أشوفك بقلبي .. !
أسابق الكلمه ليـا مـر طاريـك
وأدورك بين الضلـوع النحايـف
أجيك أدور هقوتي يوم اراضيك
وأسلمك روحي وحزن الولايـف
والله لو تدري عن احساس مغليك
أوتدري بجرحي وصمت الشفايف
ما مت في قلبي وأنا ميـت فيـك
ولا شكيت من الدهر وأنت شايف
ياليت لو مره تقول أنت ما ابيـك
كان العزا عند الضمير الحسايـف
ولا إنك تهون من علومنـا ذيـك
بعض الغلا يفرض علينـا كلايـف
ليمن ذكرت الله وأنا أعيش ماضيك
أعيش في ذكرى حسين الوصايـف
خليتني لعبه على راحـة ايديـك
أخاف من حب جروحه نكايـف
أما تعلمني وش الحـب وأجيـك
ونحدد أحلام القلـوب الرهايـف
ولا إنك تقفـي ولانـي بناسيـك
هذاك مـا كنـا عليـه انتعايـف
بدلت بي مـن لا يثمـن معانيـك
وأخترت لك ورد السنين العدايف
يا مبعـد داره خفوقـي يناجيـك
هز الوفا حـب بدتـه النوايـف
لو طالت المده وأنا حيل راجيـك
ما بان لي عذرك ولا هـو بزايـف
مير البلا لا هيض الناس طاريـك
أشوفك بقلبـي ودمعـي ذرايـف
