اسهر معي واسمع كلامـي لـك بجـد
يمـكـن بـعـد مــا تشوفـنـي ياغنـاتـي
فــي ذمـتـي ماشـاركـك بالـغـلا حـــدي
اعـزمـالـي يـــا جـمـيـل الـصـفـاتـي
بودعـك وامشـي وابــي مـنـك الــرد
ابــي الـجــواب ومايـفـيـد السـكـاتـي
امسـح دموعـك خايـفٍ تجـرح الخـد
مالـي علـى شوفـت دموعـك مبـاتـي
لـيـت الـعـوايـق دون لامـــاك تـنـهـد
واسعدك واهجرمن سعى في شتاتي
وشيـل همـك واعتنـي فـيـك واسـعـد
وادعي لمن جابك وانـا فـي صلاتـي
يـالـعـن ابوالـفـرقـا تـحـطـم وتـجـهـد
مــن همـهـا صارالخـلـل فــي ثبـاتـي
عجزت عظامي تحمل الجسم الأجرد
وصوتـي تقطـع دوب ياصـل شفـاتـي
ودقــات قلـبـي كـــل مـاقـمـت تـشـتـد
ورعشـه تصيـب اطرافـي الناحلاتـي
واهــــم للـمـمـشـى وكــنــي مـقــيــد
تـثـقـل خـطــاي ويـنــزل ٍ اعـبـراتــي
اكفـهـن مــن نـاظـري عـنـه واصـــد
ارخصتـهـن لجـلـه وهــن غالـيـاتـي
