.. آخِرْ مَوَاعيّدْي وَدَمْعَة ظَرُوفْي !
موعد ( 1 ) :
ياشَيبْ عين ( المفَارِقْ ) , لابَدا ليْله
يَموتْ الفينْ .. مرّه / فِي رجآ وينك !
لو تسْئِله عَن شُعورَه .. ينّكسر حِيلَه
ولَو تْلتِفت فِيه طَاح الحُب من عينك !
موعد ( 2 ) :
سمّار .. والحزن اشترانا من النوم
................. جمّع امانينا / وعرّض .. بها الريح
من يومنا وافواهنا .. تجهل اللوم !
..................نسكتْ لو ان الوقت شرهه وتجريح
موعد ( 3 ) :
تدري وش اللي يجرحك وانت شايب ؟
ذكرى هنوفاً , صارت اليوم جَدّه
عشقاً قديم وبين الأضلآع صايب
يزيد جرح الصدر ويبيح سَدّه !
موعد ( حزين ):
من بعد فرقاك ( طاح العمر ) من عمري
........... وشبّيت .. لفراقنا .. اغلى .. قناديلي !
من بعد ماكنت غاية ( قلبي وشعري )
...........صرت آخر انسان اعني له ويعني لي !
موعد ( مُظلِم ) :
واقف على باب الأماني ( يسئل غيابك )
..........هالك , ولا ظنّي .. بيلقى شي .. ينتظره
ياكثر .. ( ماتجرح شعوره ) .. ويتغنابّك
............. وياكثر ما ردد : يجي بكره .. يجي بكره !
ماقلت لك والحكاية .. سرّها مخفي
................ تخمينها سلّم جروحي على , خوفي !
خل السوالف تعدّي والضيآ مطفي
............... النور يكشف خفايا تسكن , بجوفي
خذ مني اللي بغيته / واترك المجفي
................ خذ كل شيً هديّه , واترك حروفي
بعيش للحزن غلطة واصدق بحلفي
................ابشعل الحرف واحطب له من ظروفي
من مايعيش القصيدة مآهو بمنفي
................ ولو تفهم اللي كتبته تعرف وصوفي
من تجربة ذاتي ومن فلسفة حرفي
................ مسحت عيني ولا ! قصّرت في شوفي
اللي عصتني / بعزمي جابها كفي
................ ماطاح لي راس وكتوفي هي كتوفي!
اشوم مالي ومال اللي حكا خلفي
................ مادام محداً قدر يآقف على وقوفي
وقفت وقفه , بعدها خلني بـ اقفي !
................ مادامني ماحسبت حساب معروفي !
هذا كلامي ولو هو جاب لي حتفي
................ تركت لك هالقصيده علّها توفي
لاعاد تسئل وش اللي سببه نزفي ..!
................ لو تفهم اللي كتبته تعرف وصوفي
