المنحوس منحوس قصة قصيرة مضحكه
المنحوس منحوس قصة قصيرة مضحكه
هذا واحد كل ما سوى مشروع خسر
وكل مامسك شي خرب وكل ماراح صارت مشكلة
ماعمره تهنى بشي
وحياته كلها نكد في نكد
العجيب
انه يشوف الناس ماشاءالله يسوون مشاريع
ويتوفقون
ويستمتعون في حياتهم
الا هو!!!
ودائما حزين
وتعاسة الحظ في كل مكان
آخر شي
لما زهق من عمره
وقفلت معاه كل الطرق
جت على باله فكرة
انه يترك البلد اللي هو فيها ويهاجر
راح المطار وحجز له تذكرة
ركب الطيارة
بسم الله
جلس في المكان المخصص
ركبوا المسافرين
الى الآن كل شي تمام
الحمدلله
طارت الطيــــــــــــــــــــــــــــــــــــــــــــــ ــــــــــــــارة
والجو هدووووووء
وكل شي حلو
الحمدلله
وفجأة
قامت الطيارة تهتز
ويبدوا ان فيه شي مو طبيعي قاعد يصير
ولما زادت الربكة
واذا المضيف يعلن للناس
ان الطياره فيها عطل
ويمكن تطيح
انا السبب في اللي صار للطيارة
انا منحــــــــــــــوس
وهذا النحس اللي ملاحقني بكل مكان
لكن ايش ذنب هالناس اللي يموتون بسببي الحين؟
مو معقولة اتسبب في وفاة 300 شخص وانا ساكت
لازم اسوي شي
لازم انقذهم
وفكر
وفكر
وفجأة
لمعت في رأسه هالفكرة العجيبه
استاذن في الدخول على الكابتن
وطبعا القانون القديم كانوا يسمحون للناس يدخلون قمرة القيادة
لكن بسبب مشاكل بطلوا
المهم
اخيرا وافقوا انه يدخل على الطيار
سأل اخونا المنحوس الطيار:اشفيها الطياره
قال الطيار:العجلات مو راضية تنزل
قال النحوس:بسيطة فكوا الباب وانا انزل افتحها يدويا من تحت(وهو في نفسه قصده انه ينتحر بأن يرمي نفسه من الطيارة على اساس يحافظ على ارواح الناس اللي بيموتون بسببه وينقذ الطيارة من السقوط)
الطيار رفض طبعا
وفيه خطورة على حياته
ووو
لكن اخونا مصر على فكرته
خايف على الناس ياعمري
والطيار يحلف وهو يحلف...
واخيرا....
يوم شافه الطيار مصمم وقاصد كلامه
قال:افتحوا له الباب...
اخونا توه بيرمي نفسه من الطيارة
ولكنه التفت على العجلات
لقاها تبي تنزل لكن في حديده وسطها مانعتها
قال خل اجرب اشيلها
ولما شال الحديد ورماها
اتفتحت العجلات علطول
هو مسكين فرح
وقال:
خلاص الحين مافي داعي اني انتحر
الحمدلله مشكلة الطيارة انحلت
خليني ارجع للطيارة
لما رجع للطيارة
والا الناس فرحانين
ويصفقون له
ويدعون له
ويمدحونه على شجاعته وتضحيته بنفسه
وطبعا الناس في الارض كانوا متابعين الحالة
والمطار مليان
والصحفيين والتلفزيون
كاميرات وهيصة
بس ينتظرون الطيارة توصل
وصلت الطيارة على الخير
والا كلهم ينتظرونه
ويصورونه
ويحطونه بالتلفزيون على الهواء
والتصفيق
والتكريم
وياالله خلص منهم وقدر يوصل للفندق اللي يسكن فيه
وصل الحمدلله
وقال:اول شي اتصل بالوالدة عشان اطمنها على سلامتي اكيد شافتني بالتلفزيون
اتصل على امه
ردت عليه امه لكنها كانت تبكي
تبكي بشدة لدرجة مهي قادرة تتكلم
قال لها:اكيد يا امي انت شفتي الحادث بالتلفزيون
لكن ابشرك الحمدلله انا بخير ولاصار لي شي
والأم لازالت تجهش بالبكاء
وهي تزيد بالبكاء
قال لها:يا امي ماشفتي بالتلفزيون
كلنا طيبين محد صار له شي
الام المسكينه ردت بصعوبة من بين الدموع وهي تشاهق
قالت له:انا مافتحت التلفزيون ولا ادري عن حادث الطيارة شي
قال لها:اجل ليش تبكين يابعدي
قالت:ابوك يابعد عمري,ابوك كان متضايق شوي وطلع السطح حق البيت يبغى يشم شوية هواء
والا فجأة طاحت عليه حديده من السماء
ومــــــــــــــــــات
