـقة اوزانـي
يا اعذب إحساس(ن) ملكني علـّك وليتـك
تفهم الشعر ان شربك بصحّـت السانـي
يعلـم الله فـي غيابـك ماتناسيـتـك
بس فـي مـره نويـت انساك ممدانـي
قلت ابنسى وارتفع صوتـك ولبيتـك
واثـر خفاقـي بصوتك عنـك نادانـي
ويش اسوي دامنـي بالجـوف ربيتـك
طفل تسـوى الحيـاه بعيـن شريانـي
تلعب وتكبـر وتكبـر ليـن عديتـك
بالغلا اخـر نمـاي وكـل شيبانـي
والله ان عمري بدا مـن يـوم حبيتـك
واعرف انه ينتهي لو قلـت تنسانـي
وحط في بالك انا مـن عـام خبيتـك
ان صحيت بخافقي وان نمت بجفانـي
ما ابي يحـد يلمحـك حتـى لـغنيتـك
غرت من صوت الصدى لا ردد الحاني
من كثر ما اشتقـت لطيوفـك تمنيتـك
رمش عيني لو تصير الشوف لعيانـي
وان تماده الحنين برمش عيني ضميتك
وقتهـا القاك لكـن ليـه مـا القـانـي
والله انك مـن لفيـت بنبضـي حييتـك
وكني بقولت ((هلا)) بـيـّنت حرمانـي
هذا حالي يالغـلا مـن يـوم خليتـك
وانت طمني علي بالبعـد وش جانـي
أذكر اني بالوفـى صغتـك وسميتـك
و اذكر انـك بالوفـى كنـت تحدانـي
وصرت اشكك في كلامك لين بكيتـك
وقلت موعدنا يجي ان كان الله احياني
يوم جيت بخافقـي وبخافقـك جيتـك
كنت انا رابح مع اني خاسر ارهانـي
والاكيد انـي لقلبـي بيـدي وديتـك
وتعال شـوف الحـب ويـن ودانـي
ياعسانـي صـدق ولعتك وهميتك
وياعساك بجـد تعشقنـي وتهوانـي
ولو تقول اني بغيابـي عنـك عنيّتـك
انت همك صرت اعده حسبت اخوانـي
اخوكم / رايق البال
