.. - أنَادِيْ وَكلمَا أنَادِيْ حُروفْ اسمِكْ ؛ !
أنادي وكلما أنادي حروف اسمك
.................... صدى يرجع يبعثر لملمة أشياي
وجع طاري الغياب وهلوسة حلمك
....................كفن صوت الرحيل وتمتمة منفاي
مسافر والشوارع غارقه برسمك
.................... أنا وين أستشف نبضك ألدّ خطاي
نشب في هالضلوع القاحله سهمك
.................... مشاعر بارده لك تختلط ف شتاي!
كذا في زحمة عروقي نما حجمك
.................... واقول الله يسترها على اللي جاي
حبيبي مافقدت إلا هنا طعمك
.................... ولا بلّ السفر ريقي ولابلوااااي
وحشني كل شي في عدلك وظلمك
.................... وحشني جور أصابيعك ف عنق الناي
غرورك / كبريائك / غطرسة حكمك
.................... شعورك / إعتذارك / وقفتك وياي
عنادك / إلتفافك / عجرفة سلمك
.................... حنانك / إبتسامك / كفك بيمناي
جحيمك / إشتعالك / صعلكة وهمك
.................... نعيمك . . إرتماءة ضحكتك بشفاي
حشا ماناحت أوراقي على وسمك
.................... جذوري كلها تنعي الأرض والماي
تعال وضاعفه في هالحشا جرمك
.................... تلاقي يندهك كل النبض جوااااااي
