كـآن دوخك إرتجـآلي يمدحون الإسبرين ~ !!
ياصغييـر لاتفلسـف .. مـنـت قد الإرتـجـال
لـو وصلـت لبـرج بابـل فـي ديـار الرافديـن
تبقى فـي نظـرة عيونـي .. زي حبـات الرمـال
يعني الله لايهينك ... وين انا .. شف وانت ويـن
الشعر نجدي.. ولكن .. طووووعة جن الشمـال
يعني سبعيـن الـف جنـي .. حولنـا متواجديـن
قُـم ولاءً للمعلـم .. يعـنـي تـوقف بإعتـدال
والا فـي صـح العبـارة منـت قـد معلمـيـن
زي نص المسرحية .. شفت عـادل كيـف قـال:
ثكلتك بنت عمة قـدة امك ... أُل أمييييييييييـن
قال: ممكن .. قلت: ممكن .. بس يمكن ذي محال
ربما تفـهـم .. ولـكـن ربمـا .. لاتستبـيـن
التـمـدد والتقـلص مـن عـلـوم الإخـتـزال
والكثافة نسبـة المـاء .. تحـت ضغـط الأكسجيـن
وإنعـدام الجاذبيـة .. يعـني قـطع الإتـصـال
والتسامي علم سامي .. ت .. بعـده حرف سيـن
وانقسـام أية خليـة .. مـن خليـة.. انفصـال
زي ( دُلي ) شفت كيف استنسخوها مرتين .. !!
وانصهار الثلج .. يعنـي ذاب ياولـد الحـلال
تدري ان الماء أساساً .. اكسجين .. وهيدروجيـن
والذي ممنـوع صرفـه.. بالنحـو سمـوه حـال
إسـم إنَ ... أو لأنَ .. زي كيفَ ... أو لأين
يعني لو قمـت اتفلسف .. منـت قـدي بالهبـال
فلسفة شاعر.. ولكن ... فلسفة شـاعر ذهين
كان ودك بـس تفهـم فلسفـة شعـري تـعـال
وش يسمـون إنحـراف المركبـة ذات اليمـيـن ؟
قال : مالت قلت : مالت ... عليك من الخبـال
مافهمت اللـي نويتـه .. يالخبـل منـت بفطيـن
اضغط انتر فـي جهـازك ..ينكتبلـك حرف .د.
حط ..ل.. وحط .. خ .. واضغط انتر مرتين
يطلع اسمك الكترونـي دلـخ أقرب إحتـمـال
كان تسمع بالذهانـة يالغبـي طـحت بكمـيـن
كل هـذا ماهجيـتك هـو مـجـرد إرتـجـال
وكان دوخـك إرتجالـي يمـدحـون الإسبـريـن
لو جمعت جيوش شعـري كان سـويـت إحتـلال
بـس مـاودي أغـامـر .. حشمـةٍ للحاظـريـن
بـس ياويلك لو اني واصــلن للإنفـعـال
كـان صـدري هالنجدي .. ضـاق بالمتواجديـن
تـدري ان اكبـر حماقـة .. لاتوهـمـت بخـيـال
زي مـن يـزرع بطاطـة بـين .. ورد الياسمـيـن
يعني اسكت .. لا تفلسف .. دام باقيلـك مجـال
يمكن ..أحياناً .. يكون الصمـت رحمـة والديـن
الرجوله للصغير .. رمـزهـا لـبـس العـقـال
والكبيـر اللي جهلهـا .. قـال فتل الشاربـيـن
الرجل يلبـس قـلادة .. ويتغنـج .. انـحـلال
وقصـة البنـت لشعرهـا .. عـادة المستخوجيـن
و السذاجه و السماجة ..أسئلة .. داخـل سـؤال
مـن حـدود البرتقالـه ليـن توصـل بابـا فـيـن
