مع السلامه قلتها لك وانا ابيك
مـع السلامـه قلتهـا لـك وانـا ابـيـك
...........غصب ٍ علـي اجبرتنـي يـوم اقولـه
تـعـبـت ادور بـالـعــذر مـايـبـريـك
...........لاتحسـب انـي قلتـهـا فــي سهـولـه
ولاتحسب اني يـوم اقولـه معاديـك
...........لا والــذي ســواك عـنــدي دلـيـلـه
هذا ترا حكم القدر غصب يرضيك
...........لــو ماتبـيـه ولـــو تـزايــد مـيـولـه
اول عـذابـك دايـــم فـــي تـحـريـك
............وختمـت حبـك بالخيانـه واصـولـه
طعنتـنـي ومكانـهـا ظـهـر مغـلـيـك
............كنت احسب انك في بـراءة طفولـه
وجـرحـت قـلـب بالمحـبـه ينـاديـك
............جـاب الوفـاء لـك ينقلـه فـي شليلـه
لاتعـتـذر مـاعـاد تـنـفـع حـكـاويـك
............ادوس قلـبـي حـتـى لــو زاد ويـلـه
هزمتنـي فـي لعبتـك يــوم ابـاريـك
............خذيت بـكـاس الخـيـانـه بـطـولـه
لامـن طـرالـك حبـنـا فــي ليالـيـك
............حطني التـذكـار فــي كــل لـيـلـه
وفــر دمـوعـك لاتكـثـر شـكـاويـك
............قلـبـي تغـيـر يصـعـب الـيـوم نيـلـه
روح تسلـى مــع منـهـو يسلـيـك
.............وشطب على حبي بعرضه وطوله
