طال السّهر يا صاحبي وأنت ما بنت
طال السّهر يا صاحبي وأنت ما بنت
ما كنّك اللي قلت لي نسهر الليل!
كانك نعست ونمت / شفني فلا خنت
ساهر بطيفك / والسّهر يكسر الحيل
قاسي عليّ وكل مالخاطرك لنت
اتزيد بالقسْوة ونا ازوّد الكيل
بعدين ياللي كنت .؟/ لا شفتني كنت؟
تتراقل رجولك / تقل داهمك خيل
ان كبرت براسي / لك الله ترى / شنت
وتجرّ من عقب الخبيتي مواويل
ان صنتني بالحبّ / يا صاحبي صنت
وان زدتني بعتاب / لا تامن السّيل
سيل الجفا لو مرّ في خافق البنت
درهم بخافقها من الحيد للوِيل
اتقوللي اغليك / وآقول لا هنت
مْحبتي لك غير / عن كل ما قيل
انت الغلا / والحب / كلّه ترى انت
وقلبي فلا ميّل لغيرك ولا ميل
