في خـَاطري كلمـِة ويمكـَن تبكيـِكـ ..!!
في خـَاطري كلمـِة ويمكـَن تبكيـِكـ ..!!
وشلون ماأحبك ولا عدت مغلي
وأنت الدوى لـ إنسان دونك يعاني
و وشلون رحت وكل صوتي يناديك
ياهيييه اسمعني ترى العمر فاني
ماقلت لك من قبل ماني مخليك
ياكيف تنساني ــ وقلبك نساني ؟
كتبت لك في صدر الأيام أنا أبغيك
وكتبت لي :.. خلاص غيرك خذاني
حتى جدارالصمت لو التفت فيك
بكيت من صمته .. وضيق الثواني
عشقت كل لحظات عمرك وماضيك
ومعك : عرفت إن الأماني .. أماني
وسويت لك في داخلي شي يرضيك
وان كان مايرضيك ؟! ... سويت ثاني
نزعت فرحت خاطري .. ليت تكفيك ؟
وزرعتها.. فـي داخـلـكـ مـاكـفـانـــي
ضحكت لك وآنا من الحزن أسليك
وحبست دمعي لجل أقدم حناني
وصديت وقت الضيق .. مابيك مابيك
تشوفني أضحك .. وأنا اللي أعاني
ياهـ الزمن تكفى - طلبتك - وأرجيك
لاتبخل بـــ وصل الحبيب الـ أناني
قد قلت له : مقدر أفارق وأحاتيك
وقد قلت له : هـ البعد ياما كواني
لكن حسافه كل صوتــ (ن) يطريك
ياما معا نفسي ذكرتك .... أغاني
بـ أيديك كل اللي حصل اييه بـ أيديك
بديت أحسك شي ... خااارج زماني
ودامك زرعت إنسان غيري بـ أراضيك
فـ أنا ماحب يكون غيري ..... مكاني
بـ تغيب ؟ غيب ولكن اسمع محاكيك
قبل السفن تنوي بــــــ هجرالمواني
في خاطريكلمة < ويمكن > تبكيك
أبيك تسمعها / . دقايق عشاني
لو الزمن يعطيك - ماهوب معطيك
شخص يحطك بين عوج المحاني !!
