انا لك حب وعشق وشوق خيالي
انا وان جار فيني الوقت أو ان تاهت بي أفكاري
لقيتك في خيالي حلم كبير وصعب تحقيقه
أحبك يا بعد عمري وروحي ومقصد اسفاري
أنا لك حب وعشق وشوق خيالي صعب تصديقه
تغلي في وصالك يا دلع .. يا نهري الجاري
تغلي والدلع لك يا بعد عمري وتحليقه
أحبك أكثر من الروح وإنتي بقلبي الطاري
أموت بحبك .. وبعدك تراني ما اقدر اطيقه
بقلبي المغرم أشعار تهاوت وسطه أفكاري
تفرج خاطري المهموم إذا حارت بي الضيقه
وأنتي في حياتي يا حياتي أكبر أسراري
إذا يبدي على العاشق .. يبل من الولع ريقه
أنا دونك أبد ماعيش تراني عارف وداري
ولا يحتاج زود الدل .. ولا أقوى تحاريقه
كفايه من دلالك وين حبي ووين مقداري ؟!
دخيلك ارحمي قلبي .. وخفي من تواهيقه
سرى ليلي وأن هيجن وأشب من الولع ناري
وشوقي يجرح الخافق ويتله من معاليقه
تغلي لا يهمك ما جرى لي .. نعنبوا داري !!
غزال حبني وشلون ؟! مع كثرت عشاشيقه !!
