بقـــــــــــــــايا مؤلمـــــــــة ...
فـي زوايا جرحه الماضـي بقايـا مؤلـمـه
.... لا خذتنـي سجّـة الذكـرى خذتنـي بالألـم
أمسـك بكفـي فـؤادي لا ذكرهـا والـزمـه
.... وإن سألني من بجنبي قلت ادور لي قلـم
عـادتـي لازاد هـمــي اتـجـمّـل واكـتـمـه
.... واتصبّر واقرب الخلان عنـي مـا اعتلـم
لاجل عينٍ صوبتني فـي سهـام السلهمـه
.... والعجـب مالـه نزيـفٍ بـس تذبحنـي ألـم
اصرعتني واتركتني مثل من طلّوا دمـه
.... ماحدٍ ياخـذ بثـاري أو يحاسـب مـن ظلـم
حتى لو جبت الدعاوى وادّعي بالمحكمه
.... لو هي اكبر متهم بي تطلع الدعوى سلَـم
فتنتي والنفـس فيهـا مـن عرفتـه مغرمـه
.... انـا واحـد فـي سواهـا ماتمنـى وْلا حـلَـم
ماغنتني اظبي نجـدٍ والحـلا فـي مبسمـه
.... عن هِواها كيف تغنينـي المنايـل والزلَـم
بالفصيـح اقـول قـولٍ مايبـي لـه ترجمـه
.... أنا لن أهوى سواها –مطلقاً -كـلا ولـم
