الحب أسمى عاطفه تسكن الروح
الحب ما يسقي القلوب و المحاني
الحب أسمى عاطفه تسكن الروح
يا حبك إلي كل مضمى سقاني
سرا بلال ودرب مهجور و نزول
ما أقول منك إللي لفاني كفاني
لأني أحبك هجر وعناد و جروح
إن غبت عني طال عمر الثوني
تقول عمر الثانيه من عمر نوح
وأن جيت مرت ليالي زماني
ما كنه إلا البرق بعيوني يلوح
قبل الجفا عذرك سبقني و جاني
لا تعتذر ذنبك من العام مسموح
أبني على شوفك صروح و أماني
وشلون ما تبني على شوفي صروح
إن كان غيري عوضك عن حناني
ما عاضني غيرك من الغيد مملوح
أنتـــه الأخير وأنتـــه الأولاني
لو كان حبك حد قلبي على الصوح
و الله ماباح بغرامك لساني
إلا عيوني يوم يطرونك تبوح
كتمت سرك لين دمعي عصاني
راعي الهوى لو يكتم السر مفضوح
لاتلوم قلب ن جر فيك الأغاني
حتى الحمام يجره الشوق و ينوح
