اسمعيني واتركي عنك الملام
اسمعيني واتركي عنك الملام
أسمعيني واتركي عنك الملام
انتي شي مايوصفه البشر
انتي اكبر من مساحات الكلام
وانتي اكبر من كلام ( ن ) يختصر
فيك طيب وفيك عفه واحترام
وفيك زين وفيك دين وفيك بر
وفيك مايفرق عن اطباع الانام
وفيك حتى الفيك ماهي تنحصر
يامزاياك العظيمه يا غرام
مااظن مثلك على البال يخطر
من عرفتك صار لحروفي مقام
مركبي قافي وحبي لك بحر
ومن عرفتك صرت اسمع ياسلام
واسمع ابياتي مع العالم تمر
هذا انا لي كم عام وكم عام
مااسمع الا حاضر وتامر أمر
كيف مااحبك وحب غيرك حرام
وكيف مااحبك وانتي لي عمر
ماعرفت الا معاك الاهتمام
وماجهلت الا معاك معنى الحذر
كل ليل أخذ من إحساسك وأنام
وكل صبح أخذ من انفاسك عطر
كم خطيت وقلت لي عادي مدام
حبك اكبر من خطايا تنغفر
يحرسك ربي عن عيون الأنام
ويجعلك تبقين لي كل العمر
