عز الله اني بعد زين التواصيف
لاميت ينعـــــى ولاني بحيـــــا
عايش وكني عايش عيشة ضعيف
يرجي حنان الوقت والوقت عيا
سافر وليفي ياعلي باول الصيف
يقول تال الصيف اجيلك هنيا
مدري يبا باريس والا يبا جنيف
والا على شرق آسيا له نويا
واليوم له عامين والزين ماشيف
وانا على الوعد القديم اتريا
احسب له الايام واعد ومخيف
والوقت يجري واللقا ماتهيا
على اللقى ماني بمرهي ولامعيف
صار الرجا والياس عندي سويا
ان كان وعده صدق ماهو بتصريف
ماهمني لو طال بعده عليــــــا
لابد مايلتم شمل المواليف
واضمه لصدري واسوي كذيا
واعوض سنين الشقا والتكاليف
واعيش تال العمر عيشٍ هنيا
