انا جيت مدري خطأ وإلا صحيحه جيتي
السلام عليكم و رحمة الله وبركاته ..
/
يسعد لي مساااكم ،
جيت مدري هي خطا والا صحيحه جيّتي***كان شوقي حاجب التفكير في غير الوصل
كنت أسير وخافقي نبضه يسابق خطوتي***هايم والود وده قبل خطواتي يصل
شفتك وحسبتها زانت بعيني دنيتي***واستراح القلب وتجدد بخافيه الامل
مامضى يا زين خله لا تحطم فرحتي***خلنا ننسى الخصام وخلنا ننسى الزعل
لو انا المخطي فانا بوعدك اصحح غلطتي***والخطأ مردود والعاشق معرض للزلل
والخطأ لو منك يكفي لا تزود حيرتي***واقبل ونوّرحياتي لا يهمك ما حصل
وان تماديت بعنادك((فالخطا في جيّتي))***والخفايا تبين لي ماعاد لي عندك محل
