خطرفة .. إحساس طفلة
[مدخل /
و ابتدى المشوار ... بدري
قال : نمشي
و قلت : مدري ؟؟؟
وين تاخذني ...../ أمانة !
وحدنا / و لا معانآ
همنا يسري ورانا
.... / أو نعوفهـ ؟
نتركه يواجه ظروفه ؟
و وين وجهتنا .. و سفرنا ؟؟
قول أمانة !!!
أغتِسل بالنور و انفض .. عَن أزاهيري ( غُبار)
بَعثرة عَمس إغترابي في زوايا الأمكنه
يا صَباح النور [ حيّهـ ] :: فاق زهري بإختصار
همهمي يا روح ... حرفكـ / كل مابي [ مُذعنه ]
و اسمحيلي لو غفا في .... حضرتك / بعض النهار
انبهر صبحي بفيٍّ... في رحابه (يحضنه)
و الدفا / يعني غفا ... و الفرق ... آيل لإنهيار
والحَبل معقود من دفئك ...... إلينه ( يسكنه )
و السعد من بعد مالي .. دار ظهره ../ إستدآآار
و الخفوق اليوم ... فرحه بعد حزنه (عنونه)
جآع قلبي للمشاعر ... و ارتفع شوقي " شعار"
يالله من غيثك تِروّي .... / لي ثمارٍ .. تسمنه
يالله .. تهديني لدرب الود .. و أحلام الصغار
ورد أحمر .. درب أخضر .. وجه ضاوي .. دندنه
هايمة بأفلاك حبي ... / خارج خطوط المدار
بآتجمل بالمحبة .. / و الهوى .. أتفننه
برسمه .. بإحساس طفلة .. شخبطة فوق الجدار
قلب ( احبك ) كم يساوي؟ = من هنا لمية سنه
و ايتخبى .. و له أدور .. لين أوصل للستار
يبتعد خطوة .. و أقرّب مثلها .. و أتمكنه
يصرخ بوجهي .. ( تِغشّي) ../ بيدي آهز السِوار
دورك تدوّر عليّ... / و كل قصدي آجننه
يا براءة طيش عذري .... صعب لمّه في إطار
غِر .. لكن كم .. تواري سنين عمره هيمنه
يا شقاوتنا .. و بياض الروح .. في كون ( الغُبار)
خطرفة .. إحساس طفلة .. فوق بيض الأحصنه
مخرج ~
و ابتدينا ..
بعد ما كنا انتهينا ..
قال : نمشي ... قلت / مدري
.. / ولا تدري ..
ما ابي...
يضيق صدري
ما شبعت من الهموم ؟!!
خلنا نبقى شوي
.. الفرح .. مو كل يوم ؟
