(( ماكـل من يضـحك همـومـه نساها ))
ياصــاحبـي الـدنـيـا حـكــايــات وعــلـــوم
قــصـص عـجيـبـة تـذهــل اللـي قــراهــا
الـدنـيــا لـو تـضـحـكـ مـعـك دايــم الــدوم
خــــلك فــطـــيـن ولايــهــمـــك رضـــاهـا
كـــم واحــد تـبـنــى لـه أمـــال وحــلــوم
يفـنـي وغــيــرهـ يـهـتـنـي فـي بــنــاهـا
يــامــا أفــرحـت قـــوم وأحـزنـــت قـــــوم
وكــم أعشـقــت عـيـن وخـانـت غــلـآآهـا
ياصاحبي شفت أمس وشف حالنا اليوم
دنــيـــــا تــقـلـب يـكــفــي الله بــــلـأأهــا
اليــوم لامـنـــة بــغـــت عـيــنـــي النـــوم
تـنـكـــدت روحــــي وعـــافــت كــراهـــــا
مـــاكـــل مـن عــلا بالأصـــوات مــفـهــوم
ومــاكــــل روح تــلـقـي فـي مـــنــاهـــــا
ومــاكـل مـن يشـكـي معــذب ومـحــروم
ومــاكـل مـن يـضـحــك هـمـومـة نسـاهـا
بـحــر الحـيــاة إن صـرت ماتـعـرف العــوم
يــــرمـيـك في غـبــه بـعـيـــده مـــداهـــا
مـن راح يستسـلـم من أحـزان وهـمــوم
يـمـوت حـي وحـاجـتــــة مـاقــضــــاهـــا
واجــه هبـوب الـوقــت بـإيـمـــان وعــزوم
لابـــــد مــاربــــــك يـهـــدي هـــــواهـــــا
وأصـبـر إذا شمسك حجـب نـورهـا غيـوم
الغـيــم يـتـفـــرق ويــشــرق سنـــاهـــا
