صدت صيده ماصادها قبلي إنسان
صدت صيده ماصادها قبلي إنسان
هذي القصة والقصيدة من قصص المقناص
-----
مقدمة----
يقولون
نمر بن عدوان
كثر الحديث عليه
وعن قتله لزوجته في روايه وتختلف في روايه اخرى
يقولون
وكفانا الله شر مايقولون
إن صديق لنمر بن عدوان سمع قصيده وهو بعيد عنه
القصيد المشهور والمراثي في زوجته وضحى
وكيف إنه ذبحها بالغلط وتحسر
من عقب موتها
وكان هو صاير عليه مصيبه أكبر من مصيبة نمر
وارسل الرجل هاذى قصيده لنمر بن عدوان
يوضح فيها ماجرى له
وان مصيبة نمر
ماهي شي قدام مصيبته
لعل ان نمر يتعض ويترك القصيد بـ وضحى
وقصيدته توضح ماجرى وابي اذكرها لكم
يقول الرجل هاذى
إنه كان راعي صيد
وأن ولده عمره تقريبا سبع او ثمان سنين
طلب منه مره من المرات
إنه يروح معه للصيد
وألح عليه
وافق الأبو وأخذولده للصيد معه
وكان معاه أعزكم الله حمار مركب ولده عليه
وهاذى هو يمشي على مهله
والولد راكب
يداري عليه ويعلمه كيف يكون قادر مثله على التحمل
وقفو عند شجره وقال لولده شف ياولدي
لا تحرك من عندك خلك بالظل
وكان الجو حار
يوضحه بقصيدته يوم يقول
صايد حبر والحر زايد بشدي
(حبر)يعني طير الحباره
راح الأبو يدور الصيد
وخلا ولده قاعد
ويلقى ريم ضبي
لاكن شمت ريحه من بعيد وجفلت
وهاذى هو با لوادي على مهله
والوادي كان مليان رمث
يدور وراها
ويمين ويسار
ويلقى ذيك الحباره تدورج بين الشجر
وتروح مره يمين
ومره يسار
وهو يزحف معها ومتبورد عليها
وكانت بارودته إسمها مغيضه يقول
كانت مغيضه ماتغالط بيدي
والقلب من ثور الدخن يانمر خاف
وتخبت الحباره ورى الشجر ماشافها
وعارف إنها بين الشجر
بس مايدري وين
بالحضه هاذي قام ولده من تحت الشجره
وقام يتمشى بين الشجر
تعب من الحر
وجلس تحت ظل صغير
وكان لابس شماغ الولد ولونها رصاصي
شاف الأب شي يتحرك
وكأن الحبارى ناسفه جنحانها على راسها
عن الشمس (( وهنا فية رواية ثانية تقول ان الولد كان معاة خرب صايدة ابوة ومن شدة الحر فرش جنحان الخرب على شجرة رمث وتظلل تحتها الولد . وابو رمى الحبارى ضنن من انها الحبارى التي كان يطردها))
يقول
طليت كن طير الحبارى مهدي
وناسف جناحه من على الراس رف راف
وهو يمد بارودته
ويضبط العيار
على الحبارى
وهو يثور بندقه
ويجي ركض يبي صيده
يوم جا
ولاه ولده متمدد على الأرض
ودمه يقطر
ولنه صايبه مع قلبه
يقول
جيته ولا انه نور عيني ممدي
ودمه حمر من بصرة القلب نزاف
شال الولد على الحمار
ويقاله شهري
يقول
ركبت شهري يقطع الدو بـ اسلاف
قبل يوصل البيت وقف بوادي
وربط الحمار بعيد عن البيت
وجا عند حرمته
قال لها
انا صدت صيده ماصادها قبلي إنسان
وحلفت ماتنطبخ إلا بقدر ناس مامات عندهم احد
روحي ودوري بالنزل قدر ناس ما مات عندهم احد
راحت دورت مالقت
كل ماجات عند احد
قال مات عندنا ميت
اللي تقول اخوي واللي تقول ابوي واللي ولدي
رجعت وقالت مالقيت
لاكن انت طلبك غريب
فلان وينه
تعني ولدها
قال صاحب الأمانه منهو
قالت الله سبحانه
قال اجل صاحب الأمانه أخذامانته
واستعيني بالصبر
ارسل القصيد مثل ماذكرنا بالبدايه
ووصلت القصيده لنمر بن عدوان
وفهم وعرف إن من شاف مصيبة الناس
تهون عليه مصيبته
وترك القصيد بزوجته وضحى
القصيده
يقول
ياراكـب اللـي فوقـهـا الـكـور شــدي--قـم يانديمـي وأعتلـي فــوق هـيـاف
وإنسف عليهـا الخـرج فـي مـا تمـدي--أسرع من اللي بالسمى له ترف راف
ودي تــــزور الـهـنــد والـســنــد ودي--وتــدور بالدنـيـا مــن الـكـاف لـلـكـاف
ويـم نـمـر بــن عــدوان يالـقـرم ودي--عـلـم لفـانـي يــودع القـلـب يـنــلاف
يانمـر ويـن اللـي بنـى قصـر شــدي--ويـن الضياغـم يانمـر ويـن أهـل كـاف
يانـمـر قبـلـك مـــرود الـعـيـن مـــدي--والعـيـن لـجـلـه تـــذرف أزواج وأرداف
قــانـــص ريــامـــه يانـمـربـالـتـهـدي--الـريــم زاغ وقـــارف الـريــح نـســاف
