عبر الأثير ألنا نزولي وطلوعي
تعال شفني من ضما الصد عطشان
حتى الجفا ياكل من اقصى ضلوعي
صابر على حظي ولاني بـ زعلان
والصمت حكمة من مزايــا طبوعي
غريب دار ولـلعنـاوين شفقـان
اللي لهـا صدري وقلبي يلـوعي
لامن ذكرت اللي لها الصدر بستان
جتني جيوش الحزن فرد وجموعي
والعين تدمع والشرايين بركـان
وصـوت المنادي ما تجيبه سمـوعي
واعيش مع خوة همومي والاحزان
والثـانية عندي مداهـا سبـوعي
يوم الفرح غايب من العام مابان
ويـوم المشـاعر والاحـاسيس جوعي
روحي غريبه فاقده روح خلان
والبعـد قـاسي واتعب الخـد كـوعي
انظم حروف الشعر لولو ومرجان
من ليـل سبتي لين ليلـة ربوعي
وليلة خميس ادخل على النت فرحان
ليلة ظلام وحرف خلي شموعي
اسهر طوال الليل والشوق سهران
وخلي ينام ولا درى عن وجوعي
وفي ليلة الجمعه مع اصحاب وإخوان
عبر الأثير ألنا نزولي وطلوعي
دنيا غريبه مـا بها أمن وأمـان
لا فاتت الحسنه بليــا رجـوعي
