و . . [ حآبس آلمشعل ] !*
؛
معاك لـْ ماك
خذيني من يدي: صحرا
عطيني من خذيني: هاك!
معاك لـْ ماك
عرفت ان الضما: جندي
قوانين السبيل: أسلاك!
معاك لـْ ماك
بلادك مو معي/ فيني
بلادي مومعك/ ويّاك!
فيني لـْ صدرك أحكي أيامي: أنفاس
اشهق: حنين,/ وأزفر الباقية: انت
كنت الموسيقى/ والتقاسيم/ والناس
الليل لمّا: يمتلي أدعية كنت
ياللي دفنت بـ تربتي [دمعة الفاس]
ماقلت لي كيف أمسح الدمع لاهنت
لا تعود
وجهك اطهر من : مراية هالجحود
خطوتك اشرف من الشهوة/ الحدود!
كفّك الأصدق
وانا لا قلت لك : عود
اسألك بالله يااخي لا تعود!
غيب هذا الموت فرصة للحياة!
غيب هذا الغرق مهرب للنجاة!
غيب قد ماتقدر وأكثر بس :
اسألك بالله يااخي لا تعود!
مرّ/ حبا
وفآخر الصورة:صبا/ يا:
يشهق التفاح/ تتفتح مدينةوالدروب تنام!
كم باقي من الحلم/ الحمام؟
(الصدق/ الريش/ الهديل) وفصل ثالث من غمام!
أفتح الباقي من القفل وأخرج لداخل!
مرحبا صبحٍ حبا فل: صفق للندى
قل: أوجع هالمدى وأدخل لـخارج!
البلد: في تمام الثالثة فجراً
وديك من الظلام يقرا لنعاسه سباته
والعطش وافر وظافر : سايق الفـّريس يتمضمض وصاته:
(كل ما طاح فـجبين الدار ضي/ إخبزوا لظله رفاته)!
صوت تتعثر خطاويه بـعصاته:
ياكريمة
ياكريمة
ياأم الايتامالقوارب
صبت اليامال بقدور الهزيمة
والبحر غاضب
وكاتب مالح الاعمى: يساومنا بكريمة
ياكريمة
مابقى فينا محل
لجل هذا الجوع يرسى في حدينا
وإنتباهى كلما مرّت غنيمة!
البلد: صاحي!/ وْ
حكيمة بنت أبو صالح مبارك
تعجن الشمس لـيمامه نابته في الركن التابع لـ
شيمه!
والعوانس شارقة من شبابيك الاغاني
ترمي لله الاماني:
دعوة
دعوة
عل خيال العظيمة
يطعن الرمضا
بْسهم من جلد ديمه!
وْ
عاشقٍ من خمسة اعوام لهنا!
مالوّح بغفوة لجارح من رقاد
وكلما مر السهاد استوطن حروفه السواد:
افضح الما بالملامح
وكل مالح منك يذبح/ حيل فاضح!
جارح من الملح يسرح في جروحي
وانت سابح في صباحك
مره تصدح
مره تذبح بي طموحي!!
يارجوعي
لحظة اطفال الحجر غنوا لـجوعي:
كان ياما كان/ اشياء بـظلوعي
تنسج من امي عيوني/ تلبس من امي دموعي!
يارجوعي
كيف هذا الليل عيّا يحتويني؟
كيف غناني: الزوايا/ همّش بصدري: شموعي؟!!
البلد: غافي/وْ
لـشافي: كوخ مامّرته شهوة من ضجيج!
تسكنه مريم/ تهيجنه لـخلود:
ريثما نحيا
بّغني للبلابل:صبح ذابل
للسنابل: برسم التربة احتجاج
والمطر: حبر وقنابل!
بنزع انفاسي من ظلوعي
واطّيرها : حمام
سرب ابيض من: سلام
وكل ما مر: إنهدام
قلت: نحيا؟
ورفرف بفـّمي الكلام!
ياكريمة
ياكريمة سُكّرك!
لاينده عيوني عليك اخاف ان: اخسرك
لاينادي ضلوعي واتيه بْـأنعمك ثم: أكسرك
لاينده اطرافي وانا من قلت لك: وش هو العنب؟!
وانا لوحدي وبغباء :
استغفر الله واسكرك!
/
خطوة الصمت أعمق من حديث السياج
اصدق مْن الـ مشانق و:انحناء الرؤوس
لا تكح: انعزالك , تحت سقف: اندماج
لـ الابادة: سهام ولـ النهايات: قوس
الوطن كـ السيجارة والدخان:احتجاج
امتزاج الاوامر بـ اعوجاج الـ نفوس
قم وغنّي لـ هيفا: [مقطع الاحتياج]
قل لها في بلادي: مر ظِل البسوس
قل لها:في بلادي يبدو الانزعاج
أقرب مْن المدرس: لـ العقول/ الدروس
ياصديقي تعبنا نفهم الابتهاج:
المزاج/ الرواج/ وْما يهز العروس
أمةٍ كـ المرايا تعبد مْن الزجاج
مايضيء الملامح في غياب الشموس
قم ومثّل لـ كفّي [مشهدين لْـ سراج]
نفسي أقطف لـ هيفا من وقوفي جلوس !
كـ المربع: سكوتي/ صوتي: كـ المستطيل
كـ امتزاج احتجاج بـْفكرةٍ لـ إنسدال
كـ انتحال المُتاح لـْ رقصة المستحيل
كـ النخيل: النحيل الموجعٍ كـ الشمال
كم كتبني الذهول الباقي/ المستقيل
كني رْماد ركعه في مهب إنحلال
منحني فوق ظهري الأرض/إبل الرحيل
واقفٍ تحت رجلي الغيم/ سقف المحال
الطموح الجنوح لـْ صمت يقرا الصهيل
ثورة الفم/ خبز المعدمين/ السؤال
وش بقى بي من أم التربه لـ أب النخيل
غير جرح لـْ يقين وغير ملح إحتمال
أنفض الغي عن منفى اللجوء الرذيل
وأشرب الوهم نصرٍ موغلٍ في السعال
وألتفت تسقط الغربه على الـ يستحيل:
تِكوترقى جداري عقرب الإختلال
حال بين اعتناقي لـ القصب والعويل
دفتر مْن الأغاني يستفز الظلال
كـ المحال أكتب الماو النوايا تهيل:
فوق شهوة حضوري طلقتين إحتلال
ترتمي بي بلادي(طخ) لحظة وأميل:
تسقط الشمس/ترقى شمسهم للزوال
واقول: أهواك!
يمر مْن السما: وجهك/ أطيرّ لك (هلا/ شبّاك)!
أرّتبني /
هنا: فيك
و
هنا: ويّاك!
أقول: إن المطر: فكرة / إنه تحَت/ وأرقاك!
ياكثرك / ياضيق الورق بجْـفاك!
تصّدق عاد؟!
إنت من قلت البحر: طيّب
جمعت ظلوعي لك: أسماك!
تصّدق عاد؟!
أنت من قلت العُـمر: حلوى
حلفت إلاّ أعيش : أشهاك !
وأقول: أهواك!/ و
أجـّمعـني للمرايا: وجه /
لأ طراف الوجع: أشواك!
وأعيش: أهواك !
هذي الوجوة: أيّام وأحلام وزيوت
تاريخ/فوضى/ انسحابات/ وأشلاء
ياوجهنا لـ القوت قلنا البكا: قوت
قلنا المنـابر: بـِر/ والأدعـية: داء
ضعنا لـ فم الريح نتسابق بْشوت
أجزاء تبني/ تهدم الـ قادم :أجزاء
لوّحت/ كنت الأجمل اللي من: الموت
وَشْوَش بـ اذن ترابنا : غيمة أحياء
هذي الحروف كسور وشعور وسْكوت
محاولة لـ العزف/ لـ الحاء/ لـ الباء !
وأبنحر بك عطش لـغـْرِس في كفـّيني وطن وأحباب
تعبت ولا لمس وجهي حضوري ليلة غيابي!
مادام ان البكا:طش طش في عينك غيمة الغيـّاب
نخيتك ترمي الحزن/ السكوت وتلبس اهدابي!
.
.
جمعتك كانت ضلوعي: هجير وتمتمات احْراب
.
.
تجي تتبلل فـوجهك سنيني واليدين كتاب
يلمك يسكبك وسطي حنينٍ يشبه كتابي!
تضيع فـأبسط أشكالك عيوني والرموش ابواب
وأدّلك لين أغفى بكأوأغفى لين تغـفابي!
متى كان الهوى: طق طق وزفرات الحنين تراب
متى كان البحر:قارب/غبيٍ يركب ترابي؟!
لذا غنيتك البارح مآذن والسجود أصحاب:
رموني؟! أو رموا بعضي لـريحٍ تسكن فـبابي!!
وطن يااصاحبي وأنسج من حروفي سواد ثياب:
لعين الله! أو عيوني/ طلبتك تنسج أصحابي!!
لـ أنحربك عطش خذني لـ صدرك والوجيه غياب
بَعيشك لين أفنى بك أو أفنى لين تحيابي!!
.
