إستسهلتني كل دمعه بـ فرقاك
الله يكون بـ عون قلبٍ تحرّاك
من غيبتك شبّ التعب في خفوقه
إستسهلتني كل دمعه بـ فرقاك
وعذبت شعرٍ ما جفتني طروقه
أسهر على ذكراك واصحى بـ ذكراك
ونخيل حزني مايلاتٍ عذوقه
ليت التعب فيني ولا جاك ما جاك
ياللي صباحك ما يغيّب شروقه
دنياك هي دنياي ,, دنياي دنياك
ولا لي سواك الا العنا يوم اذوقه
شوفيني افرح كل ما المح هداياك
مع ان عبراتي عليك مخنوقه
وانتي معي ما جا على بالي انساك
وانتي بعيده قلبي انكر عروقه
اتخيل الضحكات واتذكر بكاك
فالاوله عذبه فالاخرى صدوقه
والعاشق اللي ما قدر يكسب رضاك
ماهوب عاشق كان ما احرق خفوقه
