تعال اعلمك كيف الحبايب لاغدوا../كفار
الا يـاطـيـر كـــم غــــرّك عــلــى حــــدْ الـســمــا ســمّـــار
وكم خانـك مـن أحبابـك كريـم وصحـت مـن دونـه !!
غسلت ايـدك مـن اصحابـك ورقصـت الامانـي زار؟!
تبي تعرف من اللـي طـاح ومـن اللـي تأثـم ظنونـه؟!
تـعــال أعـلـمـك كـيــف الحـنـيـن الـيــا غـــدا مـسـمـار !
وكــيـــف الــلــيــل لادكّــــــه وبـــلّـــلْ دمـــعـــك جــفــونــه!!
تــعـــال أعــلــمــك كـــيـــف الـحـبــايــب لاغــــــدوا كـــفّـــار
يــصــرون الــوفــا مــلــح وعــلـــى جــرحـــك يــذرونـــه !
تــعــال أعـلـمــك كــيــف الـغـيــاب الــيــا غـــــدا جــبّـــار!
وحــــط أبـهـامــك بـحـلــق الــــوداع وصــكّــت سـنـونــه!
تعبت أدري ! رموك أدري ! على بساط الوجع زوّار
جــفـــوك وهــمّـــك الــبـــارح عــلـــى دمــعــك يــحــدّونــه!
وأنــا يـاطـيـر مـــن خـيّــر شـقــاه مـــن الـشـقـا وأخـتــار
يـجــرْ الآه مـــن جـــب الحـنـيـن و تـشــرب عـيـونـه !
وأنــا صــوت الحـصـاد الـلـي بـكـى فــي حـنـجـرة بـــذّار
تـــعـــداه الــمــطــر يـــســـأل عــلــيــه وروح بـــدونــــه !!
وأنـا هـاك البسيـط الـلـي زرع.. ســدر وحمـامـه طــار
وشـــــرّع كـــــل آهـــــات الـغــيــاب ونـــاحـــت غــصــونــه
وأنـــا يـــا صـاحـبـي مـولــى الحـنـيـن وربــعــه الـفـجّــار
يــســنــون الـــوتـــد هـــــــم وعـــلــــى صـــــــدره يــدقّــونـــه
يـمـر الـريــح فـــي جـوفــه غـنــاوي و يـحِــدى مـزمــار
ويــبــكــي داخـــلـــه طـــفـــل وتــمــنـــى لـــــــو يـهــدنــونــه
وأنـــا الـلــي كــسّــر شــــداده بــرجــوى صـيـدتــه لـلـنــار
طـفــت نـــاره وضـــاع الـلــي رجــــاه وكــلــت مـتـونــه !
وأنـا ياطـيـر لــو تـسـأل عــن الـلـي صــار أو مـاصـار
تـعــال وشــــوف بـعـيـونـك جــزايــه كــيــف يـوفـونــه ؟!
حـمــلــت أوزارهــــــم طــيــبــه وعـــابـــوا حــمــلــي الأوزار
تــعــشــوا لــحــمــي الـــبــــارح ولا زالـــــــوا يـلــوكــونــه !!
على كبر الخوي لا طاح.. تجي كلمـة (أفـا) منشـار
وتبـكـي المرجـلـه صـاحـب قـصـر ثـوبــه عـــن ردونـــه
واذا يـاطـيـر غــنــوا لــــك عــلــى حــــد الـسـمــا ســمــار
تـــــعـــــوذا هـــــمـــــك لـــــربـــــك .. تـــــعـــــوذا لايــغــنـــونـــه
