القلب سد الباب لعيون غالين
وسلم مفاتيحه على ساكنينه
يا دنيتي يامكسبي يريش العين
غيرك ترا محظور ومقاطعينه
العين تهوى شوفتك احلف يمين
والروح ينطر حيل لحظه ثمينه
يا توت يا رمان يا فاكهة تين
يا جامعن كل الحلا في يدينه
كنك مشعوذني عن البعد والبين
لاغبت لحظه قلت ياهوه وينه
حبك مكسته وسط دمي من اسنين
كل الاطباء فالكشف شايفينه
لا قل منسوب الحمر فالشرايين
حبك يسيطر عالوضع واكسجينه
والباقي اللي خافي يبين فالعين
مشهد غرامي عالملا عارضينه
انته على بالي ولو طول البين
وقربك ترا للنفس يعطي سكينه
والبعد والآهات والهم والبين
تثبت وجود الحب يا جاهلينه
يازين لحظات التلاقي ويازين
طلة مفاجي يوصلك قبل حينه
غالي على قلبك ولا هو بشين
مثل البدر كل البشر محترينه
إعلامي الجدة...
