رسمتك للحنين .. قلوب .. أملها ف/الحياة صغير
يسعد مساكم / صباحكم
هلا بالجميع ...
لقاء متجدد يجمعنا احبتي واتمنى ماراق لي يروق لكم ...
صباح الخير .. يا قلب(ن) بنبضاته .. عرفت الخير
صباح الطُهر .. يا عمري .. بدا بتفتيحة عيونك
غريبه قصة الغربه .. والأغرب قصة التقصير
إذا ما انكتب .. للوصل : عُمر .. وساور ضنونك
وش أحكي والمدى ورده .. واحلام الطفوله طير
وشباك اللّـقا .. والليل .. ثلاث أيام .. يطـرونك
رسمتك للحنين .. قلوب .. أملها ف/الحياة صغير
ونفخت الصدق .. فيهم .. لين ما صارو .. يحبونك
أحس روحي .. تبي تطلع ..أحسّك تخطي التفسير
وتـُمر كل لحظه .. بعمري .. قضيته معك وبدونك
وأهز راسي .. وأنا أدوّر .. لزلة خافقك تبرير
وأراجع كيف .. كنـّا نصون : عهد الحب وآصونك
تخيّل .. من كثر ما أخلفت ظني .. بفطنة التفكير
أخاف أطريك.. بين الناس .. وأسهي ثم يشوفونك
حسافه والعبث أصل الحقيقه .. والفضا تصوير
وشوّال الوعـد .. أقفى .. وهو ما حرّك شجونك
تخليني أفضفض لك .. أقول أنت بخفوقي غير
بعَدها تقول خـلّ الشعر .. ولاّ .. بـ أقطف جنونك
يجيب الله : ضلوع جداد .. تقدر بالنهايه تصير
على قد العشق .. دامك نسيت تقول ..اشـلونك ..!
اخوكم / رايق البال
