خلقت بالدنيا وانا ما معي شي
سجه مـع الهاجـوس طبيعـة ٍ لـي
طبيعـة ٍ بامـوت ماجـزت عنـهـا
أشكي على الخلاق و أرفع له إيـدي
لا كثـرت الأفكـار يـفـك منـهـا
أما الكرم قد فـاز بـه حاتـم الطـي
حتى الفرس من شان ضيفـه طعنهـا
خلوني أكرم في حياتي و أنـا حـي
و لا مت مدري جثتـي مـن دفنهـا
خلقت في الدنيا و أنا ما معـي شـي
و بروح منها مـا معـي شـي منهـا
مسكين يااللي تحسب الواجـد شـوي
و العافيـة لـو نشتـري وش ثمنهـا
يا جاهل الدنيا ترا هـي كمـا الفـي
يا مخبل اللـي فـي حياتـه و منهـا
إن ناحرتلك قامـت تـروح و تجـي
مثل الذلـول اللـي طويـل رسنهـا
و إن دبرت خلتـك طايـح و مرمـي
و كم واحد ٍ له حاجـة ٍ مـا ضمنهـا
لا بد ما نرحل عن المـزح و الغـي
و نسكن بيـوت ٍ قبلنـا مـن سكنهـا
النفس مثل الغصن عايش على الـري
و لولاه كـل النـاس عافـت وطنهـا
ياالله عسى الحسنات تقضي على السي
لا قربـوا للنفـس ذرعــة كفنـهـا
