تعرف غيابك مصدر الشوق فيني ؟!!؟
تدري وش اللي ضيَيق الصدر طاريه
انك على بالـي وتعـرف حنينـي
جاوب صدى صوتي بحاضر ولبيـه
ترى حروفك تطرب الحـس فينـي
لاجيت ابكتب عن ألـوَك* وتغليـه
لقيت دمعي حايـرآ وسـط عينـي
ماقول لك تكفى ولاقـول لـك ليـه؟
امَا تجـي يمـي او انـك تجينـي
في الحالتين ابغاك يا نـاس اغليـه
يطفي لهيب الشوق داخـل ونينـي
يلملـم اشتاتـي بلمسـة آيـاديـه
ويكسَر اوصال الحزن وسط عينـي
واروح انا فـدوةً لمنهـو مسمًيـه
واطيح وان شالتني كـل ارجلينـي
ساعات احس اني بقربـه واناديـه
ماعرف عناويني ولا وين وينـي؟
القاهرة في حضرتـه شانزيلازيـه
حتى الرياض بكبرها فـي يدينـي
واغيب عن mood الألـم والتآويـه
والقى الفرح يزهي على راحتينـي
لاتكحل عيونـي بدمـع المشاريـه
وخل العتب يذبـل علـى ناظرينـي
ولَا تعـال ودام هالوعـد نرجـيـه
وصلك عن العالـم بـزود ويفينـي
باستوطن اتعابك وحزنـك بداريـه
وابقسـم الآهـات باقـي سنينـي
وان ماكفى صدق الغرام ومساريـه
مهدت لك خطـوات شـوقِ دفينـي
عل وعسى شعري يترجـم مآسيـه
وتعرف غيابك مصدر الشوق فينـي
