يفداك شعبٍ حنّ لك شوق وبلاد…
عاشق البوادي الهنائي:
يا سيدي …… عذراً ترا الصبر ما فاد
سبعة شهور وحن نرقب وصولك
اما تجي ..…… ويجدد الفرح ميعاد
ولا ترا هالشعب .. كلهم يجوا لك
عبدالله الذهلي:
ننصب خيام الشوق..ونثبت أوتاد
يا قايدٍ في الأرض .. محدٍ يطولك
في صبحنا اوجاع، في ليلنا سهاد
كنا جفاف اشجار ترقب هطولك
عاشق البوادي الهنائي:
لو نكتب الاشعار .…….. ونجّر الانشاد
ما ينوصف شوقٍ ف شعبٍ دعوا لك
في كلمتگ حكمه …… ونصحٍ وارشاد
ومن بسمتك تآخذ .. عمانك شمولگ
عبدالله الذهلي:
اخزيت يا مولاي بالصمت الاوغاد
وأكرمت من يمناك كل من يجوا لك
شيدت فينا الخير، واحنا لك اشهاد
من قبل ياتي القول تاتي فعولك
عاشق البوادي الهنائي:
يعجز على غيرك.. يجاريك وان راد
ما ظنتي يقدر .…… يماري حلولگ
لانك سليل المجد من قوم اسياد
نادر ويصعب ف الخلايق حصولگ
عبدالله الذهلي:
أسست فالسبعين للمجد ميلاد
ما هي بـ غريبة من عرفنا اصولك
ما دام (آل سعيد) لك آل واجداد
العزّ منك وفيك.. يمك وحولك
عاشق البوادي الهنائي:
يفداك شعبٍ حنّ لك شوق و بلاد
تمطر سماها كل ما بان ….… زولك
يا سيدي ..... عذراً ترا الشعر ما عاد
حرفه يضاهي بالمعاني ….. خيولك
