ياخي هاته ولا خذني وخلّ قلبي
يسعد صباحكم / مساكم
هلا بالجميع ...
لقاء متجدد يجمعنا احبتي واتمنى ماراق لي يروق لكم ....
ياخي هاته ..
قلبي اللي بين كفِّينك مماته ..
ياخي هاته ..
ماني خايف من نزيفه ..
بس خايف من شماته ..
كيف لا مرّوا وقالوا !؟
كل هذا النزف ليه ..
وووويش أقوول ..
مات من حرصه عليه .. ؟!
ياخي هاته ..
ماقدرت أرسم بداله قلب ما يشبه صفاته ..
قلب مايشعر بشيّ..
................ قلب ماله أي ضيّ ..
الا نور(ن) بدون نور ..
الا حزنه بالسرور ..
لا درى وش آخره ..
يالله هاته ..
والله محتاجه كثيـــر
كل هذا الدم فغيابه مُكدَّس
والخلايا مثل شعب(ن) عاش عاطل
ينتظر والعمر فاته ..
يالله هاته ..
يمكن أستثمر غيابك وأختفي..
يمكن أحضر بالأغاني من جديد
يمكن آخذني لأمسي..
واصغر أكثر
واصغر أكثر
والقى وجهي فـ كل عيد
واصغر أكثر
والقى لأعذاري بليد
ما مسح الا عيونك
ثم تَذَكر..
كيف يكبر..
كيف يبكي..
كيف يَذْكر ... كيف يبكي
كيف يخنق هالدموع بـ غترته
كيف يطفي هالشموع فـ حجرته
مايبي نفسه تشووفه
كل هذا كان خووفه
مايبي يندم عليه
أوعلى هالخوف يندم
ياخي هاته..
قلبي اللي بين يـدِّينك مماته ..
ولا خذني وخل قلبي..
ولا خذني وخل قلبي..
ياخي هاته ...
اخوكم / رايق البال
