لاتجلد الصامـــت اذا كان لك صووووت
واكسر من اغصان الخطا كل زله
طفــــــل الوفا يستجدي العالم القوووت
قلبــــن من اوجاع الزمن فيه عله
هز الضميــــر اليا بدا موســـــم التوت
وان مــــا تساقط خير ارجوك خله
خل صاحبـك يلبس من احساسك الكوت
مــــــن قبل برد الوقت ياتييه كله
خلك وفـــــــــي وان جاك غيرك بتابوت
ثــــــوب الوفا يا صاحبي لا تشله
ازرع وفا واحصد من الناس بسكوت
سيف العتـــب في دنيتك لا تسله
كم واحــــــــــد في داخله حقد منحوت
كــــــــم واحد في دنيتك وما تمله
لملمت حبــــــل الضيق لا قلت له فوت
صدرن نزع من غيرة الناس غله
شفــــت الفقير اللي بنى بحلمه ابيوت
مسكيــــــن ما قام الحلم من محله
الليـــــــــــــل فل الصبح والنور مكبوت
والصبــــح هيل الليل والوقت دله
يا كيـــــــــــف تظلم وانت لا بد وتموت
هــــــذا السؤال اللي احاول احله
ما دام صوت الحق ما عاد له صوت
سامح وشوف الناس من غير زله
