الى متى الاستهانه بحقوق العماله

السلام عليكم

اخباركم


انا نزلت هالموضوع بعد ماصار امامي موقف محزن ..!

كنت في مواقف السوق وقبل مانزل طلب ابوي من عامل ان يغسل سيارتهـ بعد السياره الي جنبنا ورحنا لسوق ...

وبعد ماخلصنا لقينا العامل يغسل انتظرناه وبعد ماخلص اعطه ابوي فلوسه الا يقول بحزن <<بقول بلهجتنا ^_^

ان صاحب السياره الي كان يغسلهـا بعد ماخلص من الغسيل قام صاحب السياره رجع على وراء وراح مسرع وماعطاهـ فلوسهـ :(


بجد اني انقهرت وحزنت عليه

قال ابوي في الله قال ايوه اصلا الله موجود وراح وهو يكلم نفسه

اه بجد حزنت له


ابعـــرف صاحب السياره ماخاف لو بدعوه من العامل وهو مظلوم يصير فيه حادث او اي شي ...:(


ابعـــرف هالعامل مو مثلنا انسان ولازم نعطيه حقوقه كامله وعدم الاستهانه فيه ..

لو هو مسلم راح نعطيه فكره غير كويسه عن بلدنا

ولو ماكان مسلم راح يأخذ فكره سيئه عن اسلامنا ..

ابعرف الى متى واحنا مانعاملهم مثل مانعامل اصحابنا واهلنا والي مثل جنسياتنا ..؟؟!

بنتسأل ليش يسرقون ويسون جرائم واحنا السبب في ذالك لم نعطيهم حقوقهم مثلنا ..

عارفه ان بعضهم بيقول احنا نعطيهم مع ذالك نرا المشاكل انا معكم بس انا اقصد من موضوعي الي يستهين في اعطاهم اجرهم على عملهم ولنجعل الفئه الاخرى منهم بعيدا عن نقاشنا ^^

وفي قصهـ سمعتها ان في عامله صاحبها مايعطها فلوسها كل شهر قال لها لما تسافرين اعطيك ايها فوافقت ..

لكن المصيبهـ لما سافرت وفتحت الظرف وجدت به اوراق بدلا من الفلوس ..

اين ضميره لما سوا هالشي ..؟

وربي مادري شنو اكتب من القهر والحزن ..

اترك لكم لتكمله ولنتناقش عن هالموضوع ..

الـــــــــى متى الاستهانه فيهم


اولا لا تجولوا ما شي معانا كذا في ووايد بعد


مما راقت لي

مجنونك الهنود الي معنا في السلطنه يعاملوا معاملة حسنة كان يغسل سيارات او اي وظيفه عنده

الهنود في السلطنه مرتاحين احسن راحه عن كل بلادان العالم ما خذين راحتهم في كل شي

باقي الهنود الي في عمان فقط يلبسوا دشداشة العمانية هع هع هع هع هع

العمالو موفرلهم اشياء العماني ما محصلنها والله
عندهم مميزات افضل عن العمانين


شقرا للموضوع

السلام عليكم
طرح جميل وراق وان كانت الفكرة شبه منعدمه هنا في عمان بلد الامن والامان بلد التسماح واعطاء كل ذي حق حقه ...

نعم لا نقول يستحاله مثل هذا الوضع عندنا بل ربما عندنا ولكن في الاخير هي رساله موجه الى اصحاب القلوب المتحجره ،، اصحاب الضمائر المظلمه
العامل ايا كانت جنسيته لا بد من معاملته معامله حسنة وطيبة واعطاء حقه كاملا دون نقصان

لأن في الاخير هناك رب يحصي اعمالنا
ربما بذلك الفعل الذي قام به صاحب السيارة سيدخله النار رغم ما لديه من تقوى وايمان
فلنحسن الصنعه ولنعطي الاجير اجره قبل ان يجف عرقه




ودي لك قبل ردي .....!!

الاخ ملهم معورنه فؤاده مديره عنده gmc وهو يارس ...بس في ناس بجد تعاملهم زفت مع العمال بشكل عام سواء هندي او فلبيني او غيره يعني فيهم جبر وتكبر عليهم انا عن نفسي شفت كم من شخص يستحقر الشغالات ويعاملهن باسلوب زفت الله يهديهم فالنهاية هم بشر والحاجه الي خلتهم يودرو وطنهم وعوائلهم ويجو يدورو ع لقمه عيش لكن الدنيا دوارة يوم لك ويوم عليك

السلام عليكم ورحمه الله وبركاته ( أنا أتكلم عن موضوع يخص شركة الغاز العمانية للطاقة حيث هذه الشركة تعامل الموظفين في حاله تقديمه للطلب الأستقالة من الشركة حيث تلزم الموظف بالعمل لديها ثلاثة أشهر من بعد تقديم الأستقالة أين وزارة القوى العاملة عن هذه القوانين التي تفرضها الشركات على الموظفين حيث لا يوجد قانون بالزام الموظف بالعمل ثلاثه أشهر من بعد تقديم الأستقالة وأنا موضوعي تقدمت به الى وزارة القوى العاملة ولم يعطى أي أهتمام من قبل الوزارة فما هذه القوانين التي تخرج بها الشركات ولم تحصل على رادع من قبل الحكومه أين حقوق المواطن) .

بدون العمـالة الوافــدة فعلاً في مؤسسات تهضم حق العامـل وحتى بعض المحـلات
الشخص يداوم وبعـدها مايستلم الراتب او حتى يوجد تأخير بالراتب لمدة طــويلة
بنظري ها من الاستهانة بحقوق العمالة.
كيف تطلب منه الانجـاز والعمل وانت حقه ماتوفر له.
وبخصوص القصة المطروحة بالموضوع فعلاً تخيل شو الشعور اللي ينولد لدى العامل
الاكيد المرة القـادمة ماراح ينظف السيارة بضمير او ممكن يتصرف بااي اسلوب
ودعوة المظلوم مستجـابة استغرب كيف تنام مرتاح البال وانت ظالم شخص ومأخذ حقه.
نـاس بلا ضمير
http://www.majaless.com/up/get-1-2012-c1lfd55x.jpg

ولا تنسيوا بعض بعض العمال تحصله يغسل سيارات في شوارع بس في الواقع ما عنده بطاقة عمل ؟؟؟؟

طرح جميل جدا

المفروض اعطى العامل حقه قبل لا يجف عرقه


شكرا لطرح

سلمت يمناكك
الله يهديهم يااارب وش بنسوي كلن يعرف مصلحته ويعرف الغلط من الصح

السلام عليكم

من اعظم الامورالتي شدد عليها الأسلام

مسألة الحقوق ..

فحق الانسان سواءمسلم اوغيرمسلم محفوظ

في الشرع..

لم الشخص مايعطي العامل حقه يظن انه وفرعلى نفسه الفلوس

حقت هالشخص وهوفي الواقع خسرااكثرمنها


خسر حسنات وخسرمن رصيده الاخروي


وهالأنسان بياخذحقه منه مضاعف


نسال الله الهدايه

بيكون خصيمة أمام الله يوم القيامة عشان شو عشان ريال واحد :confused:

ناس مستهترة بحقوق الاخرين !!

"اعطي الاجير أجره قبل ان يجف عرقه "

شيء مؤسف جداً ...
اعرف حرمه ..اخذت شغالة جدتي من عندنا بعد ما توفت جدتي الله يرحمها


المهم هالشغاله تشتغل ليل ونهار عندها
وبالنهاية ما تعطيها راتبها
لما زارتها امي اشتكت و كانت تبكي من المعاملة و انها ما اخذت راتبها لمدة ثلاث شهور
وتريد ترسل لاولادها فلوس

عاد امي كلمت الحرمه واعترفت انها ما تعطيها راتب وتحججت انها ما عندها فلوس عشان تعطي الشغاله
مع انها تشتغل وزوجها يشتغل واولادها عددهم شوي
..
وحتى لو فعلا ما عندها ' تستغنى عن الشغالة مو لازم ترفهه نفسها وهي ما عندها .

نسأل الله عزوجل الهداية،... فقد حثنا الرسول الكريم على إعطاء الأجير اجره قبل ان يجف عرقه ..
بس سبحان الله مش كل الناس واحد تختلف الاطباع والتصرفات من شخص لآخر... الله يهدي الجميع .

يوجد اناس بقلوب متحجره… وشفت كثير مواقف زي كذا الله كريم والله يهديهم

مااعرف لان الصراحه يلي مايفهم كيف يتعامل مع الغير
كيف نقدر نفهمه ان هذا شي الله راح يحاسبه عليه