يامسوي في حياتي من بعد شفتك ( اضافة ) ؛؛
لا انثنى ليل المشاعر واتعب الملتاع قافه !!
فوق مرقاب الشعور اللي احاسيسي تهبه !!
******
تنبري لي مهرة الاحساس وكفوف العسافه !!
(حس شاعر ) تحطبه دنياه واللهفه تشبه
******
القصيد احساس واللي دون ما احساس آفه
شعر لكن لو يسمى ( شعر ) محد " يستحبه !!
******
والحلا فالمرء ما يسمو على قمة عفافه !!
و( عفة الانسان ) جذابه وهذا آهم سبه
******
يا مسوي في حياتي من بعد شفتك ( أضافه )
يا ملبسني (( غلاك )) من الجفا والبعد جبه
******
هاتني لا !! ودني لك وأخذني لابعد مسافه
وأبحر بقلب يحبك مووت !! وأحذر كل غبه !
******
واسقني من ماء الغرام اللي على جالك ضفافه
والوعــــــد يا نور عيـــــــــــــني بين مجــــــــــــراه ومصبــــــه
******
يا عيون الظبي كانه ما على نفسك كلافه
نظرة عيونك عذاب وصاحبك حظه لعب به
******
(المياعه) و(العذوبه) و(العياره) و(الطرافه)
تجتمع فيك وتفرق في مساءات الاحبه
******
في شفاتك لذة المنجا ونكهات الجوافه
وخدك اللي كنه ( كتلة ثلج) شفي مِنه حٌبه
******
ويوم غبت بدون سبه لجل حكي وما خلافه
قمت اناظر في عيون الناس لا كني مشبه
******
والزمن ماهو بري من ظلم وقته او جفافه
قاسي وقاسي كثير ونبه اللي ما تنبه !!
******
ليه تبعد عن عيوني يا عيوني يا حسافه
جرح قلبي من غلاتك من سواك يعرف طبه
******
لا تخلي بيني وبينك من الجفواا مسافه
ودامني مديت ( فنجال المحبه ) لا تكبه !!
******
ودي بوصلك وهجرك صرت اكرهه واخافه
وجعل ما ياتي لهجرك بعد ذا اللي صار سبه
******
لا تخلي صاحبك يمشي والى من حد شافه
قال يا عزي لحاله والله ان عاده يحبــــــــــه !!
