برجر كنك .... نبطي

السلام عليكم
خربشات كتبتها في فتاة شفتها تاكل في مطعم برجر كنك قبل يومين :


برجر كنك

حظك يا برجر كنك هاليوم بالذات....شفت القمر ياكل معاكم فطيره

هزيت راسي وقلت يالله بسكات....هاذي بشر ولا ملاك الأميره

الله يعين القلب هزته لمحات....تعكس ملامح بنت جدا خطيره

خصلات شعر(ن) أشقر اللون حلوات....تملي جبين اللي بحلاها مثيره

غمازتين بخد تملاه ضحكات....ضحكات طفله في مهدها صغيره

حتى الفطيره تقول مره ومرات....يا زين حظي في يديها أسيره

يارب تحفظها في كل خطوات....وتحفظ بنات عمان في كل ديره


موودتي...عاشق تحت المطر

الله الله مدري أقول يا حظ البرجر والا حظ الفتاه
أبيات جميله أخي
بس ما شاء الله عليك
عندك دقة ملاحظه قدرت تعرف مواصفات البنت بفتره بسيطه:o

نص خفيف على القلب .. جميل .. قوي ينم عن شاعر متمكن ..
يعطيك العافيه يا عاشق تحت المطر

الله الله عليك
نص رائع جدا
يسلم بوحك..

هلا فيك عاشق ..
نص جميل وعوده اجمل واجمل بلاشك
الف شكر لجهدك وصح لسانك لاهنت .. كل الود لك مني

نص جميل ورائع
يعطيك العافية أخي

حبيت بوحك اخوي
و شكله برجر كنج بيربح والبنات كلهم بيروحون يبون قصيده ههههه


تقبل مروري

صح بوحك اخوي

قصيده جميله اخي ؛
بنتظآر جديدككء :)'

السلام عليكم
شكرا لكم جميعا على التعليقات الجميله
مودتي..عاشق تحت المطر

عاشق تحت المطر

نص جميل ومداعبة بريئة

وياحظ كتاب الشعر بشاعر ذو حس ظريف


خزامى. . ..

هو هكذا الشاعر : يترجم المواقف إلى حروف جميلة

نص راائع بفكرته ورائع بروعة حروفه
تحياتي