لأنّني روحٌ سمآوية ♥!

-


بسم الله الرحمن الرحيم ‘،

عودة لهذا الصرح :)

*فتحت مدونة جديدة لأنّي ما حصلت مدونتي القبليّة :(!

كونوا بالقرب ♥ .

-


:)!
بما أنّي انقطعت فترة طويلة عن هالمكان ،
خلّني شوي أتكلم ،
أحسّ تغيّرت السبلة :/ !
وفيه أعضاء مال زمن الطيبين محّد !
السبلة أحس فقدت بريقها ولمعانها شوي :( ،
وشسمه بعد أنا رجعت عشان ما كتبت من زمان !
ويعني ما بكون متواجدة طووول لكن بدش من فترة لفترة ،
جد من زمان ما كتبت كذا ولا شيء :( !
وبعد شسمه ترا غيّركم الزمن ،
بس ها سوالفي :)،

أوكبآي .

*لمّ أقول أوكبآي أتذكر شروق :( ، هينها ذي الإنسانة ؟

-


مسآء الريحان ❤،

اليوم بالمدرسة كان خفيف وجميل ،
أحلى شيء بالمدرسة ربيعاتي :$!
طبعا ربيعاتي هالسنة غير عن اللي قبل ،
كل شيء تغير تقريبا :)،
المهم ..
هالفصل كنسلت الخصوصي بس بقيت بحتة :(!
بس أحس لازم أضغط على نفسي وأذاكر فيزياء ��،
وشسمه بعد ها سوالف الدراسة ال** ،
ويالله هانت باقي لي سنة وهالفصل وخلاص فرييي :)!

وأحس بمرض :(،
فيني صداع فضيع وبدايات المرض بادية تبين ،
يا رب ما أمرض :(،
بكرة وراي بارتي وعزايم ،
حسستكم إني سيدة أعمال هههههه ،

وبس :* ،
معسلامه.

-

:)!
بعد المغرب كان عندنا بارتي عائلية ،
بمناسبة ذكرى مولد أخوي ❤،
وكانت أمسية جميلة ،

وبعدها نمت :/،
ﻷن حسيت خلاص ما قادرة أقاوم ومتكسرة ،
نمت كذا على الساعة 8 وصحيت قبل شوي ،
كنت مخططه أقرأ كتاب بس شكلي بكنسل ،
وبس والله ها أخباري :).



يا رب اكفنا شر تقلُب القلوب
والمشاعر وشر التعلق بالصديق
المُنافق وشر الكلام المزيف، وشر
الحياة وماتخفيه لنا .

-


مساكم الله بالخير ،

قبل شوي بس رجعت البيت :(!
خلاص تعبانة حدي ومتكسرة ،
كان عندنا عزيمة على الغداء وبعدين حفلتين :/،
كان يوم مزحوم بقوة ،
أحلى ما فيه إني عرفت بعض الأشياء :)!
وبعد حصلت ربيعتي ومن أول ما لمحتها ونحن نضحك !
لا تسألوا ليش ����،
المهم كان يوم جميل رغم التعب اللي أحس فيه ألحين !

وبكرة وراي قومة من الصبح ،
لازم أذاكر وأخلص اللي علي علشان عندي درس :/،
وشسمه بعد وراي أحفظ وأجهز أمور وايد ،

و ها سوالفي وها أخباري :)،
معسلامه .

-


مسسسيتوا ،

مزكمة وحالتي حالة :(!
واليوم من الصباح كنت طالعة ورجعت الظهر وبعدها نمت ،
وقبل شوي صحيت من النوم :/،
وألحين وراي ستمية ألف مليون شيء :(!
وأبا أخلصهم بسرعة عشان أفضى أبا أتنفس يااخ !

شو صار عشان أخبركم ؟
ولا شيء جديد يعني :/،

ألحين جالسه أسمع حاجة وعارفه إنها بتدمّر نفسيتي لكن يالله :)!
وبس ما عندي سوالف ،
يمكن لا دشيت المرة الجاية أخبركم عن الفترة اللي غبت فيها ،
وأخبركم إني تغيّرت :)!
وألحين بطلع عشان أخلص شغلي ،
ومعسلامه .


*بعضنا ميت على قيد الحياة ،
وبعضنا عايش وهو وسط الكفن !

-


:)!
سمعليكم ،
وها رجعت وألحين بتكلم شوي :/،

كذا قبل كمن يوم قررت أرجع للسبلة ،
لأني مثل ما قلت فوق إني من زمان ما كتبت ،
لا يومياتي ولا خاطرة ولا شيء أبداً أبداً ،
يعني ابتعدت عن الكتابة بشكل نهائي :/،
*إلا طبعاً كتابة الدروس ال** :(!
ولمّا رجعت شفت السبلة متغيرة والحالة ،
أحسن الأعضاء محّد ونصهم غيّرهم الزمن ،
طبعاً هنا كلكم يعني ممتازين بس أعضاء أول يعني ربعي وكذا :(،
وألحين حتى لمّا دخلت ما حصلتهم ولا شيء !
إلا كمن واحد والغم بعد ذيلا ما أدري كيف كبروا بذي السرعة :)،
ههههههه حسيت سحححر فجأة صاروا بالجامعات وقبل كانوا كبري !
صدقوا انتوا يالله :)،
وقبل كان حماس لمّا يحسبوني ف الجامعة وأنا بعدني أدرس ههههه ،
وأشياء جميلة كانت بالماضي :)،
والسبلة كانت شعلة من النشاط .. بس تو :|!
و بعد وايد أريد أقول بس يعني ما أدري كيف :(!

وأنا شسمه تغيّرت قليلاً ،
وغيّرت أشياء بحياتي بعد : )،
انتقلت من مدرستي وغيّرت صديقاتي وغيّرت أطباع كثيرة فيني ،
كله لأني طموحة بغدٍ أفضل ،
وكل شيء ممكن إنه يكسرني رميته وراء ظهري ،
وجداً فخورة بنفسي ألحين : )،
وأتمنى أحقق الشيء اللي أطمح له ،

المهم ..
أحسّ تكلمت وايد : )!
والأعضاء القدامى وصديقاتي هنا ما زالت ذكراكم في القلب .

معسلامة : ).

-


مساء الأجواء الحلوة ❤،
على كذا جو يبالي أطلع ،
بس المشكلة إني ما في البيت :/!
طبعا جالسه بيت جدتي لين ما يرجعوا أهلي ،
ومحد هنا عشان يشلني :(!
لو كنت في البيت كان بس أنادي سمير ونروح :(،
*سمير : السايق مالنا ،

المهم :)،
اليوم بالمدرسة عادي يعني ما صار شيء يستحق الذكر ،
وشسمه بحل واجباتي وأشيائي عشان بعدين أتفرغ لهواياتي ،
هههههه اللي يسمع الهوايات اللي عندي عاد :|!

وشو بعد ؟
بس ها اللي عندي.

سسسي يآا .

-

هآي :)،

بس أخبركم ،
قبل شوي كنت جالسه أطالع حساب وحده أعرفها بالانستا ،
وأضحك ضحك من فوادي :)،
يعني قبل كانت منحازه لفريق برشلونه ،
وألحين بقدرة قادر مقتدر صارت مدريدية متعصبة :|!
يعني لو شفتوها كيف كانت تحب البرشا ههههه !
واضح إنها سالفة أحب اللي يحبه ؛)،
المهم يعني الزبدة من ذا كله ،
سواء كان فريق رياضي ولا أيا كان ،
حبوا اللي تريدوه ،
ولا تتبعوا حد ﻷنكم مختلفين عن غيركم ،
كونوا مثل ما انتوا وبس :)،

وشسمه بعد ،
اليوم م... أصرت علي أفتح bbm ،
أكره هالبرامج بس فتحت هههه !
العذر أنها تباني في سالفة وما يصير بالواتس :|،
خبرتها ما أريد صدعان :/،
بطرانة بعدني p: ،

وبس ها اللي عندي ألحين :)،
يلاباي.

-


سمعليكم :)،

بعدني مزكمه :/،
وحالتي معتفسه فوق تحت ،

وشو بعد ،
باكر ما بندرس :)،
حماس يعني بنروح نسولف ونرجع ،
أفكر أسحب عليهم بس لازم أروح عشان البرنامج الإذاعي :|!
بخبر سمير يجيني الساعة 10 نروح الشاطي وبعدين نرجع البيت ،
هذا إذا طاعت ربيعاتي يروحن معي :/!

وها شسمه ،
ودي أمسك حد وأكفخه بالقو ،
وأخليه يتأدب زين ما زين ،
ياخي ما أدري ليش الناس جي :/،
يع مقرفين والله !
وما أدانيهم ألحين أبدا أبدا ،
تفف :)!

وبس أفرغ الغم اللي فيني :)،
ألحين بروح السيتي وبعدين بروح بيت خالتي ،

آوكيلاباي :).

-


هآي كيكرز :)،
*ماتوا اللي يقولوا جي :/،

مريضة اليوم ،
حتى ما أدري كيف قدمت بالإذاعة ،
يغيب أهم شيء يعني سويت أداء عجبهم ،

وراي أحفظ سورة الدين وبعد التعبير الشفوي :/،
وبعد فوق هذا أتدرب على المسرحية مال مسابقتهم !
*لاحظتوا كمية الشغل اللي عليّ ،
وأنا مقدرش لأني مريزة :(!
الله يقويني ،

وشو بعد ،
عادي أتفلسف ؟
ما على كيفكم أصلاً :)،

يعني إذا الواحد ما يقدر يسعد إنسان ،
ياخي لا يكون سبب وجعه !
يعني أوكِ أنت ما تقدر تخليه يحس بالسعادة ،
محّد جبرك تسببه له الوجع وتكرّهه عيشته !
كلنا بنروح بالنهاية ،
فليش يعني تترك ذكرى مش حلوة !
خليك مثل السكر بحياة كل شخص تعرفه ،
ولا تصير سبب وجع وألم له :(!
ترا ينوجع وما يحب يقولك عشان ما يأذيك ،
فاحترم مشاعره تجاهك على الأقل ،
وبس :)،

بس معسلامة .

-

آنزيـــن :) ،

قبل دقايق كلمت أبوي ،
خبرته أني ودي أرجع الباطنة :/ ،
صح مسقط حلوة وكذا لكن الباطنة أحلى ،
المهم ،
خبرني أنه ما يصير ينقلني ألحين ،
عشان خلاص بدأ الفصل الدراسي 2 ،
وبعدين أنا المتسببة في جيتي لمسقط ،
ويعني إذا رجعت الباطنة نفس السالفة بكون في بيت جدي :(،
*للمعلومية أمي وأبوي مسافرين*
الزبدة أني بجلس في مسقط وما أدري السنة الجاية كيف الأمور ،

شسمه قبل شوي رسلت لي م... في الbbm ،
أنه بكرة ورانا ضرابة ههههه ،
من زمان ما ضاربت بنات وجي ،
عاد بكرة بنعلمهن الأدب ،
*حسستكم صح ؟

وأحس وايد أتكلم :/،
عادي ؟
أصلاً تشب ما على كيفكم :)،

وبس يلآباي .

-

مرحبآ :)،

اليوم بالمدرسة كان مولع ،
شويه تضاربنا نحن ومجموعة من بنات الأدبي ،
بصراحة طبعي ما أحب أضارب وهادية لكن ألحين خلاص :$،
نو مان نو كراي :)،
*ما أدري شو دخل :|!

وبكره يمكن أطلع من وقت ،
خلاص خليت سمير يجي هنا مسقط ،
ﻷن هو الوحيد اللي أقدر أجبره يوديني أي مكان :(،

وأفكر كذا على الساعة 7 أروح معرض الكتاب ♡،
أخيرا فتحوه !
طبعا أنا مجهزه لسته بالكتب اللي أريدهن من زمان عاد ههه :/،
إذا خلصت شغلي من وقت بروح ،
بتصل في بنت خالتي وبنروح سوى ،

ويالله أخيرا بكره الخميس ،
أصلا الاسم يكفي إن يخليك تشعر بالسعادة ♡،

وببآي .

-


صبآح الخير ،
وجمعة طيبة :)،

ما صار شيء يستحق الذكر ،
بس جي شوي بتكلم ،
استحملوا رمستي البايخة :)،

كل الحنين للرسايل الورقية ،
للكلام اللي تختصره نظرة العيون ،
لكل شيء كان جميل بالماضي وألحين اختفى ،

أعاتب نفسي بقوة ،
لأني بعدني أحتفظ بالرسايل ،
بالورود ،
بكل شيء !

نقطة.

-

صباح السهر :/ ،

أدري إنكم اشتقتوني وكذا :)،
وغبت عشان ظروفي الصحية ،
دعواتكم لي بالشفاء العاجل ❤،

وافتقدت هالمكان وهالناس وكل شيء ،
عسى افتقدتوني بعد :$ ،

بس حبيت أسلم عليكم وأخبركم سبب غيابي ،
وما أحس فيه فرق :|!

وتصبحون على سعادة ،
وأصبح على راحة ❤.

-

مساء التعب !

اليوم داومت عشان اختبر ،
الاختبار كان جميل :$ ،
وبعد بكره عندي اختبار ،
دعواتكم أذاكر وأحل عدل بكره :(،

وشو بعد ؟
ما شيء .

إلى اللقاء :).

-

مساء الشوق ،

الحمد لله صحتي أحسن ،
وأبوي بيرجع عمان عشان حالتي الصحية ،

بعد اليوم بالمدرسة عطوني هدايا ❤❤،
ربيعاتي وكذا ،
عشاني رجعت وكنت مريضة ،
قبل ما كانوا يعرفوا إني برجع ،
فلما شافوني أمس تفاجؤوا ،
وعاد اليوم عطوني ورد وهدايا ❤❤،

قبل شوي كنت أستهبل في سنابتشات ،
وأوريهم الهدايا :$،

وألحين بسير أقرأ كتاب ،
وبعدها بذاكر ،

أشوفكم على خير :).

-

مساء الصبح :)،

بس أسجل دخولي وأطلع ،
أرفع مدونتي وكذا :)،

انشغلت بأشياء كثيرة ،
إن شاء الله لي عودة :)،

ترقبوني :*!

-


مسـآء الآشيـآء آللي تحبونها :) ،

آمممم ،
آللي يسأل عن حآلي ؟
ترآي بخير والحمد لله ،
وآللي مآ سأل ترآ آنآ بخير :)،

من زمآن مآ كتبت هني :(،
اشتقت مدونتي ،
لأني اشتقت آني اكتب :"(،

ما آدري شو آقول :)،
بس جي فيني حالة تبلّد فضيعة ،
تجاه كل شيء في حياتي ،
وآحس الوقت يركض ،
وآنآ ودي آنسدح وآطآلع آيآمي تتدمر :)،

بس .




لكل أولئك الراحلين ،
عودوا .. انزعوا من قلوبنا حبكم ،
وخذوا حقائبكم المحملة بالذكريات ،
وارحلوا .. لا تعودوا أبداً .

-



صبـآح الخير ،
طابت جمعتكم :)،

كان آسبوع ثقيل جداً ،
و وراي أشياء كثيرة أسويها ،

وبعد شوي معزومة بيت صديقتي ،
وبعدها بروح أشتري أغراض ضرورية ،
وبعدها بذاكر ،

محتاجة إجازة طويلة ،
أروح فيها لمنفى لحالي وبس :(،

شيء صعب لما شخص تحبه كثير ويغيب أكثر من ثلاث شهور ،
وإذا جاء يقول كم كلمة ويروح بعدها ،
بس بنفس الوقت تعذره لأنه مشغول ،
لكن !

عموماً :)،
انتبهوا لأحبتكم قبل لا يسرقهم القدر ،

:).

-



وكأن الحُب أصبح بالنسبة لك كالفراغ ، َتملؤ بِه يومكَ إن لم يكن به شيء !
تأتي بغتة ويجبُ أن أكون أنا المُلبية ، تأتي بكلمة تُفجر كُل براكين الحُب داخلي وتذهب ،
كالعاصفةِ أنت تَصنع الفَوضى خَلفك وتذهب وكأن شيئاً لم يكن ، أحبَبتُك لدرجة ! جعلتني أكرهُك وأحبك في آنٍ واحد ،
تَعمدتُ التَغافُل عن أخطائك وهفواتك ولم اعلم عاقبة فعلتي ،
حادٌ صرير قلمي حين أكتب عنك ، أفرغ كل زلازلي بورقةٍ لِأعود لكَ كَقطةٍ وديعة ،
يستعصي علي مواجهتُك بأخطائك لاني أُدرك تماماً كم سَتُعارضني وتَخرج بِكل طهر وأستسلم انا لقولك ،
جبار في حُبك تلقي بكلمة لا تُدرك صَنيعها فِي القلب ،
والواجب عليّ ؟ أن ارضخَ لأفعالك لأنني وبِبساطة حَبيبةُ الفراغ .


#منقول :) .

-


سمعليكم يخوآن :) ،


آلفترة آلمآضية كآنت جميلة بشككل ❤️:$ ،
الله يديم آلآيآم آلجميلة ،

بس آهم شخص بآلحيآة مريض :(،
من آمس بآلمشفى :(،
الله يشفيه ويعآفيه ويقوّمه بآلسـلآمة ،
قولوآ آمين ❤️:(،

وشو بعد ؟
هيه صح ،
هآلمسـآء ورآي مشوآر ،
بنتجمع آنآ وآلشلةة ف آلسيتي ،
حآجزين لفيلم من فترة :(!
وآليوم بنروح ،

وبقى شهر وكم آسبوع ورآح يوصلوآ آهلي ،
وبتنوّر عمآن ،
وكل شيء بيصير جميل ،
آن شـآء الله ❤️❤️،

وبس :)#