كـثـر التغـلـي والـجـفـا يـتـعـب الـــروح
وروحــي كثـيـر الـلـي يتمـنـى سـعـدهـا
اللـي يصيـب العـبـد مكـتـوب فــي لــوح
والـلـي يصـيـب القـلـب عـيـنـي سبـبـهـا
مسمـوح رغـم الشـوق والهـم والنـوح
ورغـم العنـا فـي النفـس لاغبـت عنـهـا
يا بـو عيـون وسـاع والصـوت مبحـوح
ويـابـو خـــدود الـــورد شـــب بطـرفـهـا
طيفـك يخاوينـي مـعـي ويــن مــا اروح
ماتضيـق نفسـي يــوم صـرت ونسـهـا
قلبـي بدنيـا الحـب لـك صـار مـشـروح
وعـــزي لـمــن قـلـبـه لنـفـسـه غلـبـهـا
ما اتوب من حبك ولـو صـرت مجـروح
ومـا انسـاك لـو تنسـى الليالـي قمـرهـا
يا اجمل وفاء فيك الوفاء باني صـروح
وفـيــك الصـبـايـا مـيـتـه فـــي كـمـدهــا
دوك الخفـوق وعـذبـه وانــت مفـسـوح
اجلـد مـن اسـيـاط الـرمـوش وحـورهـا
ودوك العيون اللي بها العشق مفضوح
آمـــر علـيـهـا وانـــت سـيــد سـهـرهــا
تصيح روحـي مـن عنـا الهجـر وتفـوح
يالله تسـامـح روح مــن هـــو هـجـرهـا
