حمَد بينْ أهله و خلانـَه ..|

حمَد بينْ أهله و خلانـَه ..|

الجزء الاول ..


ف السيارة الابتسامة ما تفارق محياهم ونسماات الهواا تدااعب ويوهم ، أم حمد (فاطمة) وأخوها راشد موييهن صوب المول ، لان أم حمد (فاطمة) تبا تتشرا حق عرس راشد ..


حدر البيت شاف يدته تقصد (يعني تقول شعر^^) ولمحته ,


أم راشد :شوه اشوف الابتسامه شاقه الويه !!


حمد (بصوت عالي) : يدووه مستااااااانس والله مستانس...اخيرا صار تخرجت وتحقق حلم امايه ..


أم راشد: ويديه, شعنه تزاعج جنك شايف يني؟


حمد يرمس بصوت هب مسموع : يدوه الحين تقولين ازاعج ،اذكرج تقولين علّ صوتك يوم ترمس -.-


أم راشد: شعنه تتحرطم شوو تتحراني صمخه ما اسمعك، ثرني سمعت كل جلمه قلتها يوم تضوي امك بخبرها ، جاانك ألا دووم حاط دووبك من دووبي ............


قاطعها حمد : يدووه علني افدااج وافداا عيوونج المنااعيس


انا ما اتحرطم ، هب انتي دووم تهزبيني عسب اعلي صوتي ، شو ياج اليوم؟


أم راشد : ي مسود الويه تغاازلني ؟ اييييهااا إذا بو راشد عاايش ، جان انت جلمة ما تقولها لي.، عاد ام راشد واايد حسااسه وجلمة والثانيه ذكرت ريلها بوراشد (الله يرحمه) ، وويلست تمسح دمووعها ,, حمد باس راس يدته ويلس حذالها :آسف والله آسف, يدوه والله هب قصدي اضايج بج ، انا الحين ياي مستانس وانتي جلبتيها عزا الله يهدااج ,


أم راشد تطالعه بطرف عين : وانت شعنه مستانس وتزااعج ؟حشاا طريت لي اذني .


حمد يعدل يلسته ويوايه يدته ومبتسم ابتسامه فيها شي : يدوه قولي تم.


أم راشد ورافعه حايبها: انت من تقول جيه يقرصني قلبي ، قول شعندك ؟


حمد خلاص يعرف يدته من رفعت الحايب يعني يا ترمس يا الخلا هههه : انزين انزين بقول بس عاد نزلي حايبج ، ,, يدته نزلة حايبها وهي تضحك ع حركات حمد وطريقة ف الرمسه.


حمد : هي جيه ويهج يسر الخااطر ، المهم تخرجت من الكلية العسكرية وعاد ابااج تعزمين ابويه...


من قال (ابويه) يدته شبت ضو ، وتغير لون ويهاا ، ياهي ما تحب ها الطااري ، شكثر عاانت بنتها وياا بوحمد ، وحمد لاحظ انها بدت تعصب واشوي بتهد عليه ، الله يهدااك ي حمد ما لحقت تفرح بتخرجك إلا وانت تضاايج بها بسيرت ابووك..


أم راشد وهي جنها مااي تغلي : لعنبو ها الطااري ، ما لحقت تفرحني إلا و ياايب سيرة ابووك ؟


حمد : .................. ساكت امرره ما فتح حلجه.


أم راشد : بلاك صااخ ؟ ارمس رد عليه


حمد : يدووه شو تبيني اقوول يعني ؟ هذا ابوويه ولازم يعرف اني تخرجت وكل واحد بيستانس ويبا ابوه ويااه ف ها المناسبه،،واصلا اناا تعبت من من ها الموّاال ، دووم ترمسون بالشين عنه ما ادري شو سوى بكم .؟


أم راشد والشياطين تنااطت ف ويها: انت الحين تعلي صوتك عليه وتتضارب ويااي عسبت ابووك ؟


حمد وعلامات التعجب ع ويهه : الحين انا تضاربت وعليت صوتي ،؟؟........... يدووه اسمحيلي انا ظااهر اصلا الرمسه ف ها المووضوع ضايعه .


ويدته تتحرطم وهو ظاهر إلا فونه يرن : ألو


حمد يسمع صوت غريب ، والرقم رقم خاله راشد ،


الشرطي : ألو السلام عليكم، منوو معاي؟


حمد : نعم اخوي ويااك حمد بس منو انت؟


الشرطي : اخ حمد وياك الشرطة ،شو تقرب لصاحب الرقم ؟


حمد وفااج عيوونه ، شو يقول ها شو شرطه بعد ، خالي رااشد شو مسوي ،؟ وشعنه الفون وياا الشرطه ؟ عمره ما سوا شي ، دوومه بعيد عن المشاكل والقيل والقال ،، شو مستوي ؟


من صوب الشرطي يرمس ويعيد السؤال اكثر من مره وحمد أفكااره تييبه وتودييه . وفجأه انتبه لعمره وقال لشرطي : انت شو تقول ؟شو يسوي فون خالي ويااك؟ االشرطي : اخ حمد هدي اعصابك ، التلفون شفناه ف السيارة الي مسوين حادث وانت آخر رقم متصل عليه ،.


حمد تشتت اي حادث ؟ شو استوى؟ كيف؟ متى ؟ من ساعه مرمسنه وياه امي كانوا مستانسين لانه تخرج وقالوله اشوي وبنكون ف البيت .. ما وحاا له الشرطي يكمل رمسته ، إلا حمد يقوله ف اي مستشفى .؟؟


المهم الشرطي قاله انهم ف مستشفى .............


وحمد من سمع اسم المستشفى بند الفون ويربع صوب السياره


وصل المستشفى وللاسف خاله وامه ماتوا =(


حمد انهاار رغم انه الشخصية القويه الي يصبر وعمره ما حسس حد انه ضعيف ، وتعلم ها القوه والعنااد والشرااسه من يده (بو راشد) علمه واايد اشيا من الحيااه من الشغل ف السووق والبزنس،،.. ياغير فقداان الاهل واكثر شخصين جريبين وغااليين عليه كسر ظهره ،، والحزن والدمووع جنهااا تصلبت ف محااجر عيوونه، هب راايم يفكرمنصدم !!! بداا ينتبه للحوليه صرااخ وصوت سياارات الاسعااف وركيض الدكااتره وووو.........


اول شخص طرا ع عباله يدته ــ... كيف بيخبرها !!


قبل ان انهي الجزء الشخصيات ,,:


حمد 21 سنه ,, حمد بن حمدان بن حمد


دوم كان يقول اسمه جيه جداام ربعه<<<


رغم ان ابووه معرووف ومن كباار الشخصياات إلي غناائهم فااحش ، إلا انه ما كان يخق مثل غيره ، بس ربعه دووم يقولون له انت واايد خقاااق ب ابوك ..


أهل حمد من الام .. دبي ..


أم راشد .. طبعا عرفتووهاا ^^


أبو راشد متوفي


حمد (خاله) كان صغير صابته حمى، لان بو راشد كان مسافر وام راشد محد وياها (اهلها ف العين) يوديه الدختر وتوفى


فاطمة (أم حمد) :هي البنت الوحيده طيووبه ، واايد حبت بوحمد ،يوم حملت ب حمد طلقها ، ي ترا ليش؟!


راشد : 27 سنه ، كان عرسه من بنت عمه وضحه جريب بس قضاء الله مكتوب ..


حميد : 25 اصغر خواله ، واايد طيب وشوي مشااكس اشووي ياغير رووحه مرحه واجتمااعي ، يحب يخاالط النااس ..

الجزء 2

كانت تزاعج : عيالي ما ماتوا فاطمة ..راشد , عيالي ما ماتـ.....عيالـ....... فاط.. را..... ، ورقدت ع ابرة المخدر إلي عطوها اياها ...


مشخصين عيونهم عليها وهي راقده ع فراش المستشفى الخالي من الالواان ، وويها شاحب وعيونااا شاحضه والسوااد مالي عيونهم وعيوونا،، الدكتورة : مثل ما قلت لكم ضغطها واايد مرتفع ووعندها هبوط ف السكر ، طبعا الوالده راح اتم ويانا ألين نطمن انها بخير ، تقوم بالسلامه. من رخصتكم .


حميد : تسلمين ، الله وياج. أما حمد فعينه ما تحركت من على جسم يدته المتهالك وويها الاصفر..


حميد وعيونه مرتكزه ع حمد : حمد .. حمد شبلاك ؟ شعنه ما ترد؟ حمد وصوته تعباان وبدون نفس يرد : شو تباني اقول ؟ الغالية راحت وخالي بعد ، اذا رمست بيردون يعني؟


حميد ويحااول يتمااسك : ي حمد هذا قضاء ومكتوب ، وهب انت وحدك الي فقد اهلك ، انا بعد لا تنسى ان امك اختي وخالك اخوي،. حمد ينااظر بخاله واول مره ينتبه لتعب وشحوب وويه ،حس بتأنيب الضمير والاحراج ,نسى انه خوانه وهاي الي مرقده امه ، نسى انه هو فقدهم والحزن مالي عيونه: ان اسف ي خالي بس هب مصدق الي صار ، كيف بغمضت عين راحوا ؟


حميد والتعب واضح عليه : مقدر ومكتوب .,


حمد: شو نسوي ب يدوه ،؟ مر اسبوع وكل يوم ع ها الحال تقوم تزاعج ويعطونها ها المخدر لين متى ؟


حميد : خلنا نسير نسأل الدكتوره .,


وبدون ما يقول حمد شي راحوا صوب الدكتوره، وسألوها شو آخرت حالة الوالده الغالية أم راشد ، .


الدكتوره والحيره واضحه ع ويهها : الصراحه ما ادري شو اقول لكم ، بس من يبتوها وانا ما اشوف حد يزورها غيركم ،وها الشي اكيد بيأثر عليها ، يعني وين اهلكم ؟ بناتها او خواتها؟


حميد وحمد انربط لسانهم شو يقولون ! عندها بنت وحده ومااتت ؟ واختها سلامه حرمة كبيرة تعبانه وما فيها كل يوم تضرب خط من العين لـ دبي،،


حمد ويحاول يبرر لدكتوره: ما عندها بنات و ... قبل لايكمل شاف نظرة خاله حميد متفاجأ من رمسته ،، كمل حمد وهو متلوم وصوته في غصه من الرمسه الي بيقولها: قصدي بنتها ماتت ف حادث وعندها اخت وحده بس كبيرة ف العمر ما تروم تيي كل يوم اهناا ،،


حمد ما يبا يقول ابدا ان امه ماات ، هب راضي يتقبل هاي الجلمه ، عنده حق فقداان الام شي صعب واايد .، وخصوصا ان حمد بعيد عن ابوه ويشوفه بين فتراات طويله بس ..


حميد : عندنا عمي ،وحرمة عمي وبناتها زارن اميه كذا مره ، جيف ما شفتيهن ؟


/ خارج النص /


عائلة عم حميد :


بو مايد , ام مايد


وعيالهم مايد 26سنه معرس وعنده ولد ناصر ^^ ،،


وضحه 24 سنه زينة البناات واايد هااديه كان مالج عليها راشد :( ومات وحالتها النفسية زفت , .. ناعمة ونجلا توأم 22 سنة مشاكساات .. علي 20 سنه راعي مقاالب .. بتتوضح صفاتهم ف الاجزاء اليايه إن شاء الله ..

روااية جميلة
سلمت الانامل
تحياتي لك

روايه روعة
بانتظار القادم الرائع.

اقتباس:

---

المشاركة الأصلية كتبت بواسطة بنت االعرب

روااية جميلة
سلمت الانامل
تحياتي لك

---

اسعدني مرورج اختي

اقتباس:

---

المشاركة الأصلية كتبت بواسطة روح الحلا1

روايه روعة
بانتظار القادم الرائع.

---

مرورج الاروع

الجزء 3

بعد تفكير وتأمل الدكتوره برمسة حمد وحميد :يمكن ما كنت مويوده يوم يزورونها ،، انصحكم ان تكون بين اهلها والافضل انكم تنقلونها العين يمكن إذا كانت جريبه من اختها تتحسن حالتها .


يالسين ف الغرفه عندها ويرقبونها تقوم وتغدي بخير شرات قبل ، حمد بين كل فتره وفتره يظهر ويرد وأخيرا حميد لاحظ ها الشي : انت وين تروح وترد ؟ حمد وعيونه حمر : ها ولا مكان اهناا اغير جو ، جو الغرفة يلوع بالجبد .،، حميد مركز ع عيون حمد ولاحظ الاحمراار : وبلاها عيونك حمّر ؟ حمد ويمشي صوب الدريشه وبدون ما يشوف خاله : ما فيها شي بس يمكن من السهر من كم يوم هب راقد عدل ..


حميد عرف من البداية انه يصيح بس كان يباه يقول وطبعا حمد ما بيقول ذا الشي ، وظهرت ابتسامه طفيفه ع ويه حميد ع تفكيره ويرمس عمره ها شو ها التفكير ي حميد شو كنت تتحرا الي ربااه ابوي (بو رااشد) ع الصلابه والعند والقوة بيتنازل ويقول كنت اصيح طبعا لا ، ...


حميد : شو رايك برمسة الدكتوره ؟


حمد: مُقنعة ، صدقها لازم تكون بينهم يمكن تتحسن..


وروحوا صوب بيتهم ف العين ، بس اختها سلامه حلفت عليهم ايوون عندها البيت ،وهم هب راضين ياغير كل شي بيسون عشان ام راشد تغدي بخير ،



/ خارج النص /


عائلة خالة حميد


سلامة - ام منصور – بو منصور


منصور28 سنه معرس بنت عمه شمسه وعندهم بنتين سلامه و مهره والثالث ف الدرب خخخ


شيخه 25 سنه معرسه ولد عمها زايد (اخو شمسه) وعندهم ولد هزاع .


سعيد 22 سنه عزاابي وراعي سواالف .


نوره 18 سنه توها متخرجه من الثنويه ومحد عنيد كثرها .


ريم 14 سنه كل الدلع ،


عائلة اخو بو منصور


بو زايد ، ام زايد


شمسه 25 سنه ، زايد سنه27


ارحمه 20 سنه


اليازيه 18 سنه ربيعة نووره ^^


بتتوضح صفاتهم ف الاجزاء اليايه إن شاء الله ..


...


رادين من مستشفى ........... بعد ما اطمنوا ع يدتهم واختها سلامه (ام منصور) وياها ، حميد يسوق ،وحذاله حمد يتحرطم وحميد يتسمع الجلام وهو مبتسم ،


حمد معصب ع الآخر لف ع خاله شافه مبتسم : انت وبعدين ويااك ؟ ارمس منو انا ؟ وشعنه مبتسم؟ ياخي ما اباا اباات ف بيتهم هب غصب .


حميد وبعده مبتسم : شبلاك من ظهرنا من المستشفى وانت تتحرطم جنك عيوز مأذييين بووشها ، حشا رايحين مغارة ينوون هب بيت خالوه سلامه !!


حمد بداا يضحك : هههههه غربلات عدوك شو ها التشبيه ،صدق ترا عندهم ينوون .


حميد يرمس بجديه : شعنه ما تبانا نباات ويااهم ؟


حمد:............ صاخ ما يبا يرمس


حميد : لا تتحراني ما اعرف ليش ما تبا تباات ، بسببها صح !


حمد تضايج من ها الموضوع من الاساس ما يبا يرمس عنها: ادري انها بنت خالت امي ، ما ابا اغلط عليها بس تراها واايد تغصص عليه وتباني اتضارب وياها بأي طريقة .بيكمل بس انتبه ان خاله يناظره بعصبيه،،، شعنه ما ترد عليه!!


حميد : اسمع هاي الرمسه امرره لا تقولها جدام امي روحها تعبانه هب ناقصه عوار راس ، من كنتوا صغار وامي تقول ان نوره لك، وانت كل ما تسمع ها الطاري تشب ضو ابا اعرف شو ها الغرور والعناد الي فيك ؟ منو ما يبا نوره شيخة الحلواات .


حمد يناظر خالة بطرف عين والشرار يتطاير منها والرمسه بالقوه تظهر منه: إن شاء الله هب رامس ، بس تراك وايد تبالغ شو شيخة الحلواات بعد.!


حميد : اشوف رمستي هب عايبتنك ؟ (حميد يغايض ب حمد ويرمس شرا العياايز وبدا يمدح ويتغزل):: ليش إن شاء الله بلاها نوره ، رفيعه جنها عود وخصرها مياال ، وعيونهاا غااويه ونظراتهاا ذبااحه وكلهاا رزاانه واخلاق، عاد شعرها ما ادري به, شو تبا اكثر بعد ؟


حمد بينفجر من الغيض: ما شاء الله عليك ، وهذا كله متى شفته!!


وهو يبركن السياره ف بارك بيت خالته ،حميد : بلاك لايكون تغار؟


حمد انتهى دخن من كثر العصبيه : تخسي انا حمد بن حمدان اغار ع هاي ، وبعدين داام انها عاايبتنك واايد سير اخطبها ومن صووبي مرخووص امرره متنازل عنها ..


حميد عصب من اسلوب ولد اخته صدق انه خااق بعمره ، شو سويت ي بو راشد الله يرحمك ما خليت صفة من صفاتك ما غرزتها فيه.، عاد من مبونه خاق بجماله وخاق ب ابوه .: لا ترمس جيه شو تتحراها صفقه ولا سلعه عسب تقول متنازل عنها , حمد خل عنك ها الرمسات الي ما منها فود ، ويالله ننزل .. وهم يمشون ,, حمد : تراها ان قالت لي شي موييه صوب دبي امرره هب طاب بيتهم ، بس بزور يدوه وبرد .


حميد يبتسم ابتسامه خبيثه ويناظر حمد ,, حمد علامة تعجب ع ويهه: شعنه تبتسم جيه ؟؟


حميد : كيف بترد دبي وسياارتك من الاسااس هب يايبنها ^^


حمد مفوول ،نسى سيارته من العيله ركب ويا خاله عسب يلحقون الاسعاف ،


حمد : عاادي يمدحوون التكااسي ,,


حميد استغرب : اوه اوه حمد بن حمدان يركب تكسي شو طاري عليك؟ شو ها العنااد كل هذا عسب ما تشوفها او ترمس وياها ،حمد ما رد ،، حميد : ما عليه منك الحين نحن ف بيتهم و لازم الاحترام امبينكم انتوا هب يهال، وما نباا حركاات مني مناك ، اوكيه !! حمد ينافخ ، شو بيقول غير : إن شاء الله ..


يدق البااب وحدر البيت حميد : هود هود ، ويرد يرمس حمد : ع الاقل ابتسم ,, و رد عليه سعيد وهو حادر من فوق: هدا هدا اقربوو البيت بيتكم ، مرحبا مرحبا ويواايه حميد : الله يرحبك ع فضله ،، ووايه حمد : ي مرحباا بك ..


سعيد : واناا اقوول شعنه العين منووره اليوم


حميد : منووره بأهلهاا تسلم


سعيد : شحالكم عساكم بخير..َ!


حميد : الحمدلله بخير ، حمد: بخير ما نشكي باس


وتموا يسولفون وسعيد ضيفهم وقهويهم وبعدين ردت ام منصور ،،حدرت البيت شافتهم يالسين ف الصاله ويرمسون عن حالة ام راشد وانهم بيباتون عندهم وو ....... ،، ام منصور : السلام عليكم ورحمة الله وبركاته ، اشحالكم الغاليين ؟


نشوا يسلمون عليها ورمسة وياهم اشوي ، وبعدين قالت لسعيد يدليهم غرفتهم عسب يرتاحون اشوي ..


ف الصالة الي فوق نوره كانت يالسة ويا اختها ريم ، نوره تطالع ريم الي مندمجه ف الابتوب، صوتها فيها شي من الاستهزااء: ريمووه تدرين منو اهناا؟ ريم من سمعت حس اختها جيه لفت بسرعه: منو ؟؟ نوره : ههاها شو بتعطيني !! ريم : بتقولين ولا انا روحي بسير اشوف ؟ نوره : هاهاها، خلاص بقولج بما اني طيووبه تف تف ما شاء الله عليه عن احسد عمري ... بعدها بتكمل بس ريم قاطعتها تزاعج : خلصيني قولي منو اهنا ؟وبعدين تمي امدحي عمرج ،.، نوره : خفي صوتج انا اكبر عنج احترميني.


سعيد ظهر من غرفة ع صوت صراخ خواته : حووه انتن ما تستحن؟ شو ها الصراخ؟ نوره وريم صخن ما رامن يقولن شي..


كمل رمسته: عندنا رياييل ف البيت شو بيقولون عنا ؟ كل وحده تصك حلجها عن ها الصراخ تراكن هب يهال ،،،، ورد غرفته ، أما ريم فسارت صوب نوره إلي مسويه عمرها ولا كأن شي صاار،، ريم : انتي بلاج صاخه منو الي اهنا ،؟ يالله عااده قوولي منو تحت ؟ نوره : حميد وحمد ،/ريم طاارت من الفرحه : احلفي، صدق حمد اهناا ؟ انزين من متى ؟ نوره : بسم الله عليج اشوي اشوي اميه عن ينط لج عرج بس ، حشا هب حمد هذا الي نططج جذا !! ريم مروحه صوب غرفتها وطااف لرمسة نوره : سي يوو ><”


...


"الله أكبر" .. "الله أكبر" .. "الله أكبر" .. "الله أكبر"


"أشهد ألا إله إلا الله" .. "أشهد ألا إله إلا الله"


"أشهد أن محمداً رسول الله""أشهد أن محمداً رسول الله"


"حيّ على الصّلاة" "حيّ على الصّلاة"


"حيّ على الفلاح" "حيّ على الفلاح"


"الله أكبر""الله أكبر"


"لا إله إلا الله"


أذن أذان الظهر وساروا يصلون بو منصور ، سعيد ، حميد وحمد


وهم رادين تلاقوا ويا منصور بيحدر البيت وياه حرمتة وبناته ^^


وسلم عليهم وحدرو ، حرمت منصور روحت فوق وبناتها تمن تحت ويا ابوهن ، شمسه : السلام عليكن , جيف حالكن؟ وسلمن عليها نوره وريم وتمن يرمسن ، نوره : حتى شيخوه قاالت بتي بس ما اشووفها ضوت ، شمسه،: هي قالت لي بس يمكن تتأخر قالت بتروح الصيدليه تشتري ادول لهزاع طايحه فيه حمى ، نوره:اهاا تحريتها غيرت رايها .. شيخه حدرت وسلمت ع ابوها ،خوانها وحميد وحمد .وصعدت فوق شافت البنات : سبراااايز


ريم : لا والله كلنا ندري انج بتيين اشو سبرايز بعد -.- ، شمسه : كليتيها سلمي اول بعدين فشليها هههه اشحالج شيخووه ،؟ شيخه: الحمدلله فديتج ومن صوبج ؟ اقوول ريموه عن الاستهباال الزايد تراا امرره ما يمدحوونه ،، نوره : هههههههه بعد شو تردين عليها خلصت السالفه ، شيخه : ما خلصت الحين ألا بدت خخخ ،،


نوره : عيل وين حبيب قلب خاالته:؟ شيخه : شاف حمد ولصق فيه، نوره من سمعت اختها تقول حمد ويهاا غداا الواان ..


ريم : اوه نسيت انا رايحه اسلم بعد ، وقبل لا يقولن شي ريم نزلت من الدري ,,


حدرت ريم وشافت حمد ويا هزاع وبنات منصور مي ومهره ،، ووايهته وحضنته من فتره هب شايفتنه ,,حمد: ي هلا ب الغاليه ، وينج انتي امرره ماا تسألين ؟ ريم يالسه حذاله وماسكه يده تلعب باصبوعه: لا والله يعني انت الي تسأل عن احواالي ؟ المهم وين راحو قوم ابويه وخواني وحميد؟؟

حمد: من اشوي ساروا الميلس الحين بيتغدون، ,,,,,,, كان بيكمل بس ريم قاطعته : وانت ليش ما سرت وياهم؟ حمد: ترا كنت بقول بس قاطعتيني ، كنت بروح ياغير اليهال يحنوون ألا تيلس ويانا اهنا . (ريم من كانت ياهل وهي تيلس وتسولف ويا حمد وعيال خالتها ، يعني متعودين عليها وعادي يعتبرونها شراا اختهم ، بس ريم يمكن هب ملاحظه ان خلاص لازم تتغطى عنهم وما تيلس وياهم ها اليلسه ، وما تسلم عليهم جيه) .

الجزء 4


خواتها من فوق يتطالعن: شو تسوي هاي الخبله . ردت نوره معصبه : ما ادري بها ، وردت يلست وياا شمسه تطالع التي في ،،


حمد يناظر ريم هي يالسه ويا اليهال ع الارض وتلعب وياهم ومندمجه ويتذكر حركاتها ودلعها : بعدج دلووعه وع حركاااتج ما تغيرتي مووول ؟


ريم رفعت راسها تشوفه : شعنه تقول جذا ؟ ليش هب عايبتنك يعني؟


حمد: لا ماشي، معقوله الشيخه ريم ما تعيبني ، ؟ طبعا عاايبتني انتي الزينه ,


ريم : بس عااده استحي ..


ام منصور ف المطبخ تعاابل بالغدا ويا البشاكير،و تزقر البناات عسب ينزلن يتغدن،محدر رد عليها ظهرت الصالة شافت ريم يالسه ويا حمد والصغاريه ، : سيري ازقري خواتج وحرمت اخوج خليهن ينزلن يتغدن،. وانت ي حمد سير اتغدى هاييل قاصين عليك ما عليك منهم سير ,، حمد : لا عادي خالوه


ام منصور: الحين بينزلن وبياخذن عيالهن وانت سير اتغدا ..


سارت ريم فوق وبعدها الحين بترمس ، استلمتها نوره : انتي ما تستحين ولا تخييلين ، كيف تسلمين ب رياال محرم عليج ، شو تتحرين عمرج بعدج يااهل وتناقزين لي بحضنه وحركات المياعه وبوسات وما ادري شو ؟ ريم فاجه عيوونها اشوي وبتصيح وترمس صوتها فيه بحة : بلاج عليه انا ما سويت شي غلط ؟


كلهم استغربوا من رمسة نوره شيخه اختها وشمسه حرمت منصور،، هو صدق حراام انه تسلم عليه جيه بس بعد هب ترمسها جداام حرمة اخوها بها الاسلوب ، شمسه اتلوومت ونزلت قبلهن.. شيخه : بسم الله تعوذوا من ابليس ،بلاكن؟ نوره بلاج انهديتي عليها مره وحده ، هي غلطت بس بعد انتي غلطانه شو ها الطريقة الي ترمسين بها ، ترا عيب انتن خواات ..، خلنا ننزل قبل لا تصعد اميه، ريم : ما ابا غدا بسير غرفتي ،، وقفتها شيخه : ريم الله يهداج انزلي تغدي الحين بيسألون عنج شو بنقول لهم ، وهزت ريم راسها يعني اوكيه ، وقبل لا ينزل ، نوره: شوفي هذا بعده تحت ؟ شيخه خلاص نفذ صبرها من خواتها : نوروه قصري حسج وتحركي جداامي ،، بدون جلام نزلن خواتها ،


حمد بعده يالس ويا هزاع لان البنات خذتهن شمسه،وسمع كل الرمسه الي قالتها نوره ، انتبه ل شيخه: اسمحلي عاده ما خلاك تتغدا ،،حمد: لا عاادي مسمووحه بالحيل ، فديت قلبه تعباان شكله؟ شيخه تنغز اختها نوره عسب تسلم، ونوره لا حياة لمن تنادي ،شيخه : هيه صابته حمى من كم يوم ، هزاع يالله ماما خلينا نسير نتغدا ، حمد: ما يشوف شر ، وشله حمد وعطاه لشيخه ، أما نوره سلمت من بعيد وسارت غرفة الطعام ،سلم بدون ما يصد صوبها وشيخه لاحظت ها الشي ف شكت انه سمع رمستهم ،، وهو يرمس ريم ،،حمد : ريم بلاج صاخه ..؟ من اشوي كنتي تسولفين وقلتي بتخبريني عن علووم المدرسه؟ // طبعاا هو يدري شوبلاها ياغير حمد يباها تقوله // ريم تسوي عمرهاا عاادي ومستانسه: ما فيني شي بس يووعاانه يااخي ،، باي بعد الغدا بنسوولف،


حمد سار صالة الطعام الي برا يتغدا وياهم ، شيخه وريم وهم يتمشون ف الممر الي يودي لغرفة الطعام ، شيخه: انتي ما تيووزين ،؟ الحين بعدنا هازبينج وانتي تقوليله بعد الغدا بنسولف ،


ريم متضاايجه واايد: ما بسولف ويااه بس قلت جيه عسب ما احسسه بشي. شيخه ما قالت شي ، وتغدوا وكل واحد سار يوطي راسه ، حميد وحمد ف الغرفه ، حمد :هاي من اولها اضاربت وياا اختها ، عيل إذا عرفت ان بنتم ويااهم شو بتسوي ؟ الله يصبرني، حمد قال لخاله كل الي سمعه ,,


حميد يباا يغاايض بحمد ويرفع ضغطه: مسكينه ريم ،، بس ع حسب رمستها مع اختها احسها تغاار عليك واايد ،، حمد الشراار يتطااير منه : اقول لو تصك الدعنه وترقد احسن ، قال تغار قال ,,


حميد : شبلاك ع البنيه ، خل الاموور عاادي ،، حمد : عادي ويااي بس ريم تغمض، حشا ما خلتها ترمس خذتها بمشراع وميدااف ، غسلت شرااعهاا .، بيخلون ريم تبعد عنا بعد والله ما اتخيل تتغطى وتسلم علينا من بعيد :( ،، حميد : شو بنسوي يعني خلاص كبرت البنت هب بتم صغيره،، ،، ،، وتموا ع ها الرمسه ..


عند البنات شيخه وشمسه يطالعن بعض ويردن يطالعن نوره ، انتبة لهن ، نوره مستغربه : شوبلاكن تطالعن جذا؟؟ شيخه وشمسه وكأنهم يفكرن بنفس الشي،، شيخه :انتي تغارين من ريم ؟ نوره ارتبكت: شو ااانتي شو تقولين؟ لا فديتج استريحي محد بقى غيره بعد عسب اغاار ،، ماشي شغله هي ..شمسه: لا والله عيل بلاج مرتبكه جذا ؟ نوره: ترا ما عندكن سالفه اروح غرفتي ابرك لي من يلستكن،، وراحت نوره وتمت شيخه وشمسه يعلقن عليها....

روايه جميله نواره
يعطيك العافيه ع الأنتقاء..

نوارة الكون


رواية راائعة اختي


سلمت يداك المبدعة وذوقك الراقي

هلا فيك نواره ..
روايه جميله وبإنتظار التكمله
الف شكر لجهدك واختيارك الجميل .. كل الود لك مني

اقتباس:

---

المشاركة الأصلية كتبت بواسطة نديم الماضي

روايه جميله نواره
يعطيك العافيه ع الأنتقاء..

---

اسعدني مرورك اخي نديم ربي يعطيك العافيه

اقتباس:

---

المشاركة الأصلية كتبت بواسطة عملاق الشعر

نوارة الكون


رواية راائعة اختي


سلمت يداك المبدعة وذوقك الراقي

---

ومن قال سلم ومشكور ع المرور اخوي

اقتباس:

---

المشاركة الأصلية كتبت بواسطة رايق البال

هلا فيك نواره ..
روايه جميله وبإنتظار التكمله
الف شكر لجهدك واختيارك الجميل .. كل الود لك مني

---

اسعدني مرورك استاذي الفاضل ربي يعطيك العافيه

الجزء 5

بعد شهر..,

طول ها الشهر ريم تتجنب انها اتم روحها ويا حمد ، ونوره وهي داخله وهي طالعه تعق رمسات عليه وهو صابر عشان خااطر خاله ويدته..وشيخه ف الويكند تزورهم ومنصور وشمسه بعد ..

العصر حميد وحمد سارو عند ام رااشد ، حمد ف مكتب الدكتور،

الدكتور: حالتها تحسنت وطبعا ترومون تظهرونها ،

حمد : الحمدلله ربي يبشرك بالخير ي دكتور تسلم ما قصرت ،، من رخصتك .

وظهر حمد من مكتب الدكتورمستانس وطاير صوب غرفة يدته ، ، طااحت الاغراض من ايدهاا رفعت راسها وشافت حمد كان مبتسم وتلاشت الابتسامه من سمع صوتها،

............: انت شو عميي ، ما تشوف جداامك ؟

حمد مسك اعصاابه وبكل برود لانه وعد خاله ما يقولها شي : اسمحيلي ما انتبهة وتعداها بيحدر غرفة يدته ،

نوره تفاجأة من رده : لحظه لحظه انت الي طيحت الاغراض وانت الي تلقطهم ،،

// نوره متغشيه بس حمد يعرف صوتها وهي سبقت امها واختها، يايين وراها//

طبعا نوره ما صدقت تحصل فرصه عسب اتذل حمد ،، بس ع منو ي نوره هذا حمد ،،

حمد يستهبل مسوي عمره ما سمع: نعم ما سمعتج شو قلتي ؟ ،،نوره متأكده انه سمع بس تجاريييه بالرمسه: انت الي طيحت الاغراض وانت الي تلقطهم ، سمعت الحين ي اخ حمد؟

حمد وع محياه ابتسامة استهزاء وحب يجرحها: انا اشلهم! هههه لا فديتج استريحي بتيج الدله ،

وحدر غرفة يدته ، الاغراض متناثره ف الممر و نوره جامده مكانها واقشعر بدنها من كلمة فديتج حستها اهاانه منه وكل حقد اتمتم : اوكيه ي حمد يصير خير. وصلت امها وريم ، ومستغربين من وقفتها والاغراض إلي ع الارض،

ام منصور : بلاج ي بنيتي متيبسه اهناا ؟ شعنه ما حدرتي ؟ وليش الاغراض طايحه ع الارض؟

نوره انتبة لامها واختها الي واقفين وعلامات الاستغراب ع ويوهم : ماشي امايه ، كنت امشي بسرعه وما انتبهة ان كان العامل ينظف الممر وزلقت و طاحت الاغراض من يديه ,( اكيد بتجذبين خخخ)

ام منصور خافت ع بنتها : فديتج صاابج شي ؟

ريم : نوره يعورج شي ؟

نوره: لا امايه الحمدلله ما فيني شي لاني مسكت البااب ،،

و طااف لسؤال ريم لانها بعدها معصبه منها ،، حليلها ريوومه طيووبه ما تشل بخاطرها ع حد

( ،، ودقوا البااب وسلموا ،

حميد ياخذ الاغراض من ريم : تسلموون ، خاالوه شعنه معبله ع عمرج ويايب كل ها الاغرااض ..

ام منصور:ما فيها عباله ولا شي عاادي فديتك ،، تطاالع اختها :ها ي ختيه إن شاء الله اهوون اليووم ؟

ام راشد: الحمدلله اهوون ،، وتأشر ع حمد الي يالس يسولف ويا ريم ونوره الشراار يتطاير من عيونها ،،،: سيراتخبرهم متى بيظهروني ،؟. لاعت جبدي من يلسة الدختر .

حمد وتوه يتذكر: اوه نسيت الدكتور قال تقدرين تظهرين اليوم.

حميد استانس ع الخبر واخيرا امه بتظهر، وحب يغصص ع حمد ويهمس لحمد: ليش نسيت ولا يوم شفت عرب طاار مخك./يقصد نوره/

حمد يرمس عمره حليلك ي خالي ما تدري شو استوى برع والابتسامه الاستهزااء ع ويهه: ها ها ولا افتكرت فيها بعد

حميد وبعده يرمس بصوت هب مسموع : لا يكون قايل للبنت شي ،، ايواا واناا اقول ليش البنت ما عطتنا وييهه، حموود شو قلت لها؟

حمد: ما قلت لها شي بس هي ما تبا تشوف ويهي..ورد يسولف ويا ريم ،,,

وهم يسولفون أم راشد لاحظت ان نوره من يت سلمت ويلست ما سولفت ويااهم ،،

ام راشد: نوره فديتج تعالي صووبي ، قامت نوره ويت صوب

ام راشد: اهناا تعالي يلسي حذاالي هيه فديتج اشحالج وبلاج صاخه ما ترمسين ؟ توها بترد ع خالتها ، ،

بس امها قالت : وي نسيتج ي بنتي ، انتي بخير ما فيج شي؟

نوره توترت وشافت صوب حمد وحميد الي يرقبون شو بتقول يا رب ما تقولين شي ي اميه :الحمدلله ما فيني شي ،

ام راشد وبخوف: ليش بلاها ؟

نوره كانت بتقول ماشي بس سبقتها امها بالرمسه :تراها توها زلقت جدام الباب وطاحت الاغراض عنها ،،

حمد ضحك وكلهم لفوا يشوفونه مستغربين: ههه بلاكم اتذكرت شي يضحك ،،، ما اهتمو لضحكة حمد,

ردو يشوفون ام راشد الي كانت ترمس نوره : فديتج ي الغالية كيف طحتي ، اتحملي ع عمرج بعدج صغير هب تكسرين عمرج من الحين .

أما نوره فكانت تبتسم غصبن عنها وف بالها استهزاء حمد وضحكه عليها ، حميد : سلامتج ما تشوفين شر ، نوره : ربي يسلمك مافيني شي الحمدلله ..

حميد لاحظ انهم ملتهين بالسوالف مع ام راشد وهمس له: ع الاقل تحمد لها بالسلامه ،،

حمد هو الثاني يهمس:تجذب ما طاحت ع شو اتحمد لها ع جذبها؟

الجزء 6

حميد عيونه ع نوره الي ترمس مع خالتها: انت شو تقول ؟

حمد: خلنا نظهر وبقولك ..

حميد بصوت عالي : عيل نحن نترخص خذو راحتكم ..

ام منصور: يلسووا نحن مرتااحين ..

نوره تطالع امها ترمس عمرها اماايه شو لج فيهم خلهم يظهرون فكه من حمد وحركاته الي ما تخلص..

حميد انقذها ترخص وظهروا ..

وهم ف الممر : شو تقصد انها تجذب ؟

حمد: يعني تجذب ما طاحت ،

حميد : عيل كيف خالوه تقول زلقت؟

حمد: اقولك جذابه جذبت ع امها وعليكم ،

حميد بعدم تصديق : وانت كيف عرفت؟

حمد : ظهرت من مكتب الدكتور وكنت مستانس ما انتبهة لها تداعمت وياها وطاحت الاغراض عنها ..

حميد: ما انتبهة لها ولا عن قصد سويت جيه؟

حمد : قلت لك ما انتبة لها، وبعدين ليش يعني اتقصد اطيحها ؟..

حميد : انت قلتها لها شي ؟، وكمل قبل لا يرد حمد, وترا عيب تضحك جيه اكيد البنت لاحظت انك تضحك عليها ..

حمد يتذكر شكل نوره لحظة كلام امها انها زلقت عند البااب ويبتسم صدق تفشلت : ارتاح ما قلت ، إن شاء الله مره ثانيه من اشوفها ما بضحك ..حميد يأس من ولد اخته ، الرمسه وياه ضاايعه ..

المسا وهي حادره بتدخل بيت اختها ، حمد يساعدها وزقر الخدامه عسب تشل اغراض يدته من السياره ،/ يااب سياارته من دبي// ، يلست ف الصاله بعد ما سلموا عليها عيال اختها ام منصور: قومي فديتج ارتاحي ف غرفة احسن لج من اليلسه اهنا ، نوره قومي اميه شوفي غرفة خالتج ,

ام راشد ترمس اختها : لايكون الغرفه فوق، تراني ما اروم ارقى الدري ،،كلهم يضحكون ع رمسة ام راشد،،

ام منصور مبتسمه: لا الغاليه غرفة تحت تراني ادري بج ما ترومين .. وراحت ام منصور ويا ام راشد غرفتها يلسن يسولفن وام منصور تخفف من حزن اختها ع عيالها الي فقدتهم وما بقا لها غير حميد وحمد ولد بنتها ، ف الصاله يالسين الرياييل فصوب //بو منصور ،سعيد ،حميد وحمد// والبنات فصوب // شيخه وريم – نوره كانت تخبر الشغالات عسب يجهزن العشا ويسون شوربه لخالتها ام راشد- رن فون حمد وظهر عنهم : مرحبااا السااع ,, الصوب الثاني من الخط :ي مرحباا ملاييين ولايسدن وان سدن فلا باس، وينك ما تسأل من رحت العين نسيتنا ..

حمد :هههههه لا هب ناسي بس انشغلت اشوي ،،

حمد كان يرمس ورفع راسه وانتبه لانعكاس صورتها ع الدريشه الي جدامه ،، حمد يرمس عمره تتسمعين عليه بعد ! : بعدين بتصل الحين مشغول //كان يرمس ربيعه بدر وكان بيقول اسمه بس لعاانة من شاف انعكاس ويهه نوره واقفه وتتسمع جلامه ما قال اسمه ، هي ما انتبة لدريشه الي ف الصوب الثاني شو بتسوين ي نوره الله يعينج//

بدر: ها شبلاك الحين اتصلت، احس صوتك فيه شي من الخبث ياخي ،

حمد: هيه ، إن شاء الله اكييد بتصل ،،

بدر: انزين انزين فهمت فمان الله ،

حمد : مع السلامه ي قلبي ،

بدر : ههههههههه شو الي طاري عليك اكيد تغايض ف حد بس ما عليه بعدين بتخبرني باي ,, حمد :باي..

نوره كانت تسمع كل جلمه ومشت بتروح ،حست بالحرااره وهي تسمع حمد يقول : شو تسوين اهنا؟ ولا ما علموج ان عيب تتسمعين ع خلق الله؟

نوره انحرجت ما عرفت شو تقول: ما كنت اتسمع ، مريت بالصدفة وانت لمحتني والحمدلله انا متعلمه العيب ..

حمد تفاجأ من جذبها: كل مره جذبه يديده ما شاء الله عليج الصراحه انتي خطيره ف الجذب، انا اقول خل عنج ها الجذب وحشمي اهلج ع الاقل ,

نوره عيونها شاخصات حمر من كثر العصبيه والاحراج وحمدت ربها انه ما يشوف ويها وعيونها : احترم نفسك انا حاشمه اهلي هب مثلك ترمس فلانه وعلانه ،

حمد بداا يحب الحواار الي صنعه بنفسه ويحاول يستفزها : توج قلتي ما سمعت شي؟ وعفوا منو تقصدين ب فلانه وعلانه؟ ،،

نوره نفذ صبرها: قلت لك مريت بالصدفه ، انت فاهم منو اقصد الخيااس الي شرااتك ما عندهن ادب واخلاق وفوق هذا كله ترمسهن اهنا وبدون اي حياا ومستحا ،، بعدها بتكمل كلامها الجاارح بس حمد يودها من ايدهاا ومعصب ع الاخر من الرمسه الي قالتها : انا خياس؟ انا بلا ادب واخلاق ؟ انا ما استحي ؟ الحين تتاسفين وغصبن ع خشمج فاهمه .!!

نوره تلاحظ نظرات الاشمئزاز ف عيون حمد وكأنه يقول لها انا اجز المس يدج، من الاساس تفاجأة بمسكة ايدها : هب متأسفة و فج يديه ما اتشرف انك تلمسني شو تتحراني مثل الي ويااك،,,! حمد الغيض والقهر سيطرو عليه وهو يضغط ع ايدها اكثر وراصد ع اسنانه : بتتأسفين، ضحك ضحكة استهزااء :تدرين انا الي ميت امسك ايدج ،

نوره قشعريره صابتها من شافت حميد ولد خالتها واقف : حمد الله يخليك هد يديه ولد خالتيه ياي صوبنها ،

حميد : حمد شو تسوي ! هد ايدها ،

حمد: خلها تتأسف ع الرمسه الي قالتها بالاول وبعدين بهدها ..حميد: هد البنيه انت تبا تفضحنا ف خالتيه شو بيقول ابوها واخوانها؟ نوره ساكته ايدهاا تعورها من مسكة حمد ,,

حمد:خلهاا تتأسف ،، حميد: هي شو قالت عسب تتاسف . حمد:أسألها. حميد يشوف نوره يرقبها ترمس ،

نوره: ما قلت شي ،،

حميد : وبعدين ويااكم واحد يقول اسالها والثانيه تقول ماشي ، بترمسون ولا شو؟

حمد انقهر من حركاتها: اول شي تتسمع عليه كنت ارمس بالفون وبعدين غلطت عليه .

حميد يشوف نوره وكأنه يسألها صدق ؟

نوره : انا ما كنت اتسمع عليه مريت بالص... قاطعها حمد: جذابه انا شفتج كنتي وراي تسمعين ،,,

الجزء 7


حميد : نوره اتأسفي وخلينا نخلص من ها الموقف اهلج يمكن يظهرون بأي وقت. نوره معانده هب راضيه ترمس ابد ، وحمد اكثر ،


وحميد المسكين امبينهم ما يدري شو يسوي : ترااكم هب يهال خلصوني ولا اقولكم انا ما يخصني فيكم ، روح عنهم وهو معصب ،


حمد رن فونه هد يدها بكل اشمئزاز وقالها : ي ويلج ان تحركتي ،،هي خايفة بس من شافت حمد مندمج ف الفون شردت خخخ ،،


نوره حدرت الصاله وحميد انتبه لها وهو يرمس عمره اكيد اتأسفت ولا ما كان بيخليها حليلج ي نوره ما شفتي غير حمد اطيحين براسه ،


شيخه تناظر نوره الي متوتره :انتي وين اختفيتي؟ ،


نوره ف صوتها رجفه خفيفه: ها انا كنت ف المطبخ اقولهم يحضرون شي لخالوه ..


شيخه لاحظ الربكه ف صوت اختها بس ما حبت تضغط عليها،، حمد اندمج ويا المسؤول عن شركة يده بو راشد ف دبي: نحن اتصلنا ع الاستاذ حميد كذا مره بس هو ما يرد عسب جيه اتصلنا عليك ،، حمد : عادي ، بس المشكله ف الصفقه سوي الي قلت لك عليه ، وانا ياي إن شاء الله وبخبر حميد // يزقره حميد لانه ما بينهم فرق كبير بالسن // وصكر عن المسؤول وانتبه ان نوره هب مويوده ،


هو بروحه معصب من اخبار الشغل وهي زادته يتمتم ما عليه ي نوره .. شاف حميد وسعيد يرمسون ،


حمد : حميد انا مروح دبي،


حميد صد لحمد : ليش شو صار ؟


حمد : المسؤول اتصل عليك بس انت ما رديت عليه ، المهم في مشكله ف الصفقه ،


حميد: فوني ف السياره نسيته ، ايي وياك ولا انت بتخلص الشغله لاني ما اروم اخل اميه اهنا روحها ،


سعيد : الله يهداك ها القوم كلهم وتقول روحها ، إذا شي مشاكل ف الشغل سير ,,


حمد : لا لا عاادي بحل المشكله ما عليك انت ارتااح وما اوصيك ع يدووه ، حميد: لا توصي امرره لا تحااتي اميه ف عيووني ..


سلم عليهم ومر بيسلم ع يدته بس شافها راقده باس راسها وظهر من الغرفه ف الممر شاف نوره واقفه متغشيه طبعا،


مشى بيظهر : حمد انا اسفه ،


حمد ما لف ولا شافها :ما يهمني،


روح حمد وخلاها جامده مكانها وكأن حد جّب عليها مااي بارد ، روحت غرفتها وهي تتحرطم : شو فاكر عمره ؟ دنجوان زمانه ؟ عرفنا انه غاوي وغرشوب ومحد ايي صوبه بس هب لهدرجه يهيني !! اناا استااهل شو الي خلاني اتأسف من وااحد ما يسوى مثله ، مُنحط ،حقير ,وووو,...... دقت الباب عليها بعد ما سمعت الجلام الي قالته: بلاج تتحرطمين ؟ منو تسبين ها المره ؟


نوره : ريمووه هب فاضية لج جلبي ويهج احسن لج،،


ريم : بسم الله ، بلاج؟


نوره: ها الخايس الخماام ولد بنت خالتج الحقير اتأسفت منه بس هو ولا ع باله تدرين شو قال ،،نوره تعيب ع حمد : ما يهمني,, الحقير شو يتحراني مايته عليه ,,


ريم فااطسه ضحك عليها: يا كبرها ولد بنت خالتيه ههههههههه قولي حمد وخلاص ، وبعدين شو مناسبة التأسف ؟ ليش تاسفتي له ؟


نوره تنافخ : اظهري من الغرفه عن اقوم ارتكب فيج جريمه ..


ريم ظهرت تركض عن تسوي بها شي..


ريم تضحك ع اختها شافتها امها : بسم الله بلاج تضحكين ؟


ريم : هههه هاي نوره تضحكني .


ام منصور : إلا وينها نوره ؟


ريم بعدها تضحك: ف غرفتها ،


روحت ام منصور وريم روحت غرفتها واتصلت ع حمد :الو السلام عليكم ،


حمد : ي مرحباا وعليكم السلام منو قدي الشيخه ريم متصله عليه. ،، حدرت نوره غرفت ريم وتمت تأشر عليها واخيرا فهمت انها ترمس حمد،،


ريم : ي مرحبا بك ههههه يعني حبيت اسال عن احوالك ،نوره يلست تأشر لريم عسب تحطي سبيكر وحطته،


حمد وصوته في نبرة الخوف: قبل اشوي كنت وياكم وسالتيني اشحالك ، ريم بلاج؟ لايكون فيج شي؟ ؟


نوره ترمس عمرها لهدرجه حنون الاخ وخاايف عليها ؟، اصلا هو وين راح نوره تأشر لريم تسأله وين راح،،


ريم ارتبكت اشوي هي ولا مره تسأله وين تروح وين اتي: ليش انت وين رحت ؟


حمد شك ف سؤالها: ريم متصله تسألين عن احوالي ولا في ناس مطرشينج تتصلين؟


ريم ارتبكت اكثر وما عرفت شو ترد الله يهداج ي نوره شو ها السؤال : لا والله منو الناس يعني ، خلاص براايك إذا ما تبا تسولف ببند. ،،


حمد : لا عادي سولفي بس استغربت من سؤالج انتي ولا مره سأليتي؟


ريم :لا بس قلت وين راح بها الليل يعني استغربت اشوي ،


حمد:المشكله ما تعرفين تجذبين ،، ريم راحت فيها ،، وهو يكمل رمسته: قولي لهم بترتاحون امره لاني رجعت دبي ،،


نوره اتمتم خيبه هب مخ انسان عليه مخ فيل شوها الذكاا ي ربي ،، ريم والتوتر واضح ف صوتها تباا ترقع السالفه: الله يهداك كان مجرد سؤال وجلبت الموضوع فوق تحت ،، خلاص سحبت السؤال ،، بس اكيد بترجع صح؟


حمد بعده مُصر ان يشكك ف رمستها: انزين ماسك خط الحين ، بوصل وبرمسج اوكيه؟


ريم : لا لا براايك خلاص اصلا انا برقد باجر مدرسه اكيد نسيت ما وراك دواام مثلناا :( ،،حمد اتذكر يوم تخرجه كان مستانس ويااي ليدته يقولها وكان يوم الحادث يوم وفااة امه وخاله ،،


قال الضيجه والحزن ف صوته : ريم انا بصكر فمان الله ،،


وصكر عنها وهي استغربت نبرة الحزن صدت لنوره : بلاه؟ نوره تفكر باستغرااب وفجأه قالت : ي الغبيه انتي قلتي له ما وراك دوام مثلنا ، نسيتي انه يوم تخرجه هو نفسه يوم وفاة امه ،،


ريم توها تستوعب وبسرعه قالت: برد بتصل عليه انا ما كان قصدي والله ،،


نوره : لا لا هب الحين ، هو يسوق ويمكن يلتهي بج ، خلاص باجر بترمسينه ،


نوره كانت بتطلع بس تذكرت: انتي من متى ترمسينه بالفون؟؟


تعاالي فجي عمرج ي ريم ،، ريم ارتبكت : هب من فتره طويله يعني مره قالي عطيني رقمج وانا عطيته يعني استحيت اقوله لا.


نوره ردت يلست حذال ريم: ي ريم انتي ختيه وانا اذا بنصحج لمصلحتج هب لشي ثاني ، هذا الشي حرام تسلمين عليه وتحضنينه وتبوسينه سواء هو او ولد خالي حميد او عيال عمي ،وبعد ترمسينه بالفون ، خلاص انتي كبرتي وصاروا محرمين لج.


ريم تتأمل رمسة اختها : كلامج صح بس هب مستوعبه اني ما بشوفهم ولا بسلم عليهم مره ثانيه ،،


نوره : منو قال ما بتشوفينهم ولا بتسلمين عليهم ؟ بتشوفينهم وبتسلمين بس هب بها الطريقه يعني مثلي انا وشيخوه من بعيد نسلم ..


ريم اقتنعت برمسة اختها: إن شاء الله ، بس باجر بتصل فيه متلومه منه وبعدين خلاص ..


نوره:اوكيه ، ، راحت نوره غرفتها ، ..طبعا ريم اتصلت ع حمد وتأسفت وهو قالها عاادي ما له دااعي الاسف ..


بعد يومين الصبح حمد راد العين وهو داخل البيت يسمع صوت يدته : حشاا ماا يسوى عليه ها الدواا كل يوم بتغصبوني آخذه .... ساار صوب غرفة يدته دق البااب يمكن تكون وحده من البنات مويوده ، كانن نوره وريم يالسات ويا خالتهن وامهن ، راحت ام منصور وفتحت الباب ، حمد: السلام عليكم ورحمة الله وبركاته ، اشحالج خالوه؟ ام منصور ، وعليكم السلام ي هلا ولديه اقرب الحمدلله ومن يدااك؟ ،، نوره من سمعت صوت حمد تغشت همست لريم عسب تتغشا بس ريم هب متعوده توترة شوو تسوي و بالاخير تغشت ، سلم حمد وبعدين اتقرب من يدته وباس راسها ويلس ع الكرسي الي جريب من يدته ، بس استغرب وحده نوره والثانيه منو !! لايكون ريم ؟؟


تم يسولف ويا يدته الي تمت تسأله انت ليش روحت ؟ ليش ما سلمت عليه قبل لا تروح؟ ومن ها الاسئله.....


قامت نوره بتظهر مسكتها ريم بصوت هب مسموع: وين سايره ؟ نوره تهمس:بسير غرفتي برمس يزووي،


ريم ،: انا بظهر بعد ,,


وظهرن وحمد يلس ويا يدته بعدين سار غرفته وحميد هب مويود ، سبح وانسدح ع الشبريه ماسك فونه،


دخل حميد : هلا والله، متى رديت؟


قام حمد يسلم ع خاله: قبل ثلاث ساعات تقريبا ، انت وين سرت؟ دقيت عليك ما ترد ،


حميد : كنت وياا سعيد ف العزبه ،


حمد : هيه زين ،


حميد : شو سويت ف الصفقه؟


حمد: ربحنا الصفقه ،


حميد ما تفاجأ لان حمد تعلم من ابوه : هذا العشم فيك..


ودق فون حمد ،: السلام عليكم ابويه ،........الحمدلله ومن صوبك ؟ ,,,............لا ف العين .,............. بس انا اليوم راد من دبي ,........... حميد لاحظ ان حمد بدا يعصب ،،حمد: إن شاء الله المغرب بكون اهناك ,,,,,,,,,,,,,,يعني ع الساعه ست ،......... فمان الله ،
حميد: شبلاك ؟
حمد الضيجه وااضحه ف صوته: ابويه يباني ارد دبي..


...

الجزء 8


حميد: انزين وشو المشكله ؟


حمد: بيعرفني ع اخواني ،،


حميد تفاجأ : وليش بها الوقت يعني؟


حمد: ما ادري ، اصلا ما وحى لي اسأله الاحسن يوم اشوفه اساله,،


حميد وكانه يفكر بشي: زين .


والعصر حميد يوصي حمد :عن السرعه وانتبه لطريج عن تلهي بالتفكير ، آخر شي بتوصل وبتسأل ابوك الي تبااه..


حمد : إن شاء الله شبلاك صاير شرطي مرور ههههههه ،


حميد : هاهاها ابد ما يضحك ، يالله حرك عن تتأخر ،


حمد : انزين فماان الله. رااح حمد..حميد خبر امه ان حمد راح دبي عنده شغل بيخلصه وبيرد ،


نوره شكت ف موضوع الشغل ترمس يزوي ب الفون وريم يالسه وياها ف الغرفه: كيف شغل وهو اليوم راجع من دبي؟


يزووي تااكل وترمس: وانتي شدرااج بعد ..


نوره: انتي هي لايكون يالسه تاكلين وترمسيني؟


يزوي: هيه عندج مانع ؟ولا تجزين ؟


نوره: وووع لوعتي جبدي ،،بسألج انتي ما تشبعين كله تااكلين والمشكله ما تمتنين !!


يزوي: اعوذ بالله من عيوونج ، قل اعووذ برب الفلق ، صبري خليني اقرا ع عمري من عيوونج .


نوره: ههههههههههههه ما شي شغله احسدج ،ترد ترمس ريم: ريمووه ويهد خلي اغرااضي لا تتحريني يالسه ارمس هاي المهرجه ما اشووفج ،،


ريم : هههههههههه ما سويت شي يالسه اطاالع بس ،،


يزوي : انتي ما تستحين ترمسيني وتسبيني !!


نوره: ههههه كنت اسوولف غنااتي ، فديت رووحج ،،


ريم تعلي صوتها تبا يزوي تسمعها/:: هي بداا التقردين والتغزل ، لا يطووفج شو ترمس من وراج ,,


يزووي فيها كاتمه ضحكتها ،تدري ان ريم تسوولف مسويه عمرها معصبه: واناا مسوويه عمري مستحيه انج تتفديني ، طلعتي تخرطين ولا ترمسين من ورااي بعد؟؟


نوره عصبت من ريم وظهرتها من غرفتها ردت ترمس يزووي: لا والله يعني ما تعرفين ريموه وخريطهاا ،


يزوي ما رامت تكبت اكثر ،انفجرت من الضحك:هههههههه ادري ادري اسوي ويااج سواالف خخخ ,,


نوره: احم احم ، يزوي فهمت بس تباا نوره تقول: ورا الاحم شي ، قولي اسمعج،


نوره: عن اللعانه يالله اطربيني بالاخباار ،،


يزوي: الحمدلله هو بخير وسهاله وما فيه إلا العاافيه ، بسالج الحين اختيه حرمت اخوج واختج حرمت اخويه شعنه ما تسالينهن -.- ؟؟


نوره: لاوالله تستهبلين تبنهن ينشرن خبريَّ! ،،


يزوي بدت ترمس جد: نوره وبعدين وياا ها الحُب الفاشل الي مبينكم ، انتي من كنتي صغيره يقولون انج لحمد ، شعنه تتعذبين وتعذبين اخويه ويااج؟


نوره فيها صيحه: خس الله ها الطااري،،حتى اسمه يلوع بالجبد،،وبعدين حراام عليج حتى ما تبيني اعرف اذا هو بخير او لا ،


يزوي: لازم تتعودين عليه ، اصلا كلهم يقولون حمد رياال والنعم فيه..


نوره: يخسي والله ارحمه احسن عنه ف واايد اشياا ، تعاالي انتي تمدحينه وتخلين اخووج؟


يزوي: انا ما يبت شي من عندي ، اسمعهم دووم يرمسون عنه بالخير، و ارحمه خليه صوب الحين يالسين نرمس عن حمد,.


نوره: يزوي دخيلج لا تبدين كفايه شيخوه وريموه وانتي بتزيدين بعد ؟


يزوي: والله انا نصحتج ومن اليوم اقولج ما تدخليني بينج وبين ارحمه ،,.


نوره تضايجت من الرمسه: اوكيه برايج ببند اسمع ريموه تزقرني ،


يزوي : اوكيه سلمي ،، فمان الله ،


نوره راحت لريم الي كانت تزااعج : نعم شعندج تزااعجين ما تعرفين تزقرين شرا الخلق؟


ريم بنفاذ صبر: فكيني من ساعه ازقرج ،،


سيري لخالوه تبااج.


نوره استغربت : شو تباني ؟


ريم: ما ادري ،


نوره: انزين حد وياها؟


ريم : بس اميه،


سارت نوره لخالتها، شافت امها وياها ،


ام راشد: تعالي الغاليه يلسي حذالي، يلست حذالها ،،


ام منصور: نوره ي اميه خالتج تبا تشاورج ف موضوع ،


نوره نغزها قلبها لايكون السالفه نفسها لفت لخالتها وشاافت كل الحب ف عيون خالتها : تفضلي خالوه انتي تامريني ،


ام راشد: فديتج ما يامر عليج عدو ولا ظالم ،، من زماان نقول انج لحمد هو تخرج من الكليه وانتي ما شاء الله عليج كبرتي وتخرجتي من المدرسه ، عااد الحين نباا نفرح فيكم , شو رايج !


نوره احمر ويهها وواضح عليها انها انصدمت شو نفرح فيكم وشو كبرتو ،وتطالع امهاا ، كملت ام راشد يوم انتبهة لنوره تطالع امها: إذا على امج وابوج ترا مرمستنهم وهم موافقين ،،


نوره اتلومت واايد شو اقول يا ربي شو الموقف ، واخيرا لاحت فكره ف راسها: بس ي خالوه اناا بعدني بكمل دراستي ,,,,


ام راشد الابتسامه ما فارقت محياها: هيه ما عليه كملي وحمد ما بيمنعج تكملين ،


نوره الغيض ياكلها ي هذا الحمد الي ما قدرت تتخلص منه ،، اندق الباب وكان منصور اخوها ، شكرت ربها ان اخوها وصل ف ها الوقت الحرج ،،


والتهت ام راشد بالسوالف مع منصور وراحت نوره غرفتها ولحقتها امها دقت الباب وحدرت: نوره ما قلتي رايج ؟


نوره: امايه انتي تعرفين رايي زين ، شعنه تساليني،


ام منصور: ي نوره،، حمد رياال طيب ما ينعااب اخلاق ورزانه وشهامه والكل يمدح فيه ,,


نوره : طيب لنفسه ،


ام منصور: ي بنيتي هو قالج شي .؟ غلط عليج بجلمه؟


نوره تذكر كل المواقف الي بينها وبين حمد كرهة نفسها لان دوم هي الي تصارخ وتغلط : لا ،


ام منصور : عيل شعنه رافضه؟


نوره تحس عمرها بتصيح : ليش رافضه؟ ليش انتوا خليتوني اختار ؟ شاورتوني ؟ يبتوه ورزيتوه ف ويهي وكل يوم نفس الرمسه حمد لنوره ونوره لحمد .،، صاحت،،, وبعدج تسألين ليش رافضه؟ اماايه دخيلج رمسي ابويه اناا ماا اريده ما اريده هب غصب..


ام منصور تضايجت من رمسة بنتها حضنتها: ي بنيتي ما بيدي حيله، مالي رمسه من بعد ابوج وخوانج يدرون وموافقين بعد ، خلج عاقله ي نوره الرياال شااريج ، ولو هب شاريج ما بيتم ع رمسته,,


نوره غصة ف حلجها هب رايمه ترمس عدل : ،انزين بعدهم ما خطبوني رسمي، رمسي خالووه .


ام منصور: اسمعيني ، ما تقولين لها شي انتي تدرين ان خالتج تعباانه وما فيها حيل لصدعة الراس , يالله انا سايره وانتي فكري عدل ,،،


نوره يلست ترمس عمرها بعده ما صار شي واناا عيووني تحرقني من الصيااح عيل بعدين شو بسوي


// الحق ي حمد خطبوا لك وبيعرسونك وانت خبر كان ما تدري بشي خخخ//..


حمد وصل دبي وتصل ع ابووه لانه ما يعرف بيت ابووه وين !! حمد: السلام عليكم ، جيف حالك ابويه.......................الحمدلله، هيه وصلت بس وين البيت..! ....................... إن شاء الله ،،،،, برقبه .............فمان الله.. بو حمد قاله انه بيطرش له واحد من الي يشتغلون عنده يدليه البيت ، وصل حامد للمكان الي قاله به بو حمد واتصل ع بو حمد: ي مرحباا ....... شو نوع السيارته طال عمرك!! ............ هيه هيه شفته .......... فمان الله. بوحمد اتصل ع حمد وقاله يتبع سياره اكس فايف ، وانتبه حمد لسياره تبعه ،، وصل البيت اول مره يحدر بيت ابوه، حمد كان مستغرب اشوي هو يدري انه ابوه غني ومن الشخصيات المهمه، بس ما توقع لها الدرجه التشدد والحراسه، حامد وصل حمد للميلس الي دااخل وتم يالس وياه ،


اشوي ودخل ابوه قام حمد وسلم ع ابوه وللمره الثانيه استغرب من حامد كيف يرمس ابوه : تامر بشي ثاني قبل لا اروح طال عمرك؟


بوحمد: لا توكل انت ، بعد ما طلع حامد ،


بوحمد يرمس حمد : اشحالك ؟ حمد: الحمدلله ابويه،,, //خلوهم يكملون رمستهم نحن بنسير داخل الفله ، صوب مريووم //، كانت ترمس اختها عليا بالفوون ووقفت حذال الدريشه وهي تطالع من فوق،


،، g65لمحت سياره


مريم:عليووه الحقي وااحد من الشيوخ وياا ابويه ،


علياا بدون اهتماام: وشو اليديد ، ليش متى ميلس ابويه خلا من الهوامير والشيوخ ،؟


مريم يااها فضوول: اقولج انا بصكر عنج بسير بتخبر منو تحت..


علياا استغربت من اختها: بلاج تخبلتي ، يعني الي يسمعج يقول اول مره تشوفين سيارة شيوخ ف بيت ابويه،


مريم: ي ختيه شو اسوي اشتغل الفضوول فيني ،،


عليا : قري مكاانج لا تفضحينا ،،هههههههه اصلا ناديه ناشبه لج مثل العظم ف البلعووم ،


مريم : لا والله اتخسي الي هي ، من اسألها بتجااوب غصبن عنها ، حالها حال الخدامات الباقيات ولا يعني لان ابويه قالها انتي مسؤولتهم شافت عمرها علينا؟


علياا: حشاا اعووذ بالله من لساانج ، ترااني اسوولف ادري بهاا مسيجينه ما تسوي شي ، عاد الله يعينهم الي ف البيت انتي تميتي آخر العنقود ولاعنه خيرهم،


مريم نفخت عمرها :: طبعا طبعاا انا الكل ف الكل اهناا، ما بطوول ويااهم كلها كم من شهر ،،


...

الجزء 9


عليا : لا تصدقين عمرج واايد ،هيه والله بتعرسين وبتندمين ، عندي هاييل اليهاال ندموني ع الساعه الي وافجت فيها ,,, وتمن يسوولفن ..


من صوب حمد وابوه، حمد: ابوويه انت شو تقوول اناا هب يااهز لها الشي الحين واايد ضغوطاات عليه، واصلا ليش الحين ؟..


بو محمد :وليش نأجل دامك اهنا تعرف ع خوانك وخواتك ،


حمد ما يروم يكثر بالرمسه لابوه ، بوحمد زقر حامد وخلاه يتصل ع عياله محمد وسعيد، اما ناديه ف طرشها تتصل ع البنات حصه ، عليا ، عاشه ، ومريم عنده ف البيت ^^،، اتصل بهم وقالهم ضروري ايوون البيت ،


ناديه ادق الباب ع مريم : منو؟ ناديه: انا طال عمرج ،


مريم عرفت انها ناديه بس لعانه قالت: ومنو انتي شو انا بيلس بحفظ صوت كل الخدامات؟


ناديه ملت من حركات مريم ودلعها: ناديه،، ممكن ادخل؟


مريم كاتمه ضحكتها: ادخلي، شو تبين؟


ناديه: بو محمد طالبنج ؟


فزت مريم: لايكون انتي قايلتله شي؟


ناديه فزعت من نظرات مريم: لا لا هو طالبنكم كلكم ..


مريم خاافت اكثر شو السالفه ابويه ما يسوي ها الاجتماعات الي تغم القلب الي لموضوع مهم ،، انتبهة لناديه : انتي بعدج اهنا ، خلاص قلتي الي عندج ؟ روحي.


ناديه: بوحمد يباج الحين تنزلين ,


مريم تناظرها بكل عصبيه: اوكيه ،،


مشت ناديه بتصكر البااب بس وقفها صوت مريم: وين ابويه؟


ناديه : ف الميلس الي داخل..


من صكرت ناديه البااب دق فون مريم : الوو مريووم شو سالفة الاجتمااع ،،


مريم : ما ادري توها ناديه ظاهره عني ، في شي ابويه من زماان ما زقرناا لها الاجتماعات السخيفه، سكتت اشوي وردت قالت: انا من شفت السياره ف هاالوقت نغزني قلبي ،،


عليا : الحين شو ها الاجتماع الي ما يتأجل ، الله يعينا يالله اشوفج بعد اشوي ،،, وصكرت عنها ,,


نزلت مريم تحت ترقب خواتها عسب يدخلن يميع وصل سعيد لان كان جريب سأل ناديه : مريم ف الصاله طال عمرك ،


سعيد : اوكيه راح الصاله: السلام عليكم اشحالج؟ مريم : وعليكم السلام الحمدلله ومن صوبك.؟


سعيد: الحمدلله ، شو سالفة الاجتمااع؟


مريم : حالي من حاالك ما ادري شو السالفه.


سعيد: وليش ما دخلتي ؟ مريم : ارقب خواتي ,


سعيد : اوكيه وانا بسبقكم ..


بعد اشوي ين حصه وعاشه وعليا تاخرت اشوي وبالاخير محمد ،، ناديه يت للبنات : بومحمد يقول استعيلوا اشوي وايد تاخرتوا ،، مريم ع اعصاابها ما تحملت وانفجرت ع ناديه: انتي هي خلاص عاد فهمنا وبعدين كيف ندخل ورياال داخل،،


وصل محمد : ها هدي اعصاابج شو بلاج؟ سلمن ع اخوهن ، ودخل الميلس ،


بو محمد ها المره طرش سعيد يزقرهن : وبعدين وياكن يالله خلصنا ادخلن ،


حصه : سعيد بلاك رياال داخل الميلس كيف ندخل؟


سعيد متوتر: تعاالن هذا جلام ابويه انا شو اسوي يعني ..


وتوكلن على الله ودخلن ورا اخوهن ، سلمن ويلسن،


بومحمد بكل هيبه وقوه بصوته: واايد تأخرتوا وتدرون ان اهم شي عندي الوقت ، ،، محد رد كمل بومحمد رمسته : بدون اي مقدمات الريال هذا الي مريم وحصه هب راضياات يحدرن الميلس وتأخرن بسبب وجوده اخوكم حمد ,,


اليميع وعلامات الصدمه ف ويوهم ، اما حمد فنحرج واايد لان كل العيون عليه ،،بوحمد: قومن سلمن عليه ..تفاجأن البنات من طلب ابوهن ،، محمد منصدم : ابويه انت شو تقول؟


بومحمد: الي سمعته ي محمد ، سعيد: ابويه انت متأكد انه ولدك ولا ... قطع رمسته ابووه: صه امرره ماا اباا اسمع صووتك ، اناا مويود وتهينه عيل إذا كنت هب اهناا شو كنت بتقوله ؟،


حمد عصب من رمسة سعيد ,,


صرخ بومحمد فجأه والكل انتبه له: إلي بيرمس بمثل هاي الرمسه ما بيشوف خير ، فاهمين؟ فاهم ي سعيد !!


سعيد بعد تردد : إن شاء الله ،


/ خارج النص /:


حمدان <<بومحمد


فاطمه واايد طيبه ومتسامحه ،>>ام محمد


هي الي مسميه عيالها محمد ع اسم ابوها وسعيد ع اسم اخوها الوحيد ، عدا حصه اسم ام بومحمد،


عيالهم : محمد 28البجر معرس عفرا وعندهم حمدان وبعد ولادة حمدان مرضت والحين تتعالج ^^


سعيد 27معرس موزه وعندهم حمدان ،حمد، فاطمة، راشد ، (راشد ع اسم ابو موزه )


الحص : حصه 26 معرسه وعندها عمير،حمدان ،سيف ،(عمير ع اسم بو ريلها وسيف عيبها الاسم وسمته)

علياا 25معرسه وعندها فاطمه، محمد،شيخه (محمد ع اسم بو ريلها)




العااش:عاشه 24 معرسه عندها مريم ،فاطمه شهرين (مريم ع اسم ام ريلها)


مريووم 18آخر العنقوود واايد تخق ودلوعة خالها مالجه وعرسهاا جريب ^^ ،


خالهم سعيد 39 سنه هب معرس ، يقول جملته المعتاده العرس صدعه اشو له اييب العوق لنفسي ^^


حامد يشتغل ويا بو محمد المسؤول عن البيت ف غياب بو محمد،،من كان صغير ف الامارات وشي اكيد بيرمس إماراتي .


ناديه هب من االامارات بس تعودت ترمس لانها من زمان تشتغل وياهم ،،مسؤوله عن الخدامات ووالبيت ف غياب ام محمد لانها اكثر وقتها تقضيه ف بيت امها المتوفيه ..


والتفت بومحمد لبناته الي متصنماات ف آخر الميلس : انتن ما تسمعن .! تعالن سلمن ع اخوكن,,


ظهرت مريم من الميلس بسرعه ،


بومحمد يوجهه رمسته لحصه والشرار يطاير من عيونه : سيري ازقري اختج،


حمد: ابويه خلهاا براحتها،، بس نظرة ابوه سكتته.


ركضت حصه برع ترمس عمرها اول مره اشوف ابويه جذا ، الله يستر :مريوم ، مريووم، .... وينج ! مريووم ؟ وترد ترمس عمرها هذا هب وقت حركاات الدلع ،


شافتها يالسه ف الصاله ووشكلها منصدمه وعيونه كلها دمووع : مريوم فديتج بلاج؟


مريم والخنقه بصوتها: ابوويه ابوويه قص عليناا ،، كل الفتره الي طاافت كاان يجذب يجذب، ،


حصه تهدي اختها : لا تقولين هاي الرمسه كلناا انصدمنا هب انتي بس ،


مريم : اقوولج جذب عليناا جذاب جذاب ...


حصه قالت لاختها تسير تتوضى ،، لان الوضوء يهدي ويطفي العصبيه ،.ظهرت مريم من الحماام / عزكم الله/


وشافت حصه بعدها يالسه وترمس بهدوء: شعنه ما رديتي الميلس ؟ لايكون تتحريني برد ويااج؟


حصه : مريم خلينا نرد بسرعه ابوويه معصب وااايد ، ماا فيناا ع المشااكل ، يالله عاده ، ما اذكرج تحبين تزعلين ابويه ،


مريم بيأس: اوكيه , وسارن الميلس ,, حدرت حصه وشافت خواتها عاشه وعليا يالسات حذال ابوهن ومحمد وسعيد بعد،، تقربت وسلمت ع حمد ، يت مريم وابوها يرقبها تسلم،


حمد يطالع مريم بكل ثقه و نظرت عيونه تقول بالنهايه ييتي تسلمين ف حق شو هاي الدراماا كلهاا !! غصبت مريم ع نفسها وسلمت عليه ويلست حذال حصه ..وتساسرها: الحين هذا شعنه يطالعني جيه؟ حصه: صخي الحين بعدين بنرمس,.


قام ابوهن : ع العشا محد يتأخر ، وظهر ،


حمد امبينهم ما يدري شو يسوي !! قاموا كلهم وظهروا ،حمد تنهد واخيرا تم بروحه،


اندق البااب دخلت ناديه والابتسامه ع شفايفهاا: تفضل طال عمرك ، ادليك غرفتك..


حمد بتردد هو ما يباا يباات اهناا : اوكيه,.


و قبل لا يصعد غرفته قال لناديه: لحظه ،وين سيارتي !


ناديه استغربت: ف الباركن ،


حمد: وين الباركن؟ ناديه: من ها الصوب ،


وصلته ناديه ،حمد ياب فونه والسويج ودلته ناديه الغرفه ماله،، البناات سارن الصاله الي فوق ، اما محمد وسعيد ساروا عند حامد كانوا متأكدين انه يعرف كل شي -.- حليله ما يدري بشي .. البناات كلهن يرمسن بنفس الوقت كل وحده بصووب وحصه تتسمع ،


علياا: من وين طلع ها الاخ فجأه؟


عاشه: رزه ف الميلس وقال تعالن سلمن ب اخوكن ،


مريم: ليش الحين ؟ ومن ها الاسئله الي ما تخلص...


حصه عورها راسها من صدعتهن : بس خلاص ، شبلاكن؟ يعني شو بتسيرن تحاسبنه ع شي انتهى من زمان !! خواتها صاخات ،، حصه : اشوفكن صخيتن، يكون احسن بعد ، ماا فينا ايي ابوويه اهناا ويجااوبكن بطريقته ع اسألتكتن الوقحه..


تمن ساكتاات قالت مريم بتوتر: لايكون اصغر عني؟ كلهن يشوفنها بستغرااب!!يرقبنها تكمل رمستها!! مريم: بلاكن؟ ما ابااه يكون اصغر عني عسب يتمون يدلعووني ..


فجأه كل خوااتها فااطساات من الضحك عليها ، العااش: انتي ويييين ونحن ويين ..


علياا تضحك وترمس: ههههههه والله انتي خبيله بشو تفكيرج ،،


الحص تضحك :هههههه ترا ظهرتي سخيفه ..


مريم الدموع بعيونهاا: اناا ارمس جد ، ما ابااه يكوون اصغر عني


العااش: لا هب من صدقج ،


علياا : مريووم بلاج ؟


حصه: فديتج ما يسوى الموضوع ، انتي اكبر او هو كله وااحد ،، ترا كلنا بالنهايه بنكبر ما بنتم صغاار..


مريم: لا لا اناا لازم روحي اتأكد من ها الشي,,


ونزلت مريم ، خواتها بعدهن مستغرباات ما كانن يعرفن ان مريم واايد تهتم لها الشي ..


مريم تحت تزقر ناديه: انتي وينج شعنه ما رديتي عليه من نداء الجهاز؟


ناديه: كنت اوصل اخوج حمد لغرفته،


مريم حست بقشعريره من كلمة اخوج: غرفته!! هو ف اي غرفه؟


ناديه : الطابق الثالث، الغرفه الي ف اخر الممر ,,


مريم والابتسامه ع محياها: خلاص تقدرين تروحين،، راحت ناديه ، اما مريم ما صدقت خبر سارت لغرفة حمد دقت البااب ،


حمد مستغرب: منو!


مريم : اناا مي مي ،


حمد يرمس عمره منو هاي الفاضيه وادلع عمرها بعد، قام فتح البااب وهو متساند ع البااب تفاجأ هاي آخر وحده توقعتها ادق باب غرفتي: انتي!! وبدا يستهزء :نعم بشو تامرين؟


مريم كرهت عمرهاا ليش ييت ي ربي : بسألك سؤال ،


حمد علامات االتعجب ع ويهه : تفضلي ، تجدمها عسب تدخل يلس وهي بعدها واقفه عند البااب ،


حمد: شو غيرتي رايج ما تبين تسألين .!


مريم ارتبكت وبان التوتر ف ويهها : ما له داعي ادخل هو سؤال واحد وبسير ..


حمد يباا يضحك بس ابتسم : اوكيه اسألي..


مريم بسرعه قالت: كم عمرك؟


حمد نقع من الضحك: هههههههههههههه الحين انتي متعنيه ،آخر شي تسأليني كم عمرك؟؟


مريم حست بالسخافه ف سؤالها: عادي ما فيها شي ، جاوبني لو سمحت ،


حمد حب يطوول الرمسه : ليش تسألين!


مريم:انت شو مشكلتك ؟ جاوب ع سؤالي وبس.


حمد اتذكر حركاات نوره :هههههه الحمدلله ما عندي مشاكل ، مريم:عيل قول كم عمرك ؟ //عنبو ي مريووم ما كمل كم سااعه من متعرفين عليه ياالسه تسألينه كم عمرك -.- //


حمد : قولي انتي كم عمرج وبعدين انا بقول .


مريم حشا شو ها العنااد الي فيه : اوكيه ثمنتعشر سنه، وانت؟؟


حمد كان يدري لانه ابوه قايله عن كل شي ، بس جيه لعانه يباها تقوله والابتسامه ع ويهه: العمر كله إن شاء الله ،21، وجريب بيستوي 22.


مريم ارتجفت من رده : اهاا تسلم ، انا بسير .


حمد :الله ويااج .


بعدها ما يلست,, خواتها طايحات فيها اسئله وين سرتي؟ شو قالج؟ جيف سألتيه؟ووو....؟؟


مريوم: بسم الله خلوني آخذ نفس ،، الله يطول ف عمركن سرت أسأله جم عمره -.- ؟ يالله خمنووا جم عمره؟


العااش:اوويه جيف سألتيه؟وهو شو قال؟


علياا: قوولي لنا كل الي صار ؟ مريووم قالت لهن كل الي صاار ،، مريوم: احسه واايد طيب ،


العاش: وانا احس جيه بعد ،،


واخيرا الحص رمسة : الحين خلنا من ها الرمساات الي لا تودي ولا تييب ، المهم ما باقي شي واميه بتوصل،ي الفالحات جيف بنخبرها؟


...
في أحداث الجزء 10

بما ان مريووم لسانها طويل قاالت بسرعه: اماايه طلع لناا اخ من الارض ما ادري طاح من السما،
..........

وبها الوقت دخل حمد شاف ام محمد وسار يسلم عليها: اميه فاطمه اشحالج؟

والصدمه ع ويوه البنات ، مريوم ترمس خواتها وتتعلثم بالرمسه: شو ؟؟ شو قاال؟

علياا: لايكون امكن تعرفه؟


الحص: اششش صخن لايسمعكن ابويه ، والعااش امبينهن منصدمه،،


ام محمد ترمس حمد: اشحال يدتك؟ عساها اهوون الحين؟

نظرا لقلة الردود سوف اتوقف عن متابعه ادراج باقي اجزاء الروايه