ياطيـري ياطيـري ياطيرالسعـد ياللـي تـرف الجـنـاح
لا واهنـيـك لـيــا ضـاقــت عـلـيـك ألارض خليـتـهـا
وأن رحت وأن جيت ياطير السعد تسبق هبـوب الريـاح
وأظـن مافـيـه ديــره فــوق وجــه ألارض ماجيتـهـا
مانتـه بمثلـي تجـي وتـروح مايصعـب عليـك المـراح
لـكـن يالـيـت جنـحـانـك مـعــي يـاطـيـر ياليـتـهـا
كله علـى شـان ازور اللـي رمانـي بالعنـا واستـراح
الـلـي عـلـى شـانـه الاقـــدام عنـتـنـي وعنيـتـهـا
في ماض الايام اشوفه قدام عيني في المساء والصباح
واليوم حتـى العلـوم اللـي تجينـي عنـه مـا أوحيتهـا
وليـا نشـدت العـرب ماحـدٍ يعلمنـي عنـه ويــن راح
وأتعبـت نفسـي وبالنـشـده كثـيـر الـنـاس بذيتـهـا
لاووجـودي علـى شوفتـك لـو مـره ياظبـي الـبـراح
اللـي علـى شانـك العبـره عـلـى الخـديـن هليتـهـا
يابوعـيـون هدبـهـا يــزرق العـشـاق زرق الـرمــاح
ذبحـت روحـي علـى كفـك برمـش العيـن واحييتـهـا
