عـــــلى صوت المآذن والاذان وزحمة ذنوبي
تغافلت الخــــــطايا العوج وبعت الذنب للتوبه
تثاوب للخــــــطا صوت وتنحنح اول عيوبي
عرفـــــت اني الى ربي قريب ومتجـــه صوبـه
شــــعرت بقشعريره وارتعشت ولجت جنوبي
بـــعدها ماشعــــرت الا وانا غــارق بغيبوبــه
تخـــــــــــيلت الذنوب اللي توثب تتجه صوبي
وانــــــا العبــد الفقير اللي يضيق بكثرة ذنوبــه
تخــــــــيلت القيامه والعذاب وضقت من ثوبي
تخيلت المعاصي السـود وضـاق القلب بجنوبه
ذكــــــــــــرت القارعه والزلزله وآنا ومكتوبي
وذكرت ان اصغر ذنوبي معي في لوح مكتوبه
من اول وحشة القــــبر الصغير فـ اول دروبي
الى حــــــــد الصراط المستقيــم وآخر دروبـــه
انا دوبـــي وصلت من الغياهب والدجى دوبي
وقلبي تــو نــــــــزع عنه ازارير الخطــا دوبه
مـــــــع صوت المؤذن بالآذان وزحمة ذنوبي
لعنت ابليس ياربـــي وجيتــك راجــــي التوبه
