العمر رحلة و التجافـي مسافه
مـدخـل ~||
جافيت من يغليك و الله حسافه
يا ظلم هـالوقت كم فرق أحباب
العمر رحلة و التجافـي مسافه
والبعد بعد قلوب و الوقت غلاب
مليت و أنا أنتظر واقف عند بابك
والأفكار بك تاخذني وتوديني
أسرح وأهيم بطاريك و غيابك
وأناظر بابك وتسيل دموع عيني
أعاتبك وأعاتبك و أتقبل أعتابك
أزاعلك وأرضيك وأمدلك يميني
أطلب رضاك وأطلبك لايطول غيابك
عن لايموت الشوق في شرايني
و أنت تتجاهل شخص يحيابك
و بـالصد والهجران دايم تجازيني
أمشـــي و أوقف علـى ثرى ترابك
يمكن تجي وبالصدفه تلاقيني
لكن بعد أمس ما أظن ينفتح بابك
و الدرب اللي خذاك لك بيوديني
واليوم القصيد اللي كان يرقى بك
طاحت حروفه وضاعت من يديني
مـخرج ~||
لي قلب واقف فـي نهاية مطافه
يسأل عن الأسباب ما حصل أسباب
يا سيدي من صافاك بالحب صافه
نار العتاب أهون ولا برد الغياب
