راجع وانا قلبي من العام مجروح
راجع وانا قلبي من العام مجروح
راجع تبي نسيان مافات وياك
. . .
راجع وعينك تذرف الدمع مسفوح
وفر دموعك مابقى غير ذكراك
. . .
إن جيت ولا رحت ماشوف مصلوح
ريح ضميرك وإبتعد مافقدناك
. . .
العام قلبي ماشكى الجرح مذبوح
يرجي وصالك ويرتجي يوم لقياك
. . .
واليوم مالك منزلٍ داخل الروح
مات الغلا من يوم غرتك دنياك
. . .
قلبي لقى غيرك مع الناس مملوح
ماهوب يرخص من شرا الحب شرواك
. . .
ابعد وبابٍ للغلا كان مفتوح
بيديك هديت الغلا من سواياك
. . .
مسموح ترحل عن حياتي وانا اروح
جرب ترى الدنيا بها دورة افلاك
. . .
خلن اعيش افراح وتعيش بالنوح
وتذوق ماذقته من اسباب يمناك
