يا فرحتي يوم انقطع حبل الوصال!!!
يا فرحتي يوم إنقطع حبل الوصال
................اللي خذا له في سما عمري سنين
تمطر سما عمري عليه بكل حال
.................و أرضه جحودٍ ما بها خيرٍ يبين
عشقت (عينٍ ) لو تلد الثلج سال
...................و شلون لا واجهْتها عينٍ بعين
يصعب على الملسون قول اقصر مقال
..................ويعجز عن التفكير أبو عقلٍ فطين
أغرمت فيها و العتب والشك زال
..................و بديت قصة عشق و الله المعين
أعطيتها قلبي وروحي راس مال
..................و مشاعـري غلفتها بيـن اليدين
وحميتها من لمعة سيوف الليال
..................و غطيتها مـن لفحة أيـام الأنين
و مديتها بأشواقـي لحد الخيال
..................و أهديتها لين إمتلت حب وحنين
وأثر العيون اليا إمتلت من كل جال
..................إتضيق من كثر العطا ما تستبين
ردت وفاي بنظرةٍ فيها إحتيال
..................تشوفني و تشوف غيري كل حين
وإن جاعطاها راح ليمين وشمال
..................و أنا عطايه لا شمال و لا يمين
حسبي عليها غرني فيها الجمال
..................عشقت ظاهرها و لا شفت الدفين
وإثر الجمال الصدق في زين الخصال
..................يا منخدع في بيضة غراب(ن) لعين
واليوم أنا سلّمت للعقل العقال
..................وأعلنتها يا (عين) زينك صار شين
وقطعت ما سميته بحبل الوصال
..................اللي خذا له في سما عمري سنين
