الآ ياحظي المقفي ترا عندي عليك اعتــــاب
على حد السكوت اللي جرح خد الكلام وذاب
وقفت اودع البسمه ابقتلها على شفاتي
سعيت ادور الفرحه وادور للهنا اسبـــــــاب
تعبت وتاهت دروب السعاده في مساحاتي
طويت الحزن بيديني وفصلته علي ثيــــــاب
تقول ان الحزن فيني شقا مخلوق في ذاتي
عشقت الليل لاطبق على عين النهاراهـداب
وغنت به نجومن في سماه تردد آهاتي
قصيد من الأسى سطرعلى لوح الزمان كتاب
حروفن حبرها دم الوريد وسيل دمعاتي
على غدرالزمان الي وقف مع صدمة الأحباب
خساره كل ماسامح خطاك تزيدصدماتي
الاياحظي المقفي تراعندي عليك اعتــــاب
قبل لا تبتعد عني تعال وشيل شرهاتي
تصد بضحكتك عني واناالي ماحسبت احساب
عوافي كانهاهانت عليك اليوم عبراتي
اشيلك هم في صدري ولا افتح للعواذل باب
اشفرموجة الونة ولو تكبر معاناتي
صحيح ان الغلا فاضح صحيح ان الهوى غلاب
ولكني اموت ولايهز الذل راياتي
تلوم الناس ماتدري وانااللي بالجفا منصاب
ادوس الجمره برجلي وابين دوم ضحكاتي
الاياهمن بصدري ترعرع بالخفوق وشاب
مادام انك على قيد الحياة اكتب نهاياتي
خالد التميمي
