عرض للطباعة
مراحب خواتي واخواني
هلا حبايبي سوري غبت فترة عنكم لاني كنت في المستشفى مسويه عمليه وصراحة اشتقت لكم وايد وحج السبلة ...
جبت هالموضوع بس اشوف في ناس وايد يشتكوا من اليهال في المساجد يعني يروحوا المسجد ويودوا اطفالهم ابي اعرف اليهال
يلي ما يعرفوا يصلوا ليش يودوهم المساجد يسوا ربشه الاوادم ما يجدروا يصلوا ابدا صريخ وصياح والحريم احيانا يودوا عيالهم
رضيعين هناك كيف اتروحي المسجد واتودي عيالج مستغربة منهم والله انتوا شو رايكم في هالموضوع ...
هلا مجنونك
سلامتك ما تشوفي شر
صحيح معك حق
يشتكوا الرجال من ربشة الاطفال ف المساجد والركض
فماله داعي يلهوا المصلين بأطفالهم
اما النساء
فالمرأه صلاتها ف بيتها وليست مكلفه تروح مساجد
الا اذا حابه
لكن هذا ما معناه انها تشل اولادها ورضيع وكذاك
فكان احسنلها لو جالسه ف بيتها
الف شكر لك
سلامتك مجنونك حتا انا وحليلي كنت اقول وين اختفيت هذي مجنونك اقول في قلبي يعني اهم شي سلامتك اختي مجنونك
الاطفال يشلوا المسجد عشان يتعودوا
المفروض الاباء يوم يشلوا اطفالهم المسجد يخلوهم جنبهم ويصلوا قربهم وبهذا ما راح يكون فيه مشاكل ابدا
اما بخصوص الحريم يروحن يصلن المسجد عادي يروحن بس بدون ما يشلن اطفالهن واذا عندهنا اطفال احسن تجلس في بيتها وصلاة الحرمه في بيتها افضل
سلامات اختي ما تشووفي شر إجر وعافيه ان شاء الله...
صحيح كثير ما نشاهد هذا شي بس في بعض المساجد مشرفات يمنعن من دخول الأطفال في مكان الصلاه وهاي انسب حل من وجهة نظري...
كل شكر لك
السلام عليكم
سلاامتك
ما تشوفين شر ~
بالفعل هالشي موجود بكثرة
قبل سنوات كنت اروح اصلي التراويح بالمسجد القريب من بيتنا
بس صدق ازعاااج من خاااطر
ما اعرف اركز بالصلاة ..اطفال يلعبوا ويصارخوا
الغم امهاتهم ولا كأنه شيء
ولما ننصحهن يحطوهم بالبيت يتحججن محد بالبيت يجلس مع اطفالها
بصراحه دام محد معهم بالبيت تصلي في بيتها افضل لها ولغيرها ..
سلامات ماتشوفي شر
انا اقولك تر المفترض الاباء ياخذو اولادهم عشان يتعودو حق الصلاه فالمسجد لكن يلي يصير ان اذا اجتمع اثنين او ثلاثه من الاطفال غابو المصلين لكن المفترض الاب ماياخذ الطفل حق المسجد لا عشان يتعود ولاشي يوم يجي غايته ويتعلم الصلاه هذك الساعه ياخذه
وبعد احيانا الاب مايريد ياخذ الاولاد المسجد لكن نبع الحنان الي هيه الام تلزم عليه يشلهم عشان هيه تاخذ راجتها عند الجيران والقهوه ومحد يزعجهن عباره
شكر لطارحة الموضوع اتمنى الشفاء لكي خيتوووو
السلام عليكم ورحمة الله وبركاته
الحمد لله ع سلامتك مجنونك.
بعض اولياء الامور يذهب بأبنه للمسجد بحجة تعلم الصلاة ولكن ينسى ان ابنه غير ملتزم وانه لايقوى على الصمت والهدوء في اماكن العبادة..وهذا خطاء يحتاج تعليم ونصح قبل القيام على هكذا خطوة...المسجد ليس بدار حضانة حتى يتابع ولي الامر ابنه كل خمس دقائق او كل ركعتين..بل هو دار عبادة والالتزام مطللوب جدا من حيث الهدوء والسكينه والخشوع.
يفضل يمنع الاطفال دون سنه الثامنه من دخول المسجد.وطبعا لانعمم ..هناك اطفال دون هذا السن وهم ملتزمون جدا مثل كبار السن
شكرا لك
تستاهلي السلامه مجنونك
هذه المشكله عامه وبكل مكان اولياء الامور يريد يعلموا اولادهم الصلاه
لو كل واحد مخلي ولده معه يجلس بالمسجد ما بيصير الازعاج بس هم مخلينهم على راحتهم
كيف الولد بيتعلم الصلاه دامه يركض من مكان الى مكان ف المسجد
الله يسلمكم .... تسلمون والله عالمشاركات بارك الله فيكم ....
أولا الحمد لله ع سلامتك حبوبه ..
ثانياً سالفة الصغار الحين يجين المساجد يصلين تراويح والمسجد بروحه زحمة ويجين يضبنا زيادة
وف النهاية نصلي خارج ونص التلاوة م نسمعها لأن السيارات خارج والازعاج .
ومن غير الحرارة والرطوبة
يعني أتمنى كل حرمة تخلي بنتها ف البيت تصلي وم تجي تزاحمنا ف المساجد
ولا انها تجي بس تصلي خارج هع
حمدا لله على سلامتك أختنا الراقية
طرحك لمثل هذه المواضيع في غاية الأهمية ومن الملاحظ أن بعض الآباء هداهم الله يصطحبون أطفالهم وهم في سن لاينبغي أن يدخل الطفل فيه للمساجد لما له تأثير على المصلين من ناحية الصراخ واللعب وربما يصل الأمر لأخطر من ذلك وهو لعب بعض النقاط الكهربائية في المسجد وهذه الأمور يجب أن ينتبه لها , نعم , نقول أن هذه العادات محمودة وطيبة وهي اصطحاب الأطفال للمساجد شريطة أن لايقل سنه عن ست سنوات كحد أدنى
تقديري
يعتد على عمر الطفل بحيث اذا غير مشاغب وبسن يعقل الامور وتربى
على أساس ان بوقت الصلاة يجب الاحترام فعادي...اعتقد هالشي يعطيهم حافز
لإداء الصلاة ويربي فيهم الخصل الحميدة.
اما اذا الطفل مشاغب ويفتقر للتربية الجيدة أكيد راح يربش المكان
http://www.majaless.com/up/get-1-2012-c1lfd55x.jpg
سبحان الله ..الإمام أمس تحدث عن هالموضوع كل ولي أمر يمسك أولاده لانه عاملين ازعاج وصعب انكك تخشع .
للأسف يوجد الكثير من هاؤلاء الأشخاص والله اعلم ما الهدف منها
ولم لم يمتنعوا عن هذا الشيء
وأحيانا يحظر الاطفال يدون علم أبائهم
هنا وجب على أئمة المساجد
والمسؤولين عنها
مخاطبة الأهالي وتنبيههم
جزيت خيرا
أخيتي بالله ..
الحمد لله.ع سلامتك أولا ..
ثانيا .. مافي أحد يعلم.ظروفاالمرأه الي جابتأوولادها لصلاه ممكن انهم يكونوا في سفر فاضطروا لصلاه ف مسجد الي وافاهم في طريقم .
وسواء لهذا سبب أو لغيره لكل أحد وجهةننظر هوفي الأساس أنتي ما راح تكوني قادره على الأعتراض من هذا الموقف ...
وبعدين ما في أجمل من ان تكوني تصلي وفجأه يجي طفل يقلد صلاه قدامك ..
أحسه أروع شعور..