♥ ♥ أدري تبـــيـــــــــــني ♥ ♥
يا ليلة فراق الحبيب اذكريني
وخلي على التاريخ ضيقي والاتعاس
أبي جميع الناس تقراه فيني
وتكتب معاناتي على كل كراس
يا صاحبي لو فرقتنا السنيني
حكم الزمن جبار لكن لا باس
ادري تبيني حيل وتموت فيني
وادري وجودي غير عن باقي الناس
وتدري مكانك بين رمشي وعيني
وحبك توزع بين دمي والأنفاس
أبيك وأحبك مثل ما تبيني
أثنين نتبادل هواجيس واحساس
لا غبت عني في خيالي تجيني
تخيل اسرح معك والناس جلاس
والمشكله ما عاد هي في يديني
الي حصل مكتوب فيه اقطع الياس
بكشف لك الحاضر وماضي سنيني
يعني بلاش اخش وتصير حساس
الوقت يجبرني وابي تحتريني
مع ان صبري يا الغلا معلن افلاس
بغيب وانته غيب والله يعيني
يمكن مع الايام نرجع على ساس
الوقت خلا كل قاسي يليني
يعقد العقال ويشيب الراااس
يا ليلة الفراق لو تنكريني
أستغفر الله يمكن يموت الاحساس
أستغفر الله يمكن يموت الاحساس
أستغفر الله يمكن يموت الاحساس
